Fréttatíminn - 07.08.2015, Blaðsíða 8

Hátalari úr nýrri línu B&O.
Ormsson opnar á morgun, laugar-
dag, nýja Bang & Olufsen
sérverslun inn í verslun
fyrirtækisins að Lágmúla
8. Um það bil 200 fermetrar
af verslun Ormsson í Lág-
múla hafa verið innréttaðir
sérstaklega af hönnuðum
Bang og Olufsen, samkvæmt
þeirra nýjustu stöðlum, að því
er fram kemur í tilkynningu.
„Það er ánægjulegt að geta
boðið aftur upp á Bang & Oluf-
sen vörur á Íslandi. Tækin frá Bang &
Olufsen eru þekkt fyrir fallega
hönnun og einstök hljómgæði,”
Valur Kristófersson, sölustjóri
Bang & Olufsen hjá Orms-
son.
Ormsson tekur einnig
yfir alla þjónustu við eldri
Bang og Olufsen tæki í
þjónustuverkstæði sínu í
Síðumúla 9.
Bang & Olufsen
opnar hjá Ormsson
Sumarkuldi hefur áhrif á
vatnsbúskap Landsvirkjunar
Kuldinn í júlí hefur neikvæð áhrif á
vatnsbúskap Landsvirkjunar og hefur
gerbreytt horfum fyrir fyllingu miðl-
unarlóna. Skortur á jökulbráð veldur
því að Hálslón hefur aðeins hækkað
um tæpa 10 metra í júlí og stendur nú
í 593 metrum yfir sjávarmáli, sem er
aðeins 37% fylling. Það vantar því yfir
30 metra að það fyllist í haust og nú
eru innan við helmingslíkur að það
gerist, segir í tilkynningu Landsvirkj-
unar. Svipaða sögu er að segja með
Blöndulón, fylling þar hefur nánast
stöðvast seinni hluta júlí og er nú um
55%. Besta staðan er á Þjórsársvæð-
inu. Þórisvatn og Hágöngulón eru að-
eins yfir væntingum frá í byrjun júlí
og fyllingin er nú um 78%.
Í ljósi þessarar breyttu stöðu hefur
Landsvirkjun hagað vinnslu kerfisins
með það að markmiði að auka sem
mest líkur á að staða Hálslóns verði
viðunandi í haust. Hagstætt veður-
far í ágúst og september getur breytt
talsverðu um vatnsstöðu Landsvirkj-
unar. Ef innrennsli heldur áfram að
vera nálægt lægstu mörkum fram
eftir hausti gæti, að mati Landsvirkj-
unar, þurft að minnka afhendingu á
raforku í upphafi vetrar.
Stöðvarhús Fljótsdalsvirkjunar. Mynd
Landsvirkjun
Veldu f lot tustu
Guðrúnartúni 10, Reykjavík og Tryggvabraut 10, Akureyri. Opið mánudaga til föstudaga frá 8 til 17
Skoðaðu úrvalið af flo um DELL tölvum fyrir skólann
á advania.is/skoli, verð frá 69.990 kr.
una
T íminn frá því tilkynning er sent um týnt barn og þar til hún berst útivinnandi lög-
reglumönnum á höfuðborgarsvæð-
inu er aðeins 20 mínútur að með-
altali, en var áður 8 klukkutímar.
„Það skiptir miklu að tilkynningar
um týnd börn berist útivinnandi
lögreglumönnum sem allra fyrst
til að sem mestar líkur séu á því að
við finnum börnin fyrir nóttina,“
segir Guðmundur Fylkisson, yfir-
varðstjóri hjá lögreglunni á höfuð-
borgarsvæðinu. „Nú finnum þau oft
fyrri hluta kvölds í staðinn fyrir að
missa þau inn í hús yfir nóttina og
styttum þá þann tíma sem þau eru í
neyslu eða slíku,“ segir hann.
Sérstakt 12 mánaða átaksverk-
efni lögreglunnar til að koma í veg
fyrir að óæskilegir einstaklingar
hýsi börn og ungmenni undir lög-
aldri hófst í nóvember og Guðmund-
ur hefur tekið þátt í verkefninu síð-
an. „Við settum okkur að ná þessum
tíma niður í eina klukkustund en
í vor þegar við höfðum aðeins náð
tímanum niður í tvær klukkustund-
ir settum við okkur í samband við
ríkislögreglustjóra og fjarskipta-
deild hans hefur aðstoðað okkur
síðan við að koma tilkynningunum
til skila,“ segir Guðmundur. „Áður
voru tilkynningar sendar út í tölvu-
pósti og ef mikið var að gera sáu
lögreglumenn þær ekki fyrr en þeir
komu aftur í hús að lokinni vakt. Í
lok maí byrjaði fjarskiptamiðstöðin
að starfa með okkur. Hún vaktar
síma og tölvukerfi allan sólarhring-
inn og það er vegna þessa samstarfs
sem tilkynningarnar berast svona
fljótt. Nú sjá lögreglumenn sem
eru úti jafnvel börnin mjög fljótt ef
þau eru á ferli. Þetta er gríðarlega
jákvæð þróun,“ segir hann.
Sú breyting hefur einnig átt sér
stað frá fyrra ári að lögreglan leitar
nú að fleiri börnum, að meðaltali 17
á mánuði það sem af er þessu ári
en að jafnaði 10 börnum í hverjum
mánuði í fyrra. Í júlímánuði var
leitað að 14 börnum, 8 stelpum og
6 strákum. „Ég vil trúa því að þetta
sé ekki vegna þess að vandinn sé að
aukast heldur hafi foreldrar og for-
ráðamenn nú meiri trú á því að við
tökum þessi mál alvarlega og leiti
því aðstoðar lögreglu fyrr. Nú líð-
ur sjaldnast meira en sólarhringur
áður en haft er samband við okkur
vegna týndra barna en áður liðu oft
nokkrir dagar,“ segir Guðmundur.
Þegar átaksverkefnið hófst var
tekin sú ákvörðun að lýsa ekki eftir
týndum börnum í fjölmiðlum nema
í ítrustu neyð og frá nóvember hefur
aðeins verið auglýst tvisvar. „Þeg-
ar búið er að birta nafn og mynd
af týndu barni í fjölmiðlum opn-
ast flóðgáttir af ýmiss konar áreiti
í gegnum rafræna heiminn og við
reynum því að nota aðrar leiðir,“
segir hann.
Algengast er að börn fari heim
þegar þau finnast en annars fara
þau ýmist á Neyðarvistum Stuðla
eða á meðferðarheimili ef þau hafa
strokið af slíku heimili. „Á árunum
2013-2014 fór að jafnaði um helming-
ur barna á Stuðla en nú er það aðeins
um fjórðungur. Við teljum það líka
vera til marks um að gripið sé inn í
fyrr en áður og börnin sem leitað er
það því í nógu góðu ástandi til að fara
beint aftur heim,“ segir hann.
Erla Hlynsdóttir
erla@frettatiminn.is
 LögregLan ÁTaksverkefni vegna Týndra barna skiLar Árangri
20 mínútur að finna
týnd börn í stað 8 tíma
Tíminn frá því tilkynning er send um týnt barn og þar til hún berst útivinnandi lögreglumönnum á
höfuðborgarsvæðinu er aðeins 20 mínútur að meðaltali, en var áður 8 klukkutímar. Guðmundur
Fylkisson aðalvarðstjóri segir gríðarlega mikilvægt að finna börn fyrir nóttina. Að meðaltali
leitar lögreglan að fleiri týndum börnum í hverjum mánuði í ár en í fyrra, en Guðmundur telur
ástæðuna þá að foreldrar hafi nú meiri trú á að lögreglan taki tilkynningar þeirra alvarlega.
Guðmundur Fylkisson, aðalvarðstjóri hjá
lögreglunni á höfuðborgarsvæðinu, leiðir
sérstakt átak lögreglunnar til að koma í
veg fyrir að óæskilegir einstaklingar hýsi
börn og ungmenni undir lögaldri. Ljósynd/
Hari
Nú finnum þau
oft fyrri hluta
kvölds í staðinn
fyrir að missa
þau inn í hús
yfir nóttina.
8 fréttir Helgin 7.-9. ágúst 2015