Ægir - 01.04.2005, Blaðsíða 22

22
Æ G I S V I Ð TA L I Ð
„Ég er fæddur og uppalinn í Sandgerði og þar
kynntist maður öllu er lýtur að bátaútgerð og sjó-
sókn. Faðir minn, Karl Einarsson, sem nú er kominn
á eftirlaun, var skipstjóri og útgerðarmaður. Ég byrj-
aði minn sjómannsferil í Sandgerði árið 1975 með
pabba á bát sem hét Ari Einarsson GK-400. Þá var
ég fimmtán ára gamall. Ég er einmitt núna um þess-
ar mundir að hefja mitt þrítugasta ár til sjós. Ég held
að á sínum tíma hafi ekkert annað komið til greina
en að fara á sjóinn. Meira að segja fékk ég leyfi for-
eldra minna til þess að hætta í skóla ef ég lofaði síðan
að fara í Stýrimannaskólann. Við það loforð stóð ég
tveimur árum síðar. Reyndar tók ég bara 30 tonna
pungaprófið, en hafði ekki áhuga á frekara námi.“
Landlegur á Sigló
Vorið 1977 seldi pabbi bátinn sinn og þá réð ég mig
á Skagaröst, netabát frá Keflavík, sem var gerður út á
humar. Eftir þá humarvertíð hét ég því að fara aldrei
aftur á humar! Þetta var skelfileg vinna og mér
fannst þetta ekki spennandi veiðiskapur.
Sumarið 1978 hófst langskemmtilegasti kaflinn á
mínum sjómennskuferli, þegar ég fór á loðnu. Ég
fékk pláss á skipi frá Keflavík sem hét Gígja RE og
var þar sumarið 1978, allt árið 1979 og til loka apríl
1980. Þetta var alvöru líf. Þarna var maður ungur að
árum og naut hvers dags. Landlegurnar voru heldur
ekki slæmar. Í einni slíkri kynntist ég konunni
minni, Júlíu, á Siglufirði. Þá var það svo að ef vel
veiddist þurftu skipin oft að bíða lengi eftir löndun.
Það kom t.d. fyrir að við komum inn á föstudags-
kvöldi og þurftum að bíða til mánudags eftir lönd-
un. Hvað áttu þá ungir menn að gera? Auðvitað var
farið í land og skundað í ríkið og síðan var gjarnan
slegið upp balli á Sigló kvöld eftir kvöld. Þetta voru
alvöru tímar, alveg ótrúlega skemmtilegt tímabil.“
Reynir Karlsson og Júlía Óladóttir gera út Júlíu SI-62 á Siglufirði:
Gott að vera ekki
háður stimpilklukku
Reynir Karlsson og Júlía Óladóttir hafa byggt upp öfluga línuútgerð á
Siglufirði, gera út 7,3 brúttórúmlesta bát, Júlíu SI-62. Reynir, sem er
Sandgerðingur, man tímana tvenna í sjómennskunni, enda hefur hann
verið óslitið á sjó í um þrjá áratugi. Þau hjónin settust niður með blaða-
manni Ægis yfir kaffibolla og Reynir var fyrst beðinn að rifja upp æsk-
una í Sandgerði.
Júlía SI-62 á fullri ferð.
Mynd: Steingrímur Kristinsson/Siglufirði.
aegirapríl2005 6.5.2005 11:58 Page 22