Ægir - 01.09.2010, Blaðsíða 20

20
Æ g I S V I Ð T A L
Markaðsmál íslenskra sjávarafurða er
víðfeðmt hugtak, enda fjölbreytni mikil í
útflutningi afurða og markaðirnir ólíkir
og staðsettir víða um heiminn. Kristján
Hjaltason er einn þeirra Íslendinga sem
starfað hafa um áratuga skeið að mark-
aðsmálum sjávarafurða, bæði hjá inn-
lendum sölufyrirtækjum sem erlendum og
sem sjálfstæður ráðgjafi á þessu sviði.
Hann segir að með þeirri þróun að hverfa
frá stórum sameiginlegum markaðsfyrir-
tækjum framleiðenda hafi viðskiptavinun-
um á margan hátt verið fengin í hendur
sterkari staða þar sem seljendurnir séu
nú mun fleiri og smærri. Hins vegar hafi
markaðsþekking inni í framleiðslufyrir-
tækjunum sjálfum aukist verulega og
þannig séu fyrirtækin meðvitaðri frá degi
til dags um þarfir og óskir á mörkuðun-
um. Kristján vill sjá aukna sameiginlega
markaðssetningu á Íslandi sem fram-
leiðslulandi sjávarafurða. Þeim þætti er
ekki sinnt nægjanlega í dag.
Á árunum 1986 til 2006 starfaði Krist-
ján fyrir Sölmiðstöð hraðfrystihúsanna
sem síðar varð Icelandic Group. Af þeim
tíma var hann um 11 ára skeið í Þýska-
landi en árið 1997 kom hann til Íslands
og tók við starfi framkvæmdastjóra
markaðsmála og þjónustu og við breyt-
ingu SH árið 2000 úr sölusamlagi í mark-
aðs- og sölufyrirtæki varð Kristján fram-
kvæmdastjóri SH þjónustu. Síðan starfaði
Kristján um eins árs skeið fyrir Icelandic
France í París en fór síðan til Glitnis
banka sem sjávarútvegssérfræðingur í
Kaupmannahöfn og London með
áherslu á að byggja upp tengsl við við-
skiptavini í Evrópu. Því starfi gegndi
hann frá 2007 til 2008. Á árinu 2009 var
hann ráðgjafi í sjávarútvegsmálum fyrir
erlend fyrirtæki og frá byrjun þessa árs
hefur Kristján verið í fullu starfi í London
fyrir Ocean Trawlers, sem er eitt af ráð-
andi fyrirtækjum í framleiðslu og sölu
þorsk- og ýsuafurða úr Barentshafi inn á
Evrópu-, Asíu- og Bandaríkjamarkað.
Verkefni Kristjáns hjá fyrirtækinu er að
byggja upp markað fyrir sjófryst flök á
meginlandi Evrópu.
„Ég hef því komið að fjölbreyttum
þáttum markaðsmála sjávarútvegs, vann
á sínum tíma með framleiðendum fyrir
SH um allt land í frystum afurðum og
ferskum og starfaði þá á Evrópu-, Amer-
íku- og Asíumörkuðum. Í starfinu fyrir
Glitni banka vann ég við að að byggja
upp samband við fyrirtæki í Evrópu í öll-
um greinum, bæði veiðum, vinnslu og
markaðsmálum. Í fyrra fór ég síðan til
Víetnam til að kynna mér sjávarútveg og
markaðsmál þar þannig að ég hef kynnst
fjölbreyttum þáttum sjávarútvegs víða
um heim,“ segir Kristján.
Samlagsfyrirtækin líða undir lok
Markaðsmál og útflutningur í sjávarút-
vegi hafa breyst mikið að undanförnum
árum. Sölumálin voru áður í samlögum
Kristján Hjaltason hefur áratuga reynslu af sölu sjávarafurða út um allan heim. Þrátt fyrir
mikla samkeppni á mörkuðum segir hann Íslendinga geta markað sér sérstöðu:
Eigum að
selja gæða-
afurðir og
ímynd landsins