Morgunblaðið - 20.01.2015, Page 21

FRÉTTIR 21Erlent
MORGUNBLAÐIÐ ÞRIÐJUDAGUR 20. JANÚAR 2015
Síðustu dagar
Útsölunnar!
Avon sölufulltrúar
um allt land
40% afsláttur af fullu verði
Dalvegi 16B, 201 Kópavogi, sími 577 2150
www.avon.is
Karl Blöndal
kbl@mbl.is
Argentínskur saksóknari, Alberto
Nisman, sem á miðvikudag sakaði
Cristinu Fernandez de Kirchner,
forseta Argentínu, um að hafa hylmt
yfir þátt Írans í sprengjutilræði 1994
fannst í gær lát-
inn á heimili sínu
nokkrum klukku-
stundum áður en
hann átti að bera
vitni á þingi. Að
sögn lögreglu
fannst skamm-
byssa og byssu-
hylki við hlið hans
og lést hann af
skotsári.
„Allt bendir til sjálfsmorðs,“ sagði
öryggismálaráðherra Argentínu,
Sergio Berni.
Að sögn yfirvalda kom móðir
Nismans að honum á baðherbergi í
íbúð hans í Buenos Aires. Hún var
kölluð til þegar öryggisverðir náðu
ekki í hann.
Sagði forsetann hylma yfir
Árið 1994 létu 85 manns lífið og
300 særðust þegar sprengja var
sprengd í byggingu Sambands góð-
gerðarsamtaka gyðinga í Argentínu,
AMIA. Nisman hóf að rannsaka
sprengjutilræðið 2004. Á miðviku-
dag fór hann fram á að rannsókn yrði
hafin á því hvort Kirchner hefði
reynt að hindra framgang réttvísinn-
ar. Í gær átti hann að leggja fram
gögn í vitnaleiðslu á þinginu.
Nisman hefur einnig sakað Carlos
Menem, sem var forseti Argentínu
frá 1989-99, um að hafa átt þátt í að
hindra rannsókn tilræðisins.
Íranar eru grunaðir um að hafa
staðið að baki tilræðinu. Því hefur
verið haldið fram að sjítasamtökin
Hezbollah í Líbanon hafi gert árás-
ina samkvæmt fyrirskipunum
stjórnvalda í Teheran.
Að sögn Nismans reyndu
Kirchner og Hector Timerman, ut-
anríkisráðherra í stjórn hennar, að
„þurrka út“ þátt Írana í málinu gegn
fyrirgreiðslu í olíuviðskiptum.
„Forsetinn og utanríkisráðherra
hennar tóku þá glæpsamlegu
ákvörðun að skálda sakleysi Írans til
að seðja viðskiptalega, pólitíska og
alþjóðlega hagsmuni Argentínu,“
sagði Nisman.
Argentínskir dómstólar hafa frá
2006 farið fram á framsal átta Írana,
þar á meðal Akbars Hashemis Raf-
sanjanis, fyrrverandi forseta Írans,
Ahmads Vahidis, fyrrverandi varn-
armálaráðherra.
Nisman kvaðst hafa undir höndum
upptökur af símtölum þar sem kæmi
fram að stjórn Kirchner og argent-
ínsk stjórnvöld hefðu beygt sig fyrir
kröfum Írana eftir að þeir buðu
ábatasöm viðskipti.
Hann fór einnig fram á að eignir
Kirchner, Timermans og fleiri emb-
ættismanna upp á 23 milljónir doll-
ara yrðu frystar.
„Gæti kostað mig lífið“
Patrica Bullrich, þingmaður
stjórnarandstöðunnar í Argentínu,
sagði að andlát Nismans væri áfall.
Hún kvaðst hafa rætt við Nisman
þrisvar í síma á laugardag og hann
hefði sagt að hann hefði fengið
nokkrar hótanir.
Argentínska dagblaðið Clarion
greindi frá því að nokkrum dögum
fyrir andlátið hefði hann sagt við
blaðið: „Þetta gæti kostað mig lífið.“
Tveimur árum áður en árásin var
gerð á gyðingamiðstöðuna létust 29
manns í árás á sendiráð Ísraels í
Buenos Aires. Í janúar 2014 sökuðu
argentínsk yfirvöld Ísraela um að
leyna upplýsingum um árásirnar í
kjölfarið á því að fyrrverandi sendi-
herra Ísraels í Argentínu gaf í skyn
að ísraelskar öryggisveitir hefðu
orðið þeim, sem bæru ábyrgð á þeim,
að bana.
AFP
Ógnarverk Björgunarmenn leita í rústum Sambands góðgerðarsamtaka gyðinga í Argentínu eftir sprengjutilræðið
1994. Alberto Nisman sagði að forseti Argentínu hefði reynt að hylma yfir þátt Írans í tilræðinu.
Saksóknari lést af skotsári
Alberto Nisman
 Sakaði forseta Argentínu um glæp og átti að vitna í gær
Eitt prósent jarðarbúa mun á næsta
ári eiga jafnmikið og hin 99 prósent-
in, ef marka má spá bresku
góðgerðarsamtakanna Oxfam.
Samkvæmt niðurstöðum samtak-
anna átti auðugasta prósentið í fyrra
48% af auði í heiminum. Kemur
einnig fram að þau 52% auðs, sem
eftir eru, séu nánast öll í eigu fimmt-
ungs mannkyns eða 46 prósentu-
stiga. 80% mannkyns deili því með
sér 5,5% af auði veraldar eða 3.851
dollara (509 þúsund krónum) á
hvern fullorðinn einstakling.
Haldi fram sem horfir verður eign
þeirra komin í 50% á næsta ári að
mati Oxfam og 54% árið 2020.
Samtökin segja að 80 auðugustu
menn heims eigi 1,9 billjónir dollara
(251,2 billjónir króna), sem jafngildi
eignum þess helmings mannkyns,
sem minnst á. Segja þau jafnframt
að eignir þessara 80 auðmanna hafi
aukist um 50% á undanförnum fjór-
um árum.
Oxfam birti tölurnar til þess að
hafa áhrif á efnahagsráðstefnuna í
Davos í Sviss, sem hefst á morgun.
Winnie Byanyima, framkvæmda-
stjóri Oxfam, er annar stjórnenda
fundarins í Davos þar sem saman
munu koma 300 forustumenn víða
að. Vill hún sérstaklega beina sjón-
um ráðstefnunnar að skattaskjólum.
„Umfang mismununar í heiminum
er einfaldlega sláandi og þrátt fyrir
að málið sé komið á alþjóðlega dag-
skrá breikkar bilið á milli hinna rík-
ustu og hinna hratt,“ sagði Bya-
nyima.
Oxfam byggir spá sína á upplýs-
ingum, sem Credit Suisse hefur sent
frá sér árlega frá 2000 um skiptingu
auðs í heiminum. Þar eru eignir í
peningum, landi og fasteignum ein-
staklinga lagðar saman og skuldir
dregnar frá til að meta eignir. Laun
og tekjur eru ekki reiknaðar með.
80 eiga jafnmikið
og 50% jarðarbúa
 Auður 1% nálgast eignir allra hinna
EPA
Auður Oxfam vill að vaxandi mis-
skipting auðs verði rædd í Davos.
Utanríkisráðherrar aðildarríkja
Evrópusambandsins hvöttu í gær til
þess að myndað yrði bandalag við
múslimaríki í baráttunni við vaxandi
ógn af herskáum íslamistum. Fed-
erica Mogherini, sem fer með utan-
ríkismál í framkvæmdastjórn ESB,
ræddi við Nabil al-Arabi, fram-
kvæmdastjóra Arababandalagsins,
til að hvetja til aukins samstarfs.
Fundurinn var haldinn í kjölfar
árásanna á ritstjórn franska skop-
tímaritisins Charlie Hebdo og gyð-
ingastórmarkað í París fyrir rúmri
viku og aðgerða gegn hryðjuverka-
mönnum í Belgíu og Þýskalandi.
Ráðherrarnir komu saman í höf-
uðstöðvum Evrópusambandsins í
Brussel þar sem hermenn gættu ör-
yggis. Meðal umræðuefna var
hvernig ætti að koma í veg fyrir að
vígamenn sneru aftur frá Sýrlandi
og Írak.
„Hryðjuverk og árásir hryðju-
verkamanna beinast gegn næstum
öllum múslimum í heiminum þannig
að við þurfum að snúa bökum sam-
an,“ sagði Mogherini á blaðamanna-
fundi. „Við þurfum að styrkja sam-
starf okkar við öll arabaríkin, en
einnig innbyrðis. Ógnin er ekki að-
eins sú sem blasti við okkur í París,
heldur breiðist hún út um marga
aðra heimshluta.“
„Breytt Evrópu og heiminum“
Al-Arabi bætti við að „öll ríki
heims þjást undan hryðjuverkum“.
Málið snerist ekki aðeins um hern-
aðar- og öryggismál, heldur um-
ræðu, menningu, fjölmiðla og vett-
vang trúarinnar.
Á fundinum í gær átti að leggja
línurnar fyrir sérstakan leiðtoga-
fund í Evrópu sem helgaður verður
baráttunni gegn hryðjuverkum.
Þær stofnanir, sem fara með ör-
yggismál í ríkjum ESB, eru hins
vegar hikandi við að opna gagna-
grunna sína af ótta við leka og er tor-
tryggnin mest í garð arabaríkja.
Frank-Walter Steinmeier, utan-
ríkisráðherra Þýskalands, sagði hins
vegar í Brussel í gær að atburðirnir í
París hefðu „breytt Evrópu og heim-
inum“ og hvatti til þess að „mögu-
lega auka skipti [á upplýsingum] við
múslimaríki“.
ESB vill samstarf
við arabaríki
 Utanríkisráðherrar ESB ræddu ör-
yggismál í Brussel  Biðlað til múslima
AFP
Fundur Nabil el-Arabi og Federica
Mogherini ræddu ógnir í Brussel.
Mótmæli
» Stjórnvöld í Níger lýstu yfir
þjóðarsorg eftir að tíu létu lífið
í mótmælum gegn birtingu
skopmynda af Múhameð í
Charlie Hebdo og kveikt var í
tugum kirkna um helgina.
» 2.000 manns mótmæltu
fyrir utan sendiráð Frakklands
í Teheran í gær og kyrjuðu
„Frakkland deyi“.
» Mörg hundruð þúsund
manns í Grosníu, höfuðborg
Tétsníu, mótmæltu birtingu
skopmynda af Múhameð.
» 200 róttækir íslamistar
reyndu í gær að ryðjast inn í
menningarmiðstöð Frakka á
Gasasvæðinu.