Ægir - 01.07.2006, Blaðsíða 12
12
F I S K I D A G U R I N N M I K L I
skyldur í nær 40 húsum á
Dalvík opnuðu hús sín og
garða fyrir ókunnugu fólki í
ár og gáfu því fiskisúpu sem
hver gestgjafi bjó til eftir sínu
höfði. Á mörgum stöðum
skráðu á bilinu 300-600 gestir
nöfn sín í gestabækur og þar
sem mest var örtröðin, á
Vegamótum, voru yfir 1.000
skráðir gestir í súpuveislunni.
Aftur og aftur
Það segir sína sögu að þeir
sem koma einu sinni til Dal-
víkur í tilefni Fiskidagsins
mikla leggja mikið á sig til að
koma aftur. Gestirnir koma
líka gjarnan fyrr en áður til
Dalvíkur eða dvelja aðeins
lengur á tjaldstæðinu. Nokkur
dæmi voru meira að segja um
að fólk væri með fellihýsi á
Akureyri um verslunarmanna-
helgi, rúllaði síðan með þau
til Dalvíkur og væri þar fram
yfir Fiskidaginn eða skryppi
jafnvel suður til að vinna og
færi norður aftur í Fiskidags-
fjörið.
Dalvíkingar eru góðir
heim að sækja og ekkert
bendir til annars en að þeir
opni dyr sínar að nýju að ári.
Og hvernig sem viðrar á
Norðurlandi sumarið 2007 er
löngu bókað að sólin skín
laugardaginn 11. ágúst, í boði
brottflutts Svarfdælings á
himnum.
Forsetahjónin, Ólafur Ragnar Grímsson og
Dorrit Moussaieff, voru heiðursgestir Fiski-
dagsins mikla 2006. Þau skemmtu sér hið
besta, bæði að kvöldi föstudagsins, þegar
efnt var til Fiskisúpukvöldins mikla, og á
Fiskidaginn sjálfan.
Í ávarpi sem Ólafur Ragnar flutti gestum
Fiskidagsins sagði hann m.a.:
„Þvílík gestrisni heimamanna, þvílíkt
góðgæti er hér á borðum, þvílík veisla með
fjörðinn og fjöllin sem salarkynni. Mér er til
efs að nokkru sinni í sögu Íslands hafi svo
mörgum verið gefið að borða samtímis og
sýnir það stórhug ykkar Dalvíkinga.
Gestrisni Dalvíkinga eru engin takmörk
sett og í gærkvöld gengum við Dorrit um
bæinn og nutum þess eins og margir fleiri
að taka hús á heimamönnum. Fiskisúpu-
kvöldið er frábær hugmynd. Tugir heimila
hér á Dalvík standa þá öllum opin. Hver
sem er getur gengið inn og ég veit ekki um
annað byggðarlag sem þannig býður
ókunnugum upp á mat og vísar öllum sem
að garði ber beint til stofu. Já, Dalvíkingar
eru engum líkir. Það hafið þið svo sannar-
lega sýnt með því að efna til Fiskidagsins
mikla; eruð um leið fordæmi og fyrirmynd,
sýnið öðrum byggðarlögum og þjóðinni allri
hvað hægt er að gera.“
Forsetahjónin, Ólafur Ragnar Grímsson og Dorrit Moussaeff, á sviði Fiskidagsins mikla á Dalvík.
Þvílík veisla!
Þeir Nings-menn voru stórtækir og elduðu súpu fyrir gesti í þessum líka risastóra
potti, sem í eina tíð var mjólkurtankur! Hér sést forsetafrúin, Dorrit Moussaieff,
hræra í súpupottinum.
Úlfar Eysteinsson, kokkur á Þremur Frökkum, hefur frá byrjun verið aðalkokkur
Fiskidagsins mikla. Að sjálfsögðu lét hann sig ekki vanta að þessu sinni og hér er
hann í góðum félagsskap!
aegirgust06_lagad.qxp 9/11/06 9:42 AM Page 12