Tímarit Máls og menningar - 01.09.1938, Blaðsíða 17

og áslæðum, opinberu, fé, jafnvel happdrætti, mætti tak-
ast að lyfta Þingvöllum úr því siðleysi, sem er þar ráð-
andi nú, og reisa þar þau minnismerki af mannahönd-
um, sem væru staðnum samhoðin. Horsk þjóð mundi enn
sem forðum sækja endurnýjungu í töfralandslagið við Öxará.
Hér er verkefni fyrir unga hugsjónamenn af öllum flokkum,
menn sem unna landi sínu, þjóð sinni og siðmenningu hennar:
að lyfta okkar ódauðlegu Þingvöllum úr siðleysi og niðurtæg-
ingu til nýrrar frægðar. H. K. L.
Umsagnir um bækur:
John Galsworthy: Tvær sögur.
Enski rithöfunduiúnn John Galsworthy hefir hingað til verið
lítt kunnur íslenzkum almenningi, og er það illa farið, því að
skáldsögur hans og leikrit teljast til hins hezta í hrezkum bók-
menntum á þessari öld. Nú hefir Mál og menning! tekizt á hend-
ur að bæta úr þessum skorti, og gefur nú út tvær sögur eftir
hann í þýðingu Boga Ólafssonar Menntaskólakennara.
Báðar þessar sögur, „Swithin Forsyte“ og „Hinn fyrsti og
síðasti", eru einkennandi fyrir höfundinn, og gefa góða hug-
mynd um stíl hans og viðfangsefni. Önnur þeirra er og að því
leyti eftirtektarverð, að þar minnist Galsworthy fyrst á Eorsyte-
ættina, eða sex árum áður en fyrsta bókin kemur út í skáld-
sagnaflokknum „The Forsyte Saga“ (Saga Forsyte-ættarinnar),
sem talin er stórfenglegasta verk hans.
Swithin Forsyte hefir öll séreinkenni ættarinnar i ríkum mæli.
Hann er fyrirmyndar borgari, nokkuð harðdrægur í viðskiptum,
þröngsýnn, fastheldinn við erfðavenjur og íhaldssamur i skoð-
unum. Um fram allt varast hann að skera sig úr, hegða sér á
nokkurn hátt öðruvísi en fólk úr lians stétt telur sæmilegt.
Hann er einn þeirra manna, sem „þekkja lítt eða ekki til þeirra
reikulu skynjana og sístreymandi tilfinninga, sem lýst er, og
þó óskýrt, með orðunum heilabrot, ljóð, lieimspeki". Einhvers
staðar lengst inni á þó Swithin einhvern snefil af öllu jiessu,
og þær tilfinningar verða þess valdandi, að hann kemst i ofur-
lítið ástaræfintýri á ferðalagi í Salzburg. Það stendur aðeins
nokkra daga. Maður af Försyte-ættinni lætur ekki ungverskt
stelpufiðrildi hlaupa með sig í gönur. Swithin flýr brott, en
minningin blönduð óljósum söknuði, ásækir hann fram í andlátið.
Lögfræðingurinn Keith Darrant, aðalpersónan í sögunni „Hinn
fyrsti og síðasti", mætti gjarna heita Forsyte. Hann er steypt-
15