Fréttablaðið - 09.10.2015, Side 22

Fólk| helgin
Fólk er kynningarblað sem býður auglýsendum að kynna vörur
og þjónustu í formi viðtala og umfjallana. Í blaðinu er einnig hefðbundið
ritstjórnarefni. Blaðið fylgir Fréttablaðinu daglega.
Útgefandi: 365 miðlar | Ábyrgðarmaður: Svanur Valgeirsson | Hönnun: Silja
Ástþórsdóttir Sölumenn: Bryndís Hauksdóttir, bryndis@365.is, s. 512 5434
Jón Ívar Vilhelmsson, jonivar@365.is, s. 512 5429
Undanfarnar vikur hafa ver-ið annasamar hjá Hauki Heiðari Haukssyni, söngv-
ara, hljómborðs- og gítarleikara
Diktu og lækni. Nýlega kom út
fimmta plata sveitarinnar sem
ber nafnið Easy Street og hafa
liðsmenn sveitarinnar fylgt henni
eftir undanfarnar vikur með tón-
leikum víða um land, þar á meðal
í kvöld á Húrra í Reykjavík þar
sem þeir troða upp ásamt Frið-
riki Dór. Í lok september fögnuðu
FH-ingar sjöunda Íslandsmeist-
aratitli sínum í fótbolta karla á
tólf árum en Haukur Heiðar hefur
verið læknir liðsins undanfarin
þrjú ár. Hann segir tímann með
FH hafa verið bæði eftirminni-
legan og skemmtilegan en eftir
að hafa lent í öðru sæti undanfar-
in tvö tímabil hömpuðu félagar
hans loks titlinum á ný.
„Aðdragandi þess að ég gerð-
ist læknir liðsins var einfaldlega
sá að ég fékk símtal þar sem ég
var spurður hvort ég gæti farið
út með FH í Evrópukeppnina. Ég
var að koma úr tónleikaferðalagi
með Diktu og nýlentur og sagðist
ekki vera viss hvort ég hefði
tíma í þetta en ákvað þó að slá
til enda alltaf verið brjálaður fót-
boltaaðdáandi.“
Helsta verkefni hans kringum
liðið er einfaldlega að vera til
staðar ef einhver skyldi meiðast
illa í leik og svo hittir hann leik-
mennina utan vallar. „Við stærri
mál höfum við notið aðstoðar
bæklunarlækna á borð við Örnólf
Valdimarsson. Annars sér Jónas
Grani sjúkraþjálfari um leik-
mennina frá A til Ö á æfingum og
fyrir og eftir leik. Hann stendur
vaktina í öllum leikjum.“
TíðindalíTill Ferill
Þrátt fyrir áhugann var fótbolta-
ferill Hauks Heiðars hvorki lang-
ur né merkilegur að eigin sögn.
„Ég er einn af þeim sem höfðu
alltaf gríðarlegan áhuga á fót-
bolta en getan var kannski ekki
alveg á pari við áhugann. Ég æfði
fótbolta með Ungmennafélagi
Bessastaðahrepps á Álftanesi
þar sem ég ólst upp en ég fór líka
einhver sumur í fótboltaskóla
FH. Þar man ég eftir þremur
bræðrum sem kenndir eru við
eftirnafnið Viðarsson. Þeir voru
þrír og gjörsamlega áttu staðinn.
Það var tröppugangur í hæðinni
á þeim þannig að þeir minntu
mig á Dalton-bræðurna úr Lukku-
Lákabókunum.“
Það var góð tilfinning að vinna
titilinn í ár og ekki skemmdi fyrir
að vinna hann á heimavelli. „Ég
hef sjaldan kynnst þvílíkum hópi
af snillingum eins og þeim sem
vinna á bak við tjöldin hjá FH.
Sjálfur á ég klárlega minnstan
þátt í velgengni liðsins en nýt
þess í botn að taka þátt í þessu
öllu saman.“
Fimm seTT aF eyrUm
Nýjasta plata Diktu kom út fyrir
stuttu og hefur fengið góðar við-
tökur. Hún er unnin undir stjórn
þýsks upptökustjóra sem heitir
Sky van Hoff en vinnuferlið hefur
tekið um tvö ár. „Við gerðum
tvær síðustu plötur okkar án
upptökustjóra og því var mjög
gott að fá inn fimmta settið af
eyrum og einhvern með sterkar
skoðanir á hvernig gera ætti
hlutina.“
Hann segir nýju plötuna vera
eðlilegt framhald af fyrri verkum
þeirra en tónlistin sé þó heldur
fágaðri en áður. „Við eyddum líka
meiri tíma en áður í að skapa
ákveðinn hljóðheim í sumum
laganna og finnst mér það hafa
tekist mjög vel. Við erum búnir
að leggja mikla vinnu í þessa
plötu og erum mjög stoltir af út-
komunni.“
Tónleikar Diktu og Friðriks
Dórs í kvöld hefjast kl. 22 en
þetta er ekki í fyrsta skiptið
sem þessir listamenn troða upp
saman. „Við höfum nokkrum
sinnum spilað með Frikka áður
og oft tekið lagið með honum.
Hver veit nema við gerum það í
kvöld? Frikki er að sjálfsögðu FH-
ingur líka og hefur verið að vinna
fyrir klúbbinn þannig að við
erum samstarfsmenn á mörgum
sviðum.“
miklar annir Fram Undan
Það er engin lognmolla kringum
Hauk Heiðar og veturinn fram
undan verður annasamur. „Í vet-
ur mun ég klára sérnám í heim-
ilislækningum en ég hef stundað
það hér heima síðustu árin.
Heimilislæknaprógrammið hér á
landi er orðið gríðarlega öflugt
og stenst klárlega samanburð við
löndin í kringum okkur. Aðsókn
í námið hefur verið góð síðustu
árin og ég vona að það haldi
áfram þar sem okkur sárvantar
heimilislækna hér á landi.“
Dikta mun halda áfram að
kynna nýju plötuna í vetur og
eru margir tónleikar fyrirhugaðir
bæði hér á landi og líka erlendis
á næsta ári. „Síðan kem ég að
bókaútgáfunni Rósakot sem
gefur út barnabækur. Nýjasta
bókin okkar, Sögur úr norrænni
goðafræði, hefur fengið ótrúlega
góðar viðtökur og fleiri bækur
úr öllum áttum eru væntanlegar.
Þess má svo til gamans geta að
ég verð ekki dómari í Ísland Got
Talent í vetur. Ekki að það hafi
nokkurn tímann staðið til.“
 n starri@365.is
Fágaðri en áðUr
UppTekinn Ný plata og Íslandsmeistaratitill í fótbolta komu við sögu á
undan förnum vikum í lífi Hauks Heiðars Haukssonar, læknis og söngvara
Diktu. Í kvöld heldur sveitin tónleika á Húrra í Reykjavík með Friðriki Dór.
sáTTir ,,Við erum búnir að leggja mikla vinnu í þessa plötu og erum mjög stoltir af útkomunni,“ segir Haukur Heiðar Hauksson,
söngvari Diktu og læknir, um fimmtu plötu sveitarinnar sem kom nýlega út. MYND/PJETUR
TiTill í hús Haukur Heiðar er læknir knattspyrnuliðs FH og var mjög sáttur með titilinn.
MYND/FH.IS
Kringlu
kast
-20% af
öllum fa
tnaði
Opið
til kl. 21
ER Í LOFTINU
SPRENGISANDUR
SIGURJÓN M. EGILSSON OG UMRÆÐA SEM SKIPTIR MÁLI
KL. 10:00 12:00SUNNUDAG
0
2
-1
1
-2
0
1
5

1
0
:3
1
F
B
0
6
4
s
_
P
0
4
3
K
.p
1
.p
d
f
F
B
0
6
4
s
_
P
0
3
8
K
.p
1
.p
d
f
F
B
0
6
4
s
_
P
0
2
2
K
.p
1
.p
d
f
F
B
0
6
4
s
_
P
0
2
7
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
1
6
C
3
-9
4
B
0
1
6
C
3
-9
3
7
4
1
6
C
3
-9
2
3
8
1
6
C
3
-9
0
F
C
2
7
5
X
4
0
0
.0
0
1
6
B

F
B
0
6
4
s
_
8
1
0
2
0
1
5
C
M
Y
K