Ægir - 01.06.2013, Blaðsíða 29

29
Talsverðar framkvæmdir hafa
verið undanfarið ár í Grinda-
víkurhöfn. Þær hafa einkum
falist í dýpkun innan hafnar
og í innsiglingarrennunni.
Einnig hefur athafnasvæði
verið stækkað innan bryggj-
unnar. Heildarkostnaður við
þessar framkvæmdir er ná-
lægt 180 milljónir króna.
Sigurður Arnar Krist-
mundsson hafnarstjóri segir
að framkvæmdafasinn sé yfir-
staðinn í bili en þörfin fyrir
frekari framkvæmdir sé engu
að síður mikil.
„Við þurfum í raun og
veru að byggja upp eina
bryggju, Miðgarðinn sem er
um 260 metra langur kantur.
Hann er kominn til ára sinna
og þjónar ekki hlutverki sínu
mikið lengur. Það eru komin
stór göt í þilin og þekjan far-
in að síga. Við bönnum
þungaumferð eftir kantinum
en skip geta ennþá legið
þarna og kanturinn er lyftara-
fær. En það er orðið aðkall-
andi verkefni en endurbyggja
bryggjuna,“ segir Sigurður
Arnar.
Á vissum hluta er lítið
dýpi við kantinn og þarf því
einnig að fara út í dýpkunar-
aðgerðir. Heildarkostnaður
við þessa framkvæmd er um
600 milljónir króna. Þetta er
mikill kostnaður þegar litið er
til þess að heildartekjur hafn-
arinnar eru um 175 milljónir
króna á ári.
Sigurður Arnar segir súrt í
broti ef kostnað við fram-
kvæmdina þurfi að greiða af
skattfé landsmanna. Nær væri
að veiðigjöldin stæðu undir
slíkum framkvæmdum en að
þau færu inn í hítina. Svipuð
staða er uppi í Sandgerði þar
sem kantur sem er viðhalds-
þurfi liggur undir enn frekari
skemmdum og lítið fé til
framkvæmda. Sigurður Arnar
segir að á vetrarvertíðum sé
mikil umferð um höfnina og
einkar slæmt sé að geta ekki
nýtt þessa kanta til fullnustu
við slíkar aðstæður.
Fleiri landanir en í fyrra
„Við viljum helst að það sé
stutt í alla þjónustu í höfninni
sem styttar þá um leið allan
afgreiðslutíma gagnvart skip-
unum.“
Sigurður Arnar segir að í
vetur og vor hafi umsvifin þó
aðeins aukist í höfninni.
Ástæðan fyrir þessu sé helst
sú að eftir að kvóti hafi verið
aukinn hafi skipstjórnarmenn
ekki alltaf tíma til að sigla til
sinna heimahafna og fari bara
stystu leið. Þetta gerðu menn
hjá Þorbirni einnig síðastliðið
haust þegar skip útgerðarinn-
ar voru að veiðum fyrir aust-
an. Skipin fóru í næstu höfn í
stað þess að sigla alla leið til
Grindavíkur. Fyrstu þrjá mán-
uði ársins 2013 voru landanir
í Grindavík 15,7% fleiri en
miðað við sama tíma 2012.
Sigurður Arnar segir að
síðastliðinn vetur hafi hags-
munaaðilar, þjónustuaðilar og
útgerðir í Grindavík sest nið-
ur og borið saman bækur sín-
ar. Eitt meginmálið sem bar á
góma var sú staðreynd að
þrátt fyrir umsvifin í löndun-
um í Grindavíkurhöfn hefur
þar ekki verið löndunarþjón-
usta í marga áratugi. Útgerð-
irnar á staðnum hafa einfald-
lega sjálfar séð um landanir
fyrir sína báta. Niðurstaðan
varð sú að nú ætla útgerðirn-
ar að opnað fyrir þessa þjón-
ustu fyrir óskylda aðila. Með
þessu hefur umferðin lítillega
aukist.
Sigurður Arnar Kristmundsson hafnarstjóri segir mikla þörf fyrir frekari framkvæmdum.
Nær væri að veiðigjöldin renni
til uppbyggingar hafnanna
Frá löndun í Grindavíkurhöfn.
H A F N I R