Tímarit Máls og menningar - 01.09.1938, Blaðsíða 7

Tímaritið litla
er, eins og áður, látið fylgja með bókunum ókeypis til allra
fólagsmanna. Eru menn beðnir að veita þvi góða athygli. Það
er ennþá fátæklegt að búningi, en getur mjög bráðlega með
vexti félagsins orðið myndarlegt tímarit, sem félagsmenn vildu
sízt vera án. Það ætti enginn félagsmaður að láta ritið glat-
ast, því að seinna getur það orðið mjög verðmætt. Af heftinu
i vetur er ekkert eintak til. Þegar bækur Máls og menningar
fara að koma út reglulega sex sinnum á ári, þá hafa félags-
menn áður en þeir vita af, eignazt ókeypis tímarit, sem kemur
út annan hvern mánuð. Þeir ættu því strax að sýna þessum
litlu heftum þá rækt, ekki einungis að varðveita þau, heldur
senda þeim efni, fyrirspurnir, tillögur og atliugasemdir.
Ivristinn E. Andrésson.
Framtíðarstapfsemi
Máls og menningap.
í þessari grein vil ég ræða við félagsmenn um tilhögun út-
gáfunnar, verkefnin fram undan, hókavalið og starfsemi félags-
ins almennt.
Á örstuttum tíma hefir Mál og menning komizt á fastan fjár-
hagslegan grundvöll, það er að segja félagatalan er orðin svo
há, að útgáfa sex tíu arka bóka, eins og ráðgerð var i upphafi,
hlýtur að vera örugg, ef ekki bregzt tryggð félagsmanna eða
einhverjir ófyrirsjáanlegir atburðir koma fyrir. Það er því ekki
lengur um óvissa lifsbaráttu frá ári til árs að ræða, heldur fram-
tiðarstarfsemi, sem hægt er að skipuleggja fyrir langan tíma.
í fyrstu þótti okkur sex bækur á ári vera mikil útgáfa. En
þegar farið er að velja bækurnar og skipa efnisflokkunum nið-
ur, þá finnst mönnum strax ekkert komist að í svo fáum bók-
um, þetta aldrei ganga, sem við ætlumst fyrir, það þurfi fjölda
ára, áður en Mál og menning geti leyst þau verkefnin, sem mest
kalla að hjá félaginu.
Ársrit félagsins.
Mál og menning kemst ekki af án rits', er fylgist árlega eitt-
hvað með þvi helzta, sem gerist í bókmenntum og menningar-
málum samtímans, innlendis og erlendis. Þetta á að vera hlut-
5