Morgunblaðið - 04.02.2015, Blaðsíða 27

voru 59. Þessar tölur segja mikla
sögu, sögu af fólki sem á hvergi höfði
sínu að halla.
Hlutverk kirkjunnar
Við undirrituð viðurkennum þá
staðreynd að Þjóðkirkjan hefur ekki
sinnt flóttafólki nægilega hingað til,
en hún vill gera betur. Við viljum
gjarnan þjóna flóttafólki meira en
verið hefur, en ætlun okkar er alls
ekki að vera í samkeppni við aðra að-
ila, heldur taka þátt í því að gera gott
í samvinnu við þau sem nú þegar
vinna að málefnum flóttafólks. Það
viljum við gera með því að veita
flóttafólki þjónustu bæði á kirkju-
legum grundvelli og mannúðlegum
grundvelli.
Meðal flóttafólks er margt kristið
fólk, sem hefur áhuga á að vinna á
kirkjulegum vettvangi, og því er mik-
ilvægt að kirkjan veiti því andlegan
stuðning, svo og praktíska aðstoð. En
á sama tíma gerum við okkur fulla
grein fyrir því að fólk sem ekki er
kristið er jafn mikilvægt í kirkjunni.
Því mun kirkjan standa fyrir sam-
verustundum í ákveðnum söfnuðum á
höfuðborgarsvæðinu fyrir allt flótta-
fólk óháð trúarlegum bakgrunni.
Þátttaka fólks í söfnuðum er mik-
ilvæg og raunar skiptir hún miklu
máli. Samskipti milli kirkjufólks og
flóttafólks eiga ekki að vera ein-
stefna, heldur gagnkvæm þar sem
báðir hópar njóta samfélags hvor við
annan. Fólk í kirkjunni getur lært
mikið af því að kynnast flóttafólki og
lífsreynslu þess. Og um leið munum
við staðfesta þann mikilvæga sann-
leika: að við erum öll sömu jarð-
arbúar þó að við séum ólík á ýmsan
jarðneskan hátt. Og við erum „við“ í
djúpum tilvistarlegum atriðum, en
ekki „við“ og „þeir“. Það er mikilvægt
hlutverk kirkjunnar að viðhalda þess-
um sannleika í hvíventa í þjóðfélagi
okkar.
Höfundar eru vígslubiskup á Hólum
og prestur innflytjenda.
UMRÆÐAN 27
MORGUNBLAÐIÐ MIÐVIKUDAGUR 4. FEBRÚAR 2015
BRIDS
Umsjón Arnór G.
Ragnarsson| brids@mbl.is
Sextíu spilarar hjá eldri
borgurum í Reykjavík
Mánudaginn 2. febrúar var spilaður
tvímenningur á 15 borðum hjá brids-
deild Félags eldri borgara í Reykjavík
Efstu pör í N/S
Guðjón Eyjólfss. - Sigurður Tómass. 371
Bjarni Þórarinss. – Oddur Halldórss. 369
Örn Isebarn – Auðunn R. Guðmss. 338
A/V
Albert Þorsteinss. – Bragi Björnsson 412
Björn E. Péturss. – Valdimar Ásmundss. 377
Bjarni Guðnason – Guðm. K. Steinbach 359
Spilað er í Síðumúla 37.
Gullsmárinn
Spilað var á 13 borðum í Gullsmára
mánudaginn 26. janúar.
Úrslit í N/S:
Viðar Valdimarsson - Óskar Ólason 308
Guðlaugur Nielsen - Pétur Antonss. 307
Jón Bjarnar - Katarínus Jónsson 296
A/V:
Gunnar Alexanderss. - Elís Helgason 311
Sigurður Njálsson - Pétur Jónsson 310
Guðbj. Gíslad. - Sigurður Sigurðss. 293
Spilað milli djúpra lægða um
Súgfirðingaskálina
Fjórða lota í keppni um Súgfirð-
ingaskálina var spiluð milli djúpra
lægða í byrjun þorra. Fimmtán pör
mættu til leiks. Sveinbjörn Jónsson og
Sigurður Ólafsson tóku risaskor, það
hæsta sem náðst hefur í keppninni.
Úrslit kvöldsins urðu eftirfarandi en
meðalskor er 156 stig.
Sveinbjörn Jónsson - Sigurður Ólafss. 208
Karl Bjarnason - Ólafur Ólafsson 179
Finnbogi Finnbogas. - Magnús Jónss. 167
Rafn Haraldsson - Jón Sveinsson 159
Kristján Pálss. - Ólafur Karvel Pálss. 159
Flemming Jessen - Kristján Björnss. 159
Eðvarð Sturluson - Mortan Hólm 159
Heildarstaðan, meðalskor 624 stig.
Hafliði Baldurss. - Árni Guðbjörnsson 696
Kristján Pálsson - Ólafur Karvel Pálsson 686
Flemming Jessen - Kristján H. Björnss. 670
Rafn Haraldss. - Jón Sveinsson 661
Karl Bjarnason - Ólafur Ólafsson 658
Sturla G. Eðvarðss. - Björn Guðbjss. 647
Næsta lota, sú fimmta verður spiluð
í byrjun góu, mánudaginn 23. febrúar.
Náttúrupassi er
skattur. Skattur sem
rennur til ríkisins
eins og hver annar
skattur, en síðan er
úthlutað peningum úr
ríkissjóði, hærri eða
lægri upphæð til
ferðamannastaða,
samkvæmt ákvörðun
stjórnvalda hverju
sinni. Þannig er allur
skattur, hvort sem
hann heitir gúmmígjald, sætagjald,
bensíngjald eða náttúrupassi.
Ríkið hefur meiri tekjur af ferða-
mönnum á Íslandi en
nokkur annar aðili. Af
öllum kostnaði við hót-
elbyggingar, stíga-
gerðir, almenningssal-
erni, rútuferðir,
leigubílakostnað, öl-
drykkju eða hverju því
sem hinir hug-
myndaríkustu á skatt-
stofunni fá inn í sinn
hnetukjarna komið,
fær ríkið skatt, í formi
virðisauka, útvarps-
gjalds, eða hvað þetta
nú heitir allt saman svo þúsundum
milljóna skiptir. Það er því ábyrgð-
arhlutur að ljúga því að fólki að
einhver náttúrupassi, sem útlendir
og innlendir eiga að borga, eða
borga fyrir að hafa ekki borgað, sé
eitthvað sem ætlað sé til náttúru-
verndar.
Ef ríkið ætlar að hafa áfram
tekjur af ferðamönnum, þá á það að
leggja fé til rekstursins, það er, að
efla ferðamannastaði (þeir eru víst
ekki svo fáir, sem ríkið hefur svælt
út úr landsmönnum með ofbeldi,
með svokölluðum þjóðlend-
ureglum), og fá af því enn meiri
hagnað. Það á að vera í sátt við
fólkið í landinu, en ekki í stríði við
það. Það á að gefa þeim sem fyrir
ferðamenn starfa frið til að vinna
sína vinnu svo hver uni glaður við
sitt.
Ef ríkið hefur ekki efni á að
leggja örlítinn hluta þeirra tekna
sem það hefur af ferðaþjónustunni
til reksturs og tekjuauka, þá er það
hreinlega gjaldþrota og ber að
meðhöndlast sem slíkt.
Náttúrupassinn
Eftir Kristján Hall
Kristján Hall
» Þannig er allur
skattur, hvort sem
hann heitir gúmmígjald,
sætagjald, bensíngjald
eða náttúrupassi.
Höfundur er eftirlaunaþegi.
Rafmagnað
samband við
áskrifendur
Þann 20. febrúar kemst
einn heppinn áskrifandi
Morgunblaðsins í samband
við Volkswagen e-Golf.
Vinnur þú straumabílinn?