Allt um íþróttir - 01.04.1952, Blaðsíða 8

í veðri vaka, að þetta muni vera
síðasta árið, sem hann keppir. En
látum það á sínum tíma sjást,
hvaða árangri hann nær.
Horace Ashenfelter og Curtis
Stone munu aðallega æfa með
3000 m. hindrunarhlaupið fyrir
augum og eru þeir báðir tveir
mjög liðtækir þolhlauparar og
keppa ef til vill einnig í 10.000 m.
í 400 m. grindahlaupi mun Char-
les H. Moore vera líklegastur, í
400 m. Herbert McKenley og Ge-
orge Rhoden (ef þeir keppa þá
báðir fyrir U.S.A.). í 100 og 200
m. og 110 m. grindahlaupi verður
barizt um hvern þumlung, til þess
að komast á leikana, og nöfn eins
og Andy Stanfield, Lindy Remi-
gino, John O’Connel, Harrison Dil-
lard ásamt mörgum öðrum, en
þegar vallarmótin hefjast í byrjun
maí, mun frekar verða hægt að
draga ákveðnar línur, hverjir verða
í hverri grein.
í stangarstökkinu ber að sjálf-
sögðu mest á hinum fræga og lát-
lausa presti Robert E. Richards,
sem kjörinn var íþróttamaður árs-
ins 1951 í U.S.A. Hann hefur nú
þegar stokkið tvisvar innanhúss í
vetur 4.65 m., og virðist því eng-
inn vera neitt nálægt því að ógna
honum í þeirri grein; einnig hefur
heyrzt, að hann muni keppa í tug-
þraut, sem hann er mjög góður í.
Svo að sjálfsögðu í kúluvarpinu
er það heimsmeistarinn sjálfur
James Fuchs, og hefur hann hvað
eftir annað upp á síðkastið varp-
að kúlunni um 55 fet eða 16.76 og
rúmlega það og munu áreiðanlega
allir keppendurnir héðan vera ör-
uggir með 17 m. og þar yfir.
Eins og að framan greinir, þá
mun síðar verða auðveldara að
skýra frá væntanlegum Ólympíu-
keppendum héðan og þeirra sigur-
möguleikum í frjálsum íþróttum,
og eru þeir tvímælalaust miklir,
a. m. k. frá og með 100 til 1500 m.,
svo og í stökkunum flestum, kúlu-
varpi og tugþraut. —
Af sjálfum mér er allt gott að
frétta. Ég æfi með New York Ath-
letic Club, einu stærsta íþróttafé-
lagi hér í New York. Ég keppti
nokkrum sinnum innanhúss í
1000 yds forgjafarhlaupi og voru
vanalega um 35—50 í riðli, og var
það líkara slagsmálum en hlaupa-
keppni, og hrindingar og stymp-
ingar óspart notaðar. f mínum
tveim fyrstu keppnum lenti ég t. d.
inn af hlaupabrautinni strax eftir
viðbragðið — þeir iðka einnig
mjög mikið að koma aftan að
manni og reyna að hrinda þannig,
að maður steypist áfram, en þessu
má venjast eins og öðru, og voru
því þessar keppnir mínar meira
sem lærdómur en árangur. Bezti
tími minn var 2:20.5 í 1000 yds
(öll vegalengdin) og 1:58 í 880 yds.
Ég æfi nú af kappi undir vor-
mótin og mun reyna að keppa í
eins mörgum mótum og ég get í
maí og júní, en eftir júnílok hætta
flestir æfingum og keppnum fram
í sept—okt., sökum hinna miklu
hita, sem hér eru yfir sumarmán-
uðina.
Nú þegar er vorið komið og vor-
hugur og vorangan umlykur allt
80
IÞRÓTTIR