Ægir - 01.06.2013, Blaðsíða 20

20
Oddi hf. á Patreksfirði er fyrst
og fremst framleiðandi á
frystum, ferskum og söltuðum
afurðum og svo í útgerð en
rekur ekki sérstakt sölufyrir-
tæki vegna þeirra afurða sem
fyrirtækið framleiðir. Sölu-
starfið er í höndum umboðs-
manna á höfuðborgarsvæðinu.
Sigurður Viggósson, fram-
kvæmdastjóri Odda, segir að
fyrirtækið hafi í upphafi verið
stofnað og hafið rekstur sem
saltfiskverkun en í dag er hún
um þriðjungur alls þess sem
Oddi framleiðir. Hjá Odda
vinna um 75 manns, bæði í
landi og á sjó og svo eru um
15 manns hjá útgerðunum
sem tengjast Odda. Fyrirtækið
er því langstærsti atvinnurek-
andinn á staðnum.
„Við fylgjum sveiflum á
markaði og reynum að fram-
leiða eins mikið af ferskum
afurðum og við getum en
annar hluti fer þá í frystingu,
þ.e. hefðbundnar frystiafurð-
ir. Við erum aðallega að
vinna þorsk, ýsu og steinbít.
Framleidd eru um 250 tonn
af frystum afurðum úr þorski
á ársgrundvelli. Stærstur hluti
þorskframleiðslunnar fer á
markað á Spáni, í svokölluð
léttsöltuð flök og til Banda-
ríkjanna þangað sem við selj-
um roðlaus og beinlaus flök
og flakabita. Blokkarafurðir
fara að mestu til Bretlands.
Ýsuframleiðsla fer ört vax-
andi hjá fyrirtækinu en megn-
ið fer í frost og á Bandaríkja-
markað,“ segir Sigurður
Viggósson.
Steinbítsvinnslan minni en
áður
Suðurhluti Vestfjarða er
nærri þekktum steinbítsmið-
um. Er meira unnið af stein-
bít hjá ykkur en almennt ger-
ist hjá útgerðar- og fiskverk-
unarfyrirtækjum hérlendis?
„Þannig var það áður fyrr
og þá vorum við stærstir á
landinu í steinbítsframleiðslu
en ekki síðustu tvö til þrjú ár-
in. Áður vorum við að taka
yfir 1.000 tonn af steinbít til
vinnslu á ári en ástæða þess
að úr þessari framleiðslu hef-
ur dregið er að kvótinn hefur
minnkað umtalsvert og eins
er markaðurinn ekki jafn
spennandi og hann var hér
fyrr á árum. Afurðaverðið
hefur lækkað umtalsvert, eins
og reyndar á fleiri tegundum.
Við höfum aðallega verið að
selja steinbít á markaði í
Frakklandi og Þýskalandi og
að hluta til selt til Bandaríkj-
anna. Ég tel að kaupgeta
fólks, ekki síst í Evrópu, sé
minni en hún var hér fyrir
nokkrum árum. Steinbítur er
að vísu dýr matur á markaði
erlendis en einnig ber að
gæta þess að nýting á honum
er mun lakari en á þorski og
ýsu. En fyrirtækið er þekkt á
mörkuðum hér heima og er-
lendis fyrir gæðaframleiðslu
og góða vöru og það er okk-
ur auðvitað mikill stuðning-
ur.“
F I S K V I N N S L A
Sigurður Viggósson, framkvæmdastjóri ODDA á Patreksfirði
„Framtíðin er
í ferskum fiski“
Núpur BA-69, eitt skipa Odda hf.