Ægir - 01.04.2005, Blaðsíða 14
14
N Ý R B Á T U R
Seigla ehf. hefur lokið
við smíði Glettings
NS 100, sem er bátur
af gerðinni Seigur
1160. Báturinn er
smíðaður fyrir út-
gerðina Kára Borgar
ehf. á Borgarfirði
eystra, þaðan sem
hann verður gerður
út. Báturinn verður
gerður út á krókaafla-
marki og grásleppu.
Glettingur er 14,9 brúttótonn
(11,8 brúttórúmlestir) að stærð,
11,6 metra langur og 3,6 metra
breiður. Um er að ræða nýsmíði
nr. 21 hjá Seiglu og er þessi bátur
sambærilegur við Matthías SH,
sem Seigla smíðaði fyrir nokkru,
að því frátöldu að þessi bátur er
ekki yfirbyggður eins og Matthí-
as.
Í bátnum er 650 hestafla Vol-
vo-aðalvél og er mesti ganghraði
30 sjómílur á klukkustund. Lest-
in rúmar tólf 660 lítra fiskikör. Í
lúkar er góða aðstaða fyrir þrjá
menn. Þar er ísskápur, örbylgju-
ofn, keramikhelluborð og sjón-
varp. Í stýrishúsi eru tæki frá
R.Sigmundssyni en sjálfstýringin
er frá Elcon.
Samkvæmt upplýsingum
Seiglu hafa JLH rafmagn ehf. og
Rafnesti ehf. í samvinnu við
Seiglu ehf. hannað rafkerfið í
Glettingi, sem er nýjung á þessu
sviði. Rafkerfið byggir á iðn-
tölvukerfi tengt skjákerfi, sem er
forritað eftir þörfum hverju sinni
og einfaldar mjög allar lagnir.
Hönnunin gerir einnig hefð-
bundnar lagnir milli stýrishúss
og vélar að mestu óþarfar. Kerf-
inu má stýra hvort sem er frá
stýrishúsi með snertiskjá, frá
vélarrúmi með 12 rofa forritan-
legu rofaborði eða frá dekki, með
3ja rofa forritanlegu rofaborði.
Í kerfinu er sjálfvirkt viðvörun-
arkerfi fyrir bruna og sjó og býð-
ur upp á sjálfvirka lensivöktun.
Allar breytingar á kerfinu, sem
hefur verið tekið út og samþykkt
af Siglingastofnun, eru mjög auð-
veldar þar sem þeim er stýrt í
gegnum tölvu.
Sverrir Bergsson hjá Seiglu ehf.
segir að þessi bátur sé stærsta
týpan af þessari gerð báta frá
Seiglu, en einnig sé töluverð
spurn eftir minni bátum, nú þeg-
ar sé búið að afhenda 10 og 12
tonna báta á þessu ári. Næg verk-
efni eru í gangi, að sögn Sverris.
Meðal annars nefnir hann að
Seigla sé núna að smíða annan
1160 bát sem verði alveg yfir-
byggður. Þessi bátur verður sýnd-
ur á sjávarútvegssýningunni í
Kópavogi í haust. „Það er nóg að
gera hjá okkur, það væri ósann-
gjarnt að kvarta,“ segir Sverrir og
bætir við að hljóðið sé bærilega
gott í smábátakörlunum. „Menn
eru þó að kvarta undan fiskverð-
inu og síðan er hátt gengi krón-
unnar að stríða mönnum.“
Sverrir telur að núgildandi
reglur um stærð smábáta hamli
framþróun í greininni. Hann seg-
ist trúa því að þessar reglur verði
rýmkaðar þannig að leyft verði að
smíða 25-30 tonna báta. Í slíka
báta sé t.d. mun auðveldara að
koma fyrir línubeitingarvélum og
um leið geti farið vel um mann-
skapinn um borð.
Nýr bátur frá Seiglu fyrir
útgerð á Borgarfirði eystra
Glettingur NS-100
á fullri ferð.
Mynd: Seigla.
aegirapríl2005 6.5.2005 11:58 Page 14