Ægir - 01.09.2010, Blaðsíða 14

14
„Ég hef hér gert fortíðina að
nokkru umræðuefni og það
má spyrja sig hvers vegna ég
geri svo. Jú, með þessari um-
fjöllun sést að fylgt er heild-
stæðri stefnu í sjávarútvegs-
málum þjóðarinnar og hér er
hvergi hvikað. Ummælum um
annað vísa ég til föðurhús-
anna. Stefnan er mörkuð en
það er jafnframt skýr vilji til
umræðu í leit að bestu lausn.
Það hafa á þessu ári átt sér
stað breytingar og það eru
fleiri breytingar í farvatninu
og ástæðan fyrir þeim á sér
þær djúpar rætur sem allir
þekkja. Framan í þessar
breytingar þurfa menn að
þora að horfa og taka þátt í
þeim af opnum hug en ekki
stinga höfðinu í sandinn. Það
færir engum neitt,“ sagði Jón
Bjarnason, sjávarútvegs- og
landbúnaðarráðherra á aðal-
fundi LÍÚ.
Jón sagði stefnuyfirlýsingu
núverandi ríkisstjórnar inni-
halda sérstakan kafla um fisk-
veiðar þar sem fram komi
markmið um endurskoðun
stjórnar fiskveiða.
„Hér er því um veigamikla
stefnuyfirlýsingu að ræða og
ef það eru einhverjir hér inni
sem halda enn að engin al-
vara fylgi þessum orðum þá
segi ég við þá sömu – það er
mikill misskilningur! Þó að
við horfum bara á eitt atriði
þá er verkefnið mikið þegar
við tölum um það að skapa
sátt meðal þjóðarinnar um
eignarhald og nýtingu sjávar-
auðlindarinnar. Menn þurfa
hreinlega að vera blindir að
mínu mati til þess að sjá ekki
að þjóðin mun ekki sætta sig
við óbreytt ástand.“
Líkt og formaður LÍÚ gerði
sjávarútvegsráðherra í máli
sínu starf og skýrslu sátta-
nefndarinnar að umtalsefni.
„Ýmsir hafa undanfarið stigið
fram og fundið skýrslu hóps-
ins margt til foráttu en það
þarf hins vegar ekki að koma
á óvart að menn túlki ein-
staka þætti hennar út frá sínu
hagsmunalega sjónarhorni.
Ég er samt ekki í þeim hópi
og segi að vel hafi tekist til
miðað við aðstæður,“ sagði
ráðherra.
„Skýrslan gerir á skilmerki-
legan hátt grein fyrir mismun-
andi sjónarmiðum, dregur
fram þau atriði sem mest sátt
er um en tiltekur jafnframt á
heiðarlegan hátt atriði sem
minni sátt er um. Að lokum
eru settir fram valkostir í
framhaldi málsins. Ég veit
ekki hvað menn gátu farið
fram á meira.
Næsta skref í endurskoðun
á stjórn fiskveiða samanber
stefnuyfirlýsingu ríkisstjórnar-
innar er að sérstakur starfs-
hópur innan ráðuneytisins,
með þáttöku utanaðkomandi
sérfræðinga, hefji vinnu við
sjálfa frumvarpssmíðina.
Grunnskipulagningu er að
mestu lokið og ég á ekki von
á öðru en allt sé að komast á
fulla ferð. Skýrsla vinnuhóps-
ins mun koma að fullum not-
um við þessa vinnu. Ekki
hefur enn verið útfært hvern-
ig samráði við hagsmunaaðila
verður hagað meðan á vinnu
þessari stendur en það verð-
ur viðhaft eftir því sem eðli-
legt og nauðsynlegt er.
Vinnunni verður hraðað eftir
mætti en á þessu stigi er ekki
hægt að tilgreina hvenær
henni lýkur,“ sagði Jón
Bjarnason, sjávarútvegs- og
landbúnaðarráðherra.
A Ð A L F U N D U R L Í Ú
Jón Bjarnason, sjávarútvegsráðherra, í ræðu á aðalfundi útvegsmanna:
Skýr vilji til umræðu í
leit að bestu lausnum
Jón Bjarnason, sjávarútvegs- og landbúnaðarráðherra.
„Þó að við horfum bara á eitt atriði þá er verkefnið mikið þegar við tölum um það
að skapa sátt meðal þjóðarinnar um eignarhald og nýtingu sjávarauðlindarinnar.
Menn þurfa hreinlega að vera blindir að mínu mati til þess að sjá ekki að þjóðin
mun ekki sætta sig við óbreytt ástand!,“ segir sjávarútvegsráðherra.
Starfstöðvar
Þorlákshöfn
Hafnarfjörður
Hornafjörður
Vestmannaeyjar
Sauðárkrókur
Akureyri
Húsavík
Við bjóðum öll veiðarfæri og tengdan búnað sem þarf um borð í íslensk fiskiskip
Starfsstöðvar
Þorlákshöfn
Hafnarfjörður
Vestmannaeyjar
Sauðárkrókur Akureyri
Húsavík
Ísfell ehf • Óseyrarbraut 28 • 220 Hafnarfjörður • Sími 5200 500 • isfell@isfell.is
www.isfell.is
H
N
O
T
S
K
Ó
G
U
R
g
ra
fí
s
k
h
ö
n
n
u
n
Ísfell er eitt öflugasta fyrirtækið á Íslandi í þjónustu
við sjávarútveginn. Fyrirtækið rekur alhliða heildsölu
með útgerðar-, björgunar- og rekstarvörur ásamt
veiðafæragerð undir nafninu Ísnet. Sterk staða Ísfells
markast helst af góðu vöruúrvali, þjónustu og mikilli
þekkingu starfsfólks á íslenskum sjávarútvegi.
Hafðu samband við sölumenn okkar
og kynntu þér vöruúrvalið og þjónustuna!
Fast þeir sækja sjóinn!
Við bjóðum öll veiðarfæri og tengdan búnað sem þarf um borð í íslensk fiskiskip