Allt um íþróttir - 01.04.1952, Blaðsíða 15

mundur ætti að reyna við fjöl-
þrautir, því maður sem stekkur
6.50 í langstökki, hleypur 100 m.
á 11.2 og kastar kringlu 4iy2 og
er jafn ágætur kúluvarpari og
Guðmundur, hann hlýtur að geta
orðið góður tugþrautarmaður. Ég
vil leyfa mér að nota tækifærið og
skora á þennan ágæta íþrótta-
mann, að láta nú ekki komandi
sumar líða án þess að taka þátt í
tugþraut. Hver veit nema þar væri
maður á heimsmælikvarða.
Þá er röðin komin að Vilhjálmi
Vilmundarsyni. Það er ekki hægt
að segja, að þær vonir hafi rætzt,
sem menn gerðu sér með Vilhjálm,
þegar hann var enn kornungur.
Hann gaf þá svo góðar vonir, að
flestir héldu, að hér væri um
„nýjan Huseby“ að ræða. En síðan
1948 hefur Vilhjálmur aldrei náð
sér vel upp. En hann er enn á
bezta aldri og því vonandi alls
ekki búinn að segja sitt síðasta
orð.
Sigurður Júlíusson komst nú í
hóp okkar beztu kastara. Hann er
stór og sterkur og getur átt eftir
að taka enn miklum framförum.
Svo er það Friðrik Guðmunds-
son. Kúlan er nú orðin hjágrein
hans, því hann hefur tekið meira
ástfóstri við kringluna. Samt er
Friðrik einn af okkar öruggustu
kúluvörpurum.
Hallgrímur Þingeyingur var
mjög óheppinn. Hann var á góðri
leið með að komast í æfingu á
öndverðu sumri, en lagðist þá í
mislingum og náði sér ekki aftur
upp um sumarið.
Sigfús á Selfossi er nú búinn
að halda lengi út, að vísu er nú
tekið að halla undan fæti, hvað
afreksgetu snertir, en þó á hann
alltaf til góð köst. Bragi Friðriks-
son stendur í sömu sporunum og
fyrr. Hjálmar Torfason hefði nú
e. t. v. verið í 14 metra flokknum,
ef hann hefði ekki verið svo óhepp-
inn að meiða sig á höndum rétt
fyrir mitt sumar og átti lengi í
því, og gat ekki æft köst meðan
á því stóð.
Kringlukast:
Gunnar Huseby, K.R...............49.35
Þorsteinn Löve, I.R..............48.34
Friörik GuÖmundsson, K.R.........47.36
Hallgrímur Jónsson, Umf. Reykhv. 46.13
Þorsteinn Alfreösson, Á..........45.40
Siguröur Júlíusson, F.H..........43.30
Gunnar SigurÖsson, K.R...........42.81
Rúnar GuÖmundsson, Umf. Vaka . 42.11
Kristfán Pétursson, Knspf. Kv. . . . 41.84
Guöm. Hermannsson, Höröur . . . 41.56
Huseby var ekki eins góður í
kringlunni í fyrra og sumarið 1950
— hefur e. t. v. ekki lagt eins mikla
áherzlu á hana þá. Þó kastaði hann
tvisvar yfir 48 m. og fimm sinnum
yfir 47 metra, sem út af fyrir sig
er prýðilegt.
Löve var líkur og árið áður og
kastaði alls í 10 keppnum yfir 45
mm., þar af tvisvar yfir 47 metra.
Það sama er að segja um Frið-
rik og Löve, að hann stóð í sömu
sporunum og 1950. Þessir menn
eiga báðir ábyggilega eftir að bæta
árangur sinn, því auk þess sem
þeir eru báðir ágætlega úr garði
gerðir, frá náttúrunnar hendi,
mun vera leit á íþróttamönnum,
IÞRÓTTIR
87