Morgunblaðið - 04.02.2015, Blaðsíða 2

2 FRÉTTIRInnlent
MORGUNBLAÐIÐ MIÐVIKUDAGUR 4. FEBRÚAR 2015
Lyfjaval.is • sími 577 1160
Bílaapótek Hæðasmára
Mjódd Álftamýri
20%
afsláttur
af öllum pakkni
ngum
Afslátturinn gildir í febrúar.
Lyfjaauglýsing
Morgunblaðið Hádegismóum 2, 110 Reykjavík. Sími 5691100 Fréttir Guðmundur Sv. Hermannsson, Sigtryggur Sigtryggsson ritstjorn@mbl.is Viðskipti Sigurður Nordal vidskipti@mbl.is Menning Einar Falur Ingólfsson menning@mbl.is
Íþróttir Víðir Sigurðsson sport@mbl.is mbl.is Sunna Ósk Logadóttir netfrett@mbl.is, Smartland Marta María Jónasdóttir, smartland@mbl.is Umræðan | Minningar | Bréf til blaðsins mbl.is/sendagrein Prentun Landsprent ehf.
Kristinn Tryggvi Þorleifsson hefur
verið ráðinn framkvæmdastjóri
mbl.is.
Hann tekur við starfinu 1. mars
næstkomandi af fráfarandi fram-
kvæmdastjóra, Soffíu Haralds-
dóttur, sem hefur gegnt starfinu sl.
fimm ár. Soffía hverfur nú til starfa
í eigin fyrirtæki, ferðaskrifstofunni
First Class.
Kristinn mun stýra rekstri og
þróun mbl.is. Fréttastjórn mbl.is er
áfram í höndum Sunnu Óskar
Logadóttur.
Kristinn Tryggvi er fjölmiðla-
fræðingur og rekstrarhagfræð-
ingur. Hann lauk BA-prófi í blaða-
mennsku frá Grady College of
Journalism and Mass Comm-
unication í Georgíuháskóla í Banda-
ríkjunum og
MBA-meist-
araprófi frá Rice
University í
Houston í Texas.
Kristinn
Tryggvi hefur
víðtæka reynslu
af því að leiða
vöruþróun og
markaðs-
setningu á hug-
búnaði og net-
þjónustu. Á árunum 2000-2007
starfaði hann hjá Sun Micro-
systems Inc. í Silicon Valley í Kali-
forníu, meðal annars sem markaðs-
og vörustjóri fyrir Java-hugbún-
aðinn, auk þess sem hann leiddi
vöruþróun og markaðssetningu á
Sun Cloud, einu fyrsta almenna
tölvuskýi sem sett var á markað í
heiminum.
Áður starfaði hann við markaðs-
mál hjá Compaq Computer Cor-
poration í Houston í Texas. Hann
var markaðsstjóri Dohop-
flugleitarvélarinnar 2007-8 og yf-
irmaður sölumála og vöruþróunar
Kaupthing Edge netbankanna í
Evrópu.
Undanfarið hefur Kristinn starf-
að sem stjórnunar- og markaðs-
ráðgjafi og annast rekstur Quant-
Cell Research, hugbúnaðarfyrir-
tækis sem starfar á sviði Big
Data-gagnagreiningar.
Kristinn er í sambúð með dr.
Þórdísi Rúnarsdóttur sálfræðingi
og eiga þau eina dóttur.
Kristinn Tryggvi Þorleifsson
nýr framkvæmdastjóri mbl.is
Kristinn Tryggvi
Þorleifsson
Heitar umræður fóru fram á Alþingi
í gær um það hvaða nefnd skyldi
fjalla um frumvarp um náttúrupass-
ann.
Eftir nokkur mótmæli þingmanna
lagði Ragnheiður Elín Árnadóttir,
iðnaðar- og viðskiptaráðherra, til að
málinu yrði vísað til atvinnuvega-
nefndar eins og til stóð upphaflega.
Lagði hún jafnframt til að umhverf-
is- og samgöngunefnd og efnahags-
og viðskiptanefnd skiluðu inn um-
sögnum um frumvarpið.
Áður hafði Ragnheiður Elín sagt
að færa mætti rök fyrir því að frum-
varpið færi til þriggja nefnda; at-
vinnuveganefndar, umhverfis- og
samgöngunefndar og efnahags- og
viðskiptanefndar. Kvaðst hún ekki
enn hafa ákveðið til hvaða nefndar
málið ætti að fara, en gert var ráð
fyrir að það færi til atvinnuvega-
nefndar.
Jón Gunnarsson, þingmaður Sjálf-
stæðisflokks og formaður atvinnu-
veganefndar, sagði nefndarmenn
hafa gert ráð fyrir að málið færi í at-
vinnuveganefnd og lagði til að sú
yrði niðurstaða málsins.
Katrín Jakobsdóttir, þingmaður
Vinstri grænna, Róbert Marshall,
þingmaður Bjartrar framtíðar, og
Kristján Möller, þingmaður Sam-
fylkingarinnar, voru meðal þeirra
sem gagnrýndu umræðuna.
Össur Skarphéðinsson, þingmað-
ur Samfylkingar, gaf í skyn að ráð-
herrann hefði ekki haft efasemdir
um málið fyrr en samflokksmaður
hennar, Jón Gunnarsson, hefði lýst
yfir andstöðu sinni við frumvarpið.
benedikta@mbl.is
Ráðherra hafði
ekki ákveðið sig
 Deilt um í hvaða nefnd passinn færi
Morgunblaðið/Rósa Braga
Alþingi Frumvarp Ragnheiðar El-
ínar um náttúrupassann er umdeilt.
Guðni Einarsson
gudni@mbl.is
Stefnt er að því að ljúka gerð við-
bragðsáætlunar vegna mögulegra
áhrifa eldgoss í byggð á Austurlandi
fyrir 13. mars nk. Þar verða m.a. við-
brögð við mögulegu öskufalli. Verk-
efnisstjórar frá almannavarnadeild
ríkislögreglustjóra hafa unnið að
verkefninu ásamt heimamönnum.
Íbúafundir vegna gossins í Holu-
hrauni voru haldnir í Grunnskóla
Reyðarfjarðar kl. 17 í gær og í Nes-
skóla í Neskaupstað kl. 20. Fulltrúar
frá Veðurstofu Íslands, Umhverfis-
stofnun, Sóttvarnalækni og Jarðvís-
indastofnun fjölluðu um stöðu goss-
ins og jarðhræringarnar í
Bárðarbungu. Einnig var rætt um
áhrif og viðbrögð við gasmengun,
hugsanlegt öskufall og viðbragðs-
áætlunina.
Páll Björgvin Guðmundsson, bæj-
arstjóri Fjarðabyggðar, sagði að um
40 manns hefðu sótt fundinn á Reyð-
arfirði og svipaður fjöldi í Neskaup-
stað. Fundargestir tóku þátt í um-
ræðum og höfðu margt til málanna
að leggja. Páll Björgvin sagði að
Fjarðabyggð hefði nú þegar gert
ýmsar varúðarráðstafanir vegna
mögulegra áhrifa frá eldgosi.
Leiðbeiningum um öskufall og
rykgrímum hefur verið dreift í skóla.
Þá eru gasgrímur t.d. í sjúkrabílum,
slökkvibílum og fyrir starfsmenn
áhaldahússins. Einnig er unnið að
viðbragðsáætlun til að tryggja ör-
yggi neysluvatns, rafmagns og ann-
ars þess háttar ef kæmi til öskufalls.
„Auðvitað vonum við að þetta gos
fjari bara út. En eins og aðrir lands-
menn þurfum við að eiga við gas-
mengun sem kemur og fer. Það eru
sjálfvirkir gasmælar á Reyðarfirði.
Svo eru handmælar í öllum grunn-
skólum í sveitarfélaginu. Það er lesið
af þeim ef spáð er mengun og nið-
urstaðan sett inn á loftgæði.is,“ sagði
Páll Björgvin.
Ljósmynd/Ómar Ragnarsson
Beint frá Holuhrauni Sjónvarpsliðið frá ABC var með öfluga bíla, sleða, þyrlur og dróna vegna útsendingar í gær.
Ljúka viðbragðs-
áætlun fyrir austan
 Íbúafundir á Reyðarfirði og í Neskaupstað vegna eldgoss
Bandaríska sjónvarpsstöðin
ABC var með beina útsendingu í
gær frá eldgosinu í Holuhrauni.
Útsendingin var hluti af morg-
unþættinum Good Morning Am-
erica og er talið að um fimm
milljónir áhorfenda hafi fylgst
með útsendingunni.
Veðurfréttakonunni Ginger
Zee var mikið niðri fyrir þegar
hún lýsti eldgosinu þar sem hún
stóð kappklædd á Nornahrauni.
Björn Oddsson, jarðeðlisfræð-
ingur við Jarðvísindastofnun HÍ,
var viðmælandi hennar og
fræddi áhorfendur um eldgosið.
Tveimur flygildum, eða drón-
um, með myndavélar var flogið
yfir hraunið og að gígnum þar
sem glóandi eðjan kraumaði.
Drónum flog-
ið yfir gíginn
BEIN ÚTSENDING ABC
„Þetta var ágætistúr. Við byrjuðum
hérna austarlega og enduðum svo á
Skagagrunninu. Það var talsvert
magn af loðnu að sjá þar í gær
[fyrradag]. Mesta sem ég hef séð á
þessari vertíð,“ sagði Daði Þor-
steinsson, skipstjóri á Aðalsteini
Jónssyni SU, þegar rætt var við
hann seint í gærkvöldi. Þá voru þeir
að koma til heimahafnar á Eskifirði
með fullfermi. Daði sagði að þeir
hefðu fengið eitt 700 tonna kast í
nótina og fleiri hefðu fengið góð köst
þarna fyrir norðan.
Jón Kjartansson SU-111 var rétt á
eftir Aðalsteini Jónssyni SU á leið til
Eskifjarðar með loðnu. Daði sagði að
þeir myndu ekki landa fyrr en í dag.
Svo margir norskir bátar höfðu land-
að á Eskifirði undanfarið að þar var
komin löndunarbið, rétt eins og í
gamla daga.
Í gærkvöldi var stór floti norskra
og íslenskra loðnuskipa, sem ýmist
veiða í nót eða troll, austur af Seyð-
isfjarðardýpi um 80-90 sjómílur
austur af landinu. Loðnan var dreifð
en einhverjir voru farnir að kasta og
aðrir voru að toga. gudni@mbl.is
Löndunarbið á
Eskifirði í gær
 Mikið var af loðnu á Skagagrunni
Ljósmynd/Þorgeir Baldursson
Aflaskip Aðalsteinn Jónsson SU.
Skannaðu kóðann
til að sjá mynd-
skeið á mbl.is