Morgunblaðið - 22.01.2015, Síða 14

14 FRÉTTIRInnlent
MORGUNBLAÐIÐ FIMMTUDAGUR 22. JANÚAR 2015
SMÁRALIND • 2 HÆÐ
SÍMI 571 3210
Kíktu á verðið!
Útsöluverð
3.497
Verð áður 6.995
Stærðir 36-41
Útsöluverð
3.997
Verð áður 7.995
Stærðir 36-41
Útsöluverð
3.497
Verð áður 6.995
Stærðir 40-45
Útsöluverð
2.998
Verð áður 8.995
Stærðir 36-41
ÚR BÆJARLÍFINU
Skapti Hallgrímsson
Akureyri
Hafdís Sigurðardóttir, landsliðs-
kona í frjálsíþróttum úr Ungmenna-
félagi Akureyrar, var í gær kjörin
íþróttamaður Akureyrar 2014. Þetta
er annað árið í röð sem hún verður
fyrir valinu en í fyrra varð hún fyrsti
frjálsíþróttamaðurinn til þess.
  
Viktor Samúelsson úr Kraftlyft-
ingafélagi Akureyrar varð annar og
Einar Kristinn Kristgeirsson úr
Skíðafélagi Akureyrar í þriðja sæti.
  
Kjörinu var lýst í verðlaunahófi á
vegum Íþróttabandalags Akureyrar
og Íþróttaráðs Akureyrarbæjar í
menningarhúsinu Hofi í gær. Alls
tilnefndu sautján aðildarfélög
íþróttamann ársins úr sínum röðum.
  
Þetta er níunda árið í röð sem
kona verður fyrir valinu í kjöri
íþróttamanns ársins á Akureyri.
Hinar eru Dagný Linda Kristjáns-
dóttir skíðamaður (2002, 2006, 2007),
Rut Sigurðardóttir tae-kwon-do
(2004), Rakel Hönnudóttir knatt-
spyrnumaður (2008), Bryndís Rut
Hansen sundmaður (2009, 2010,
2011) og Arna Sif Ásgrímsdóttir
knattspyrnumaður (2012).
  
Hafdís setti Íslandsmet í lang-
stökki, bæði innan- og utanhúss, á
árinu og hefur gert atlögu að Ís-
landsmetinu í 100 m hlaupi. Besti
árangur hennar í langstökki á árinu
var 6,72 metrar, vel yfir ólympíu-
lágmarki. Hafdís varð stigahæst
landsliðsmanna þegar Ísland komst
upp úr 3. deild Evrópukeppninnar,
þar sem hún keppti í fimm greinum.
  
Þetta er í 36. sinn sem íþrótta-
maður Akureyrar er heiðraður. Alls
hafa 20 hlotið nafnbótina síðan 1979,
júdókappinn Vernharð Þorleifsson
oftast allra, sjö sinnum.
  
Haraldur Sigurðsson var í gær
gerður að heiðursfélaga Íþrótta-
bandalags Akureyrar. Svo skemmti-
lega vildi til að Haraldur varð níræð-
ur í gær.
  
Haraldur á að baki áratuga starf
í þágu íþróttahreyfingarinnar, meðal
annars sem formaður KA og í
stjórnum fleiri félaga og sambanda.
Hann er heiðursfélagi í mörgum fé-
lögum og samböndum og hefur hlot-
ið margvíslegar viðurkenningar fyr-
ir starf sitt að íþrótta-, menningar-
og félagsmálum. Haraldur á einnig
að baki mikið starf við sagnaritun í
þágu íþróttahreyfingarinnar.
  
Þar með fjölgaði heiðursfélögum
ÍBA um 100% – aðeins Hermann
Sigtryggsson, sem einnig var í for-
ystusveit íþróttafólks í bænum í ára-
tugi og m.a. formaður KA, íþrótta-
fullfrúi bæjarins og stjórnarmaður í
ÍSÍ, bar þann heiðurstitil áður.
  
Við sama tækifæri veitti íþrótta-
ráð Akureyrarbæjar þremur ein-
staklingum heiðursviðurkenningu;
það eru Björg Finnbogadóttir, Nói
Björnsson og Sigfús Ólafur Helga-
son.
  
Þá fengu forsvarsmenn íþrótta-
félaga á Akureyri afhenta styrki og
viðurkenningar vegna Íslandsmeist-
ara og landsliðsfólks í fyrra. Alls
urðu 200 einstaklingar úr akur-
eyrskum íþróttafélögum Íslands-
meistarar á árinu og 118 tóku þátt í
landsliðsverkefnum.
  
Segja má að fundur í bæjar-
stjórn á þriðjudaginn hafi verið
sögulegur: fundinn sátu þrír fulltrú-
ar Sjálfstæðisflokksins, sem er
reyndar hefðbundið, en nú voru það
þau Gunnar, Njáll og Bergþóra!
Bergþórshvoll kom hvergi við sögu,
en Gunnar Gíslason, Njáll Trausti
Friðbergsson, varamaðurinn Berg-
þóra Þórhallsdóttir og aðrir bæj-
arfulltrúar höfðu gaman af …
  
Njáll Trausti lagði til á fund-
inum, í umræðu um samskipti Akur-
eyrarbæjar og ríkisins, að sú hug-
mynd yrði skoðuð að ríkisvaldið færi
með skipulagsvaldið á öllum fjórum
alþjóðaflugvöllunum á Íslandi.
  
„Í dag fer ríkið með skipulags-
valdið á Keflavíkurflugvelli og það
er ekkert nema eðlilegt að það sama
gangi yfir hina þrjá flugvellina:
Akureyrar-, Egilsstaða- og Reykja-
víkurflugvöll,“ segir Njáll Trausti.
„Öryggishagsmunir þjóðarinnar eru
með þeim hætti að við þurfum á öll-
um þessum flugvöllum að halda og
óeðlilegt að einstök sveitarfélög geti
gengið gegn heildarhagsmunum
þjóðarinnar,“ sagði Njáll Trausti.
  
Fyrstu tónleikar ársins á Græna
hattinum verða annað kvöld þegar
hljómsveitirnar Röskun og Church-
house Creepers koma fram. Báðar
eru frá Akureyri.
  
Kvennakórinn Embla heldur
Vínartónleika í Hofi á sunnudag kl.
17. Kórinn skipa konur af Eyjafjarð-
arsvæðinu. Roar Kvam stjórnar og
gestasöngvari er Óskar Pétursson.
Morgunblaðið/Skapti Hallgrímsson
Best Hafdís Sigurðardóttir, frjálsíþróttakona úr UFA, varð efst í kjörinu. Viktor Samúelsson kraftlyftingamaður
varð annar og er í miðjunni. Til vinstri er Arnar Ingi, bróðir Einars Kristins skíðamanns sem varð þriðji.
Kona kjörin best níunda árið í röð
Morgunblaðið/Skapti
Heiðursmaður Haraldur Sigurðsson, íþróttafrömuður í bænum til áratuga,
var gerður að heiðursfélaga ÍBA á nítugasta afmælisdegi sínum í gær.
 Hafdís er íþróttamaður Akureyrar
 Haraldur orðinn heiðursfélagi ÍBA
Eins og undanfarin ár var mestum
uppsjávarafla landað á Neskaup-
stað í fyrra, eða 179.827 tonnum.
Næstmestum afla var landað í
Vestmannaeyjum, 106.154 tonnum,
og í þriðja sæti er Vopnafjörður
með 86.474 tonn. Landanir á upp-
sjávarafla hafa undanfarin ár færst
í auknum mæli til Austfjarða. Árið
1993 var 42% af öllum uppsjáv-
arafla landað á Austurlandi en
hlutfallið hefur síðan vaxið nokkuð
jafnt og þétt og í fyrra var það 61%
sem er svipað hlutfall og árið á
undan.
Minni uppsjávarafli
Heildarafli uppsjávartegunda
sem landað var í íslenskum höfnum
á síðasta ári nam 723 þúsund tonn-
um sem er umtalsverður samdrátt-
ur miðað við árið 2013 en þá komu
924 þúsund tonn á land. Ástæður
þessa eru væntanlega m.a. minni
afli á loðnu og norsk-íslenskri síld.
Fram kemur á vef Fiskistofu að í
Neskaupstað var landað um 25%
uppsjávaraflans í fyrra. Þar var
landað 61.736 tonnum af kolmunna
(34,3%), 43.477 tonnum af síld
(24%), 36.54 tonnum af loðnu (20%)
og 38.542 tonnum af makríl eða
18,8% af öllum makríl sem landað
var í íslenskum höfnum í fyrra. Í
Reykjavíkurhöfn var landað 32.404
tonnum af makríl, sem væntanlega
hafa að mestu verið frystar afurðir.
Í Vestmannaeyjum komu 32.185
tonn af makríl á land. aij@mbl.is
Uppsjávarfiskur
til Austfjarða
 Mestu landað í
Neskaupstað í fyrra
Börkur NK Skip Síldarvinnslunnar.
Tíu hæstu hafnir
í uppsjávarafla
Neskaupstaður
Vestmannaeyjar
Vopnafjörður
Eskifjörður
Reykjavík
Fáskrúðsfjörður
Hornafjörður
Þórshöfn
Hafnarfjörður
Seyðisfjörður
179.809
106.154
86.474
53.834
42.767
40.559
39.945
33.048
32.156
23.625
1
2
3
4
10
9
5
6
11
7
1
2
3
4
5
6
7
8
9
10
2013 2014 Höfn
Landaður
afli (tonn)
Heimild: Fiskistofa