Ægir - 01.01.2014, Side 28

28
Stjórn HB Granda tók þá ákvörðun á síðasta ári að láta breyta Helgu
Maríu AK úr frystitogara í ísfisktogara. Skipið hefur nú farið í yfir
tíu veiðiferðir og að sögn Eiríks Ragnarssonar skipstjóra er reynslan
góð það sem af er. „Kælibúnaðurinn virkar vel en flokkarinn hefur
verið að stríða okkur dálítið. En það er eitthvað sem lagast með
tímanum og svo breytir það ekki öllu því við flokkum bara ufsann.
Kælitromlurnar kæla fiskinn vel og við erum að koma með gott
hráefni í land,“ segir Eiríkur þar sem hann var staddur með skip sitt
á svokallaðri Belgableyðu, 60 til 70 mílur suðvestur af Reykjanesi.
„Þetta er í fyrsta sinn sem sérsmíðuðum frystitogara er breytt í ís-
fisktogara,“ segir Eiríkur.
Breytingarnar á
Helgu Maríu
koma vel út
Talsvert var af karfa í veiðiferð Helgu Maríu.
Ný vinnslulína er um borð í skipinu.
Ú
tg
erð