Ægir - 01.01.2014, Page 33
og bolfiski. Flakavinnsla verður
um borð og einnig surimi-
vinnslulína en hún byggir á að
fiskurinn er hakkaður um borð
og fer í sérstaka línu þar sem
mótaðir eru surimi-fiskstautar.
„Síðan er bræðsla um borð
þannig að þetta er skip með
mjög mikinn vinnslubúnað. En
að öðru leyti er skipið nokkuð
hefðbundinn frystitogari. Þó
þurfum við að taka tillit til þess í
hönnuninni að aðstæður eru
þröngar í heimahöfn skipsins
og aðalmál og djúprista eru
samkvæmt því,“ segir Hjörtur.
Ísfisktogarar í farvatninu
Hjörtur segir ýmsar vís-
bendingar um að fjárfestingar
útgerða hér á landi fari nú vax-
andi. „Við vitum af nokkrum út-
gerðum sem hafa spurst fyrir
um hönnun og hugmyndir. Ný
uppsjávarskip eru þegar í smíð-
um erlendis fyrir íslenskar út-
gerðir en við finnum líka fyrir
áhuga á endurnýjun ísfisktogar-
anna enda flest skipin í þeim
flota orðin um og yfir 30 ára
gömul. Þar eru menn að velta
fyrir sér 50-55 metra vel búnum
skipum til ísfiskveiða og í lausn-
um okkar höfum við lagt
áherslu á búnað til að nýta afl-
ann sem best um borð og að
vanda kælingu og aflameðferð.
Síðan eru þættir í okkar lausn
sem snúa að sem mestri orku-
nýtingu og aðbúnaði áhafnar,“
segir Hjörtur og undirstrikar að
stóra málið í hönnun nýrra ís-
fiskskipa sé aflameðferðin um
borð. Navis hefur einnig kynnt
nýtt keraflutningskerfi um borð
í lestum ísfiskskipanna sem
auðveldar alla lestarvinnu og
bætir hráefnismeðhöndlun.
„Ég hef trú á að fyrr en síðar
munum við semja um verk af
þessum toga hér heima. Það er
orðið tímabært,“ segir Hjörtur.
Starfsmenn Navis hafa í mörg horn að líta næstu mánuði, enda stór verkefni í skipahönnun á borðum þeirra.
Sjófuglar skráðir sem meðafli
Lundi verður nú skráður sem afli, komi hann í net fiskibáta.
Gerðar hafa verið breytingar á eyðublöð-
um afladagbóka í því skyni að auka upp-
lýsingar um meðafla. Á netaveiðum er al-
gengt að t.d. sjófuglar og hnísur komi í
netin og þrátt fyrir að ekki hafi verið talið
að þetta hafi áhrif á stofna tegundanna
hafa skipstjórnarmenn á síðustu árum
skráð þennan meðafla samhliða fiskafla í
afladagbækur. Fiskistofa, atvinnuvega-
og nýsköpunarráðuneytið, Hafrann-
sóknastofnun og Landssamband smá-
bátaeigenda hafa unnið að bættri skrán-
ingu meðafla og hefur nú skráningar-
eyðublöðum verið breytt til að auðvelda
skráninguna.
„Markmið þessa er að afla meiri og
áreiðanlegri gagna um meðafla og treysta
þannig mat á umfangi hans. Þess er vænst
að skipstjórnarmenn og sjómenn almennt
leggist á árarnar með þessum aðilum í því
skyni að gera skráningu og mat á meðafla
hér við land sem áreiðanlegast á komandi
árum, og bæta þannig umgengni um auð-
lindir Íslandsmiða,“ segir í frétt af vef
Fiskistofu um þessa reglugerðar-
breytingu.
33