Morgunblaðið - 22.01.2015, Page 7

FRÉTTIR 7Innlent
MORGUNBLAÐIÐ FIMMTUDAGUR 22. JANÚAR 2015
Hafinn er nýr áfangi í undirbún-
ingi að losun fjármagnshaftanna
en fyrir liggja breytingar á áætl-
un um losun þeirra. Þetta kemur
fram í fréttatilkynningu frá fjár-
málaráðuneytinu. Framundan sé
vinna við að rýna tillögurnar og
koma þeirri stefnu sem mótuð
verði í framkvæmd.
Breytingar á hópnum
Ennfremur hafa verið gerðar
breytingar á framkvæmdahópi
um losun fjármagnshafta. Þrír
sérfræðingar hafi bæst í hóp sér-
fræðinga sem starfað hafi með
ráðgjöfum stjórnvalda að losun
fjármagnshafta í umboði stýri-
nefndar sem Bjarni Benediktsson
fjármála- og efnahagsráðherra
veitir forystu. Eftir breyting-
arnar skipa eftirfarandi ein-
staklingar hópinn: Glenn V. Kim
formaður, Benedikt Gíslason
varaformaður, Sigurður Hann-
esson varaformaður, Eiríkur S.
Svavarsson hæstaréttarlögmaður,
Ingibjörg Guðbjartsdóttir, Seðla-
banka Íslands, og Jón Þ. Sigur-
geirsson, Seðlabanka Íslands.
Ingibjörg mun ekki gegna dag-
legum störfum við stjórn gjald-
eyriseftirlits og Jón Sigur-
geirsson hætta sem stjórnar-
formaður Eignasafns Seðlabanka
Íslands á meðan þau starfa í
hópnum.
Hefja nýjan áfanga
í losun haftanna
Morgunblaðið/Arnaldur
Í höftum Unnið er að losun gjaldeyrishafta.
Skipulagsstofnun hefur nú til með-
ferðar ósk Vegagerðarinnar um að
Skipulagsstofnum noti heimildir í
lögum og reglum til að taka aftur
upp úrskurð sinn um umhverfismat
vegna vegalagningar á sunnan-
verðum Vestfjörðum, nánar tiltekið
leiðar B sem er um Teigsskóg í
Þorskafirði. Þetta kemur fram í
frétt Vegagerðarinnar.
Þar segir að í beiðninni komi m.a.
fram að Vegagerðin áætli að
byggja nýjan Vestfjarðaveg milli
Bjarkalundar og Melaness í Reyk-
hólahreppi. Þess sé farið á leit við
Skipulagsstofnun að neytt verði
heimildar í 24. gr. stjórnsýslulaga
nr. 37/1993 og/eða óskráðrar al-
mennrar heimildar stjórnvalda til
endurupptöku mála til að taka aft-
ur upp þann hluta úrskurðar stofn-
unarinnar frá 28. febrúar 2006 er
lúti að veglínu B í 2. áfanga verks-
ins. Frestur til að gera athuga-
semdir til Skipulagsstofnunar er til
og með 23. febrúar.
Vilja endurupptöku
vegna Teigsskógar
Ágúst Ingi Jónsson
aij@mbl.is
Stefnt er að því að opna Vínbúð að
nýju í Grafarvogi á næstu mánuðum,
en versluninni í Spönginni var lokað
fyrir réttum sex árum, í ársbyrjun
2009. Hátt í 20 þúsund manns búa í
hverfinu. Þá segir Sigrún Ósk Sig-
urðardóttir, aðstoðarforstjóri
ÁTVR, að jafnframt sé horft til þess
að opna á ný vínbúð í Garðabæ, en
þar var lokað í ársbyrjun 2011. Það
verði þó ekki á þessu ári.
Húsnæði á verslunarsvæði
Í auglýsingu frá Ríkiskaupum um
leigu á húsnæði fyrir Vínbúð í Graf-
arvogi segir m.a. að húsnæðið þurfi
að vera á verslunarsvæði, vera nærri
stofnbraut eða tengibraut og umferð
til og frá húsinu þurfi að vera greið.
Óskað er eftir að taka á leigu 370-
450 fermetra húsnæði, sem þurfi að
skiptast að um 2/3 hlutum í verslun-
arsvæði og 1/3 í lager og starfs-
mannaaðstöðu.
Aðspurð segir Sigrún Ósk að
Spöngin sé helsta verslunarmiðstöð í
Grafarvogi og óneitanlega sé eink-
um horft þangað með leigu á hús-
næði í huga, án þess að aðrir staðir
sem uppfylla skilyrði séu útilokaðir.
Hún segir að húsnæði Vínbúðarinn-
ar í Spönginni hafi verið lítið og
óhentugt og þegar leigusamningur
rann út hafi verið ákveðið að loka í
janúar 2009. Það hafi hins vegar ver-
ið markmiðið að opna aftur verslun í
hverfinu og verði væntanlega gert
síðar á árinu fáist heppilegt hús-
næði. Útsölustaðir ÁTVR eru 49
talsins um allt land og var sá nýjasti
opnaður skömmu fyrir jól á Kópa-
skeri. Sigrún Ósk segir að ákveðið
hafi verið að opna þessa verslun með
tilliti til þess að langt er í næstu Vín-
búð og samgöngur oft erfiðar.
Næstu verslanir ÁTVR eru á Þórs-
höfn á Langanesi og á Húsavík og
eru um 100 kílómetrar frá Kópa-
skeri til Húsavíkur.
Vínbúð verður opnuð á ný í Grafarvogi
 Spöngin líkleg fáist hentugt húsnæði
 Áfram stefnt að Vínbúð í Garðabæ
Morgunblaðið/Kristinn.
Þjónusta Vínbúðinni í Spönginni
var lokað fyrir sex árum.