Fréttablaðið - 16.06.2015, Blaðsíða 16

16. júní 2015 ÞRIÐJUDAGUR| FRÉTTIR | 16
KJARAMÁL Margar vikur, jafnvel mánuði,
mun taka að vinda ofan af þeim uppsafnaða
vanda sem skapast hefur vegna verkfalla
hjá dýralæknum Matvælastofnunar og lög-
fræðingum hjá sýslumanninum á höfuð-
borgarsvæðinu. Starfsmenn mættu aftur til
vinnu í gær eftir verkfall sem staðið hafði
frá því í apríl.
Jón Gíslason, forstjóri Matvælastofnunar,
segir mestan tíma taka að greiða úr þeim
vanda sem skapast hefur í tengslum við inn-
og útflutning. „Við erum búin að bæta við
starfsfólki á inn- og útflutningsskrifstof-
unni. Við munum reyna að afgreiða það eins
og hratt og hægt,“ segir Jón en það muni þó
taka tíma enda skipti óafgreidd mál hund-
ruðum. „Það getur tekið einhverjar vikur að
koma þessu í rétt horf,“ segir Jón.
Byrjað var að slátra nautgripum í gær
eftir langt hlé í gær. Baldur Helgi Benja-
mínsson, framkvæmdastjóri Landssam-
bands kúabænda, segir að von sé á nauta-
kjöti í verslanir um næstu helgi. „Kjötið
þarf að fá eðlilegan meyrnunartíma,“ segir
Baldur.
Svína- og kjúklingakjöt hefur verið
aðgengilegt í verslunum undanfarnar vikur
þar sem undanþágur hafa fengist til slátrun-
ar. Verkfallið hefur þó reynst svínakjöts- og
kjúklingaframleiðendum dýrt. „Þetta hefur
kostað okkur yfir 50 milljónir,“ segir Matth-
ías Hannes Guðmundsson, framkvæmda-
stjóri kjúklingaframleiðandans Reykjagarðs.
Reykjagarður hefur fengið leyfi til að
slátra tvisvar í viku að undanförnu en í
venjulegu árferði er slátrað fjórum til fimm
sinnum í viku að sögn Matthíasar.
Hörður Harðarson, formaður Svínarækt-
arfélags Íslands, segir stöðuna hjá svína-
bændum grafalvarlega og gjaldþrot svína-
bænda gætu verið fram undan. Hörður
segir brýnt að komið verði í veg fyrir að
sambærileg verkföll endurtaki sig.
Þuríður Árnadóttir, staðgengill sýslu-
mannsins á höfuðborgarsvæðinu, segir
að nú standi yfir vinna við að skipuleggja
umfang vandans og hvernig hann verði
leystur. „Það þarf að skipuleggjast með til-
liti til hve mikið fólk getur bætt við sig
vinnu, sumarleyfa og fleira,“ segir Þuríður.
Sú skipulagsvinna muni standa yfir næstu
daga. Til stendur að ráða starfsfólk auka-
lega til að takast á við vandann.
Tæplega ellefu þúsund skjöl bíða þing-
lýsingar hjá sýslumanni. „Þess utan eru
önnur mál á borð við fullnustugerðir, nauð-
ungaruppboð, aðfarargerðir, fjölskyldumál
og dánarbú sem ekki hafa verið afgreidd,“
segir Þuríður. Lögum samkvæmt verði að
afgreiða þinglýsingar og fullnustugerðir í
þeirri röð sem þær berast. Því fari þau mál
sem komi á borð sýslumanns í þessari viku
aftast í röðina. ingvar@frettabladid.is
Gæti tekið vikur og mánuði
að vinda ofan af verkföllunum
Það gæti tekið mánuði að vinda ofan af verkföllum starfsfólks í aðildarfélögum BHM hjá Sýslumanninum á höfuðborgarsvæðinu og hjá
Matvælastofnun. Slátrun er hafin og von er á nautakjöti aftur í verslanir um næstu helgi. Fjárhagsstaða svínabænda er sögð grafalvarleg.
SKJALABUNKAR
Tæplega ellefu þúsund
skjöl bíða þinglýsingar
hjá sýslumanninum á
höfuðborgarsvæðinu.
Þuríður Árnadóttir,
staðgengill sýslumanns,
segir að verið sé að
skipuleggja hvernig tek-
ist verði á við vandann.
FRÉTTABLAÐIÐ/VILHELM
Það getur tekið
einhverjar vikur að
koma þessu í rétt horf.
Jón Gíslason,
forstjóri Matvælastofnunar
DÓMSMÁL Eiginmaður úsbeksku
konunnar sem fékk dvalarleyfi
hérlendis og Fréttablaðið sagði
frá í síðustu viku fékk einn-
ig dvalarleyfi á grundvelli sér-
stakra tengsla við landið í gær.
Maðurinn á með konunni dótt-
ur sem kom hingað til lands sem
flóttamaður með manni sínum og
tveimur börnum. Dóttirin eign-
aðist með manni sínum eitt barn
hérlendis.
Maðurinn beitti dótturina
ofbeldi. Þegar hún kærði ofbeld-
ið flúði maðurinn land og skildi
hana eftir eina með þrjú börn.
Móðir hennar kom til lands-
ins í framhaldinu til að sinna
dótturinni og þremur barna-
börnum sínum en eftir rúmlega
tveggja ára vist hérlendis ákvað
Útlendingastofnun að endurnýja
ekki dvalarleyfi hennar. Þeim
úrskurði hnekkti kærunefnd
útlendingamála og fékk konan
dvalarleyfi.
Nú hefur faðir inn, afi
barnanna, fengið dvalarleyfi á
sömu forsendum og móðirin, á
grundvelli sérstakra tengsla við
landið.
„Þetta erur frábærar fréttir
fyrir minn umbjóðanda og fjöl-
skylduna alla. Ég heyrði í dótt-
urinni í morgun sem var him-
inlifandi og sagði að mér hefði
tekist það sem allir sögðu vera
vonlaust,“ segir Kristrún Elsa
Harðardóttir, lögmaður manns-
ins. - þea
Fékk dvalarleyfi vegna sérstakra tengsla við Ísland:
Tókst það sem allir
sögðu vera vonlaust
HIMINLIFANDI Kristrún Elsa Harðardóttir, lögmaður manns frá Úsbekistan sem
nú hefur fengið dvalarleyfi hér á landi, segir fréttirnar af afgreiðslu máls hans vera
frábærar. MYND/DIKALÖGMENN
Þetta erur frábærar
fréttir fyrir minn umbjóð-
anda og fjölskylduna alla.
Ég heyrði í dótturinni í
morgun sem var himinlif-
andi og sagði að mér hefði
tekist það sem allir sögðu
vera vonlaust.
Kristrún Elsa Harðardóttir
héraðsdómslögmaður
Hjónin Þórgnýr Thoroddsen, varaborgarfulltrúi Pírata í Reykjavík, og Rúna
Vala Þorgrímsdóttir táknmálstúlkur hafa greitt af þremur íbúðum í ríflega
tvo mánuði vegna verkfalls lögfræðinga hjá Sýslumannsembættinu á
höfuðborgasvæðinu þar sem engum kaupsamningum hefur verið þinglýst.
„Við keyptum íbúð tveimur vikum áður en verkfallið skall á. Við seldum
aðra íbúðina í vikunni eftir að verkfallið hófst og þá seinni seldum við
fyrir mánuði,“ segir Þórgnýr. Afborganir hjónanna af lánum hækkuðu því
úr 169 þúsund krónum á mánuði í 350 þúsund krónur á mánuði. „Við
erum að lenda svolítið harkalega í því,“ segir Þórgnýr. Hann segir þó að
sem betur fer séu hjónin á ágætis launum þessa dagana. „Fyrir einu ári
hefði þetta gengið frá okkur fjárhagslega.“
Greitt af þremur íbúðum vegna verkfalls
ÞÓRGNÝR
THORODDSEN
1
5
-0
9
-2
0
1
5

1
0
:2
1
F
B
0
4
8
s
_
P
0
3
3
K
.p
1
.p
d
f
F
B
0
4
8
s
_
P
0
2
8
K
.p
1
.p
d
f
F
B
0
4
8
s
_
P
0
1
6
K
_
N
Ý.
p
1
.p
d
f
F
B
0
4
8
s
_
P
0
2
1
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
1
6
2
D
-2
0
7
C
1
6
2
D
-1
F
4
0
1
6
2
D
-1
E
0
4
1
6
2
D
-1
C
C
8
2
8
0
X
4
0
0
4
B

F
B
0
4
8
s
_
1
5
_
6
_
2
0
1
5
C
M
Y
K