Neytendablaðið - 01.03.2007, Blaðsíða 12
Má örugglega setja ryðfrí stálhnífapör í uppþvottavél? Þó að
hnífapörin séu merkt „dishwasherproof” koma samt ryðblettir
á hnífsblöðin! Þarf að kaupa það allra besta og það allra dýrasta
eða geta ryðfrí stálhnífapör á skikkanlegu verði staðist ryð? Hvað
þýða styrkleikatölurnar? Hér er stutt grein sem birtist í nýjasta
neytendablaði Choise um það sem skiptir mestu máli varðandi
ryðfrí stálhnífapör.
Ryðfrítt stál er stál með viðbættu krómi til ryðvarnar og jafnvel
nikkeli til varnar sýru. Hágæða ryðfrítt stál (18/11) inniheldur 18%
króm og 10% nikkel. Venjulega er það dýrara, bjartara og hvítara
á lit en lággæða ryðfrítt stál (13/11) sem getur verið gráleitt og er
einnig segulvirkara en hágæðastálið. Lággæða ryðfrítt stál hefur
einnig meiri tilhneigingu til að ryðga. Þrátt fyrir nafnið veita flestar
málmblöndur sem notaðar eru í hnífapör aðeins viðnám gegn ryði
og eru því ekki alveg ryðfríar.
Flestir gafflar og skeiðar eru ágætlega laus við tæringu, en hnífsblöð
eru frekar gerð úr harðara stáli sem gerir eggina endingarbetri
og blöðin líklegri til að ryðga að lokum eftir endurtekinn þvott
í uppþvottavélinni. Eftirfarandi ráð gætu dugað til að minnka
hættuna á ryði:
` Ekki skilja súrar eða saltar matarleifar eftir á hnífapörunum. Það
getur blettað þau. Skolið vel af hnífapörunum áður en þau eru
sett í uppþvottavélina, sérstaklega ef ekki stendur til að setja hana
strax í gang.
` Ekki geyma skítug hnífapör í uppþvottavélinni í marga daga.
· Ekki skilja þvegin og rök hnífapörin eftir í uppþvottavélinni yfir
nótt. Opnið vélina eftir að hún hefur lokið sér af við þvott til að
flýta fyrir þurrkun, eða takið hnífapörin út og þurrkið þau strax
eftir þvottinn.
· Ekki yfirfylla hnífaparakörfuna. Notið grind, ef hægt er, svo
stykkin liggi ekki saman. Það er sérstaklega mikilvægt að ryðfrí
stykki úr stáli eða kopar eða stykki með silfurhúð snertist ekki, þar
sem efnasvörunin með heitu vatni og uppþvottaefni getur valdið
blettamyndun.
· Ekki þvo hnífapör með viðar-, plast-, bein- eða postulínsskafti
í uppþvottavélinni nema það sé sérstaklega merkt sem
uppþvottavélaþolið.
· Ekki hella uppþvottavélaefni beint á hnífapör. Silfurhúðuð
hnífapör geta orðið varanlega blettótt. Einnig getur fallið á ryðfrítt
stál á nokkrum mínútum.
· Ekki skola hnífapör í langan tíma í sápuvatni, bleikingarefni eða
saltvatni.
· Ekki nota grófa/hrjúfa hreinsiklúta. Vatnsbletti er auðveldlega
hægt að nudda af hnífsblöðum og á erfiða ryðbletti er gott að
nota mjúkt málmhreinsikrem eða vökva (fyrir ryðfrítt stál, ekki
silfurhreinsi) ef nauðsyn þykir til. Á „regnbogalitaða” bletti er gott
að nota sítrónusafa.
· Sérfræðingar mæla venjulega með því að þvo hnífapör í höndum.
Fyrir utan hættuna á ryðblettum getur bit hnífseggja eyðst í
uppþvottavélinni þegar hnífarnir rekast utan í diska, hnífapör eða
rimla. Og að sjálfsögðu er alltaf öruggara að láta ekki beitta hnífa
liggja innan um hin hnífapörin.
Þýtt úr ástralska neytendablaðinu Choise jan/feb. 2007
Ryðga hnífapör úr ryðfríu stáli?
12 NEYTENDABLA‹I‹ 1. TBL. 2007
Cl
ick
to
b
uy
N
OW
!PD
F-
XCh
ange Viewer
w
w
w.docu-track
.c
om
Cl
ick
to
b
uy
N
OW
!PD
F-
XCh
ange Viewer
w
w
w.docu-track
.c
om