Morgunblaðið - 04.03.2015, Blaðsíða 33

MENNING 33
MORGUNBLAÐIÐ MIÐVIKUDAGUR 4. MARS 2015
Spennusögur verða ekki að-eins til í hugarfylgsni höf-unda heldur virðast þær oftendurspegla mannlífið, þar
sem þær gerast. Þar sem er spenna,
þar er saga.
Spennusagan Alex eftir franska
verðlaunahöfundinn Pierre Le-
maitre er frásögn um viðbjóðslega
glæpi og skipulagða hefnd, baráttu
upp á líf og dauða, eðli manna og
dýra. Í öllum soranum glittir síðan í
mannlega þætti, ást, söknuð og grát.
Sagan gerist að mestu í París og
skiptist í þrjá hluta. Alex er þunga-
miðjan í þeim öllum, en með mis-
jöfnum hætti. Ofbeldið skín í gegn
frá byrjun allt til loka, hryllingurinn
og tvöfeldnin.
Þrátt fyrir allar pyntingarnar og
óhugnaðinn eru
helstu persónur
nokkuð skemmti-
legar. Þar fer
fremstur í flokki
lögregluforinginn
Camille, þver-
haus, sem gefst
aldrei upp. Per-
sónulýsingin
tekst sérlega vel og maðurinn minn-
ir í mörgu á Hercule Poirot, hinn
eina og sanna sérfræðing Agatha
Christie, en Camille er þó heldur
skapmeiri. Lýsingar á öðrum lög-
reglumönnum eru einnig góðar og
Alex sýnir á sér margar hliðar, mis-
skemmtilegar. Hún upplifir ham-
ingju í óhamingjunni og er ekki öll
þar sem hún er séð.
Þetta er slungin saga, þar sem
höfundur fléttar atburðarásinni vel
saman við einkalíf helstu persóna.
Efnið er grafalvarlegt en húmorinn
er aldrei langt undan. Umfjöllunar-
efnið er kunnuglegt, en nálgunin er
samt öðruvísi en gengur og gerist,
kannski frönsk, kannski lemaitreísk.
Hvað sem því líður er gaman og
skemmtileg tilbreyting að fá fransk-
an ilm inn í annars fjölbreyttan
spennusagnaheim.
AFP
Slungin „Þetta er slungin saga, þar sem höfundur fléttar atburðarásinni vel
saman við einkalíf helstu persóna,“ segir m.a. um bók Pierre Lemaitre.
Hefndin lætur
ekki að sér hæða
Spennusaga
Alex bbbbn
Eftir Pierre Lemaitre. Friðrik Rafnsson
íslenskaði. Kilja. 375 bls. JPV-útgáfa
2014.
STEINÞÓR
GUÐBJARTSSON
BÆKUR
Bandaríska hipphopp-sveitin
Public Enemy mun koma fram á
tónlistarhátíðinni All Tomorrow’s
Parties á Ásbrú í sumar og níu
aðrar hljómsveitir og tónlistar-
menn hafa bæst við dagskrána:
Swans, Lightning Bolt, Bardo
Pond, Grísalappalísa, Valdimar,
Stafrænn Hákon, Oyama, Mr. Silla
og Kippi Kaninus. Af öðrum merk-
um sveitum og tónlistarmönnum
sem fyrir voru á lista flytjenda má
nefna Iggy Pop, Drive Like Jehu,
Belle and Sebastian og Godspeed
You! Black Emperor.
Public Enemy var stofnuð í New
York árið 1982, öðlaðist skjótt
frægð og vinsældir fyrir pólitískt
og ádeiluhlaðið rapp og þykir með
merkustu hipphopp-sveitum tón-
listarsögunnar.
Swans hefur verið beðið af mik-
illi eftirvæntingu af æstum aðdá-
endum sveitarinnar hér á landi,
eins og segir í tilkynningu, en hún
þurfti að aflýsa tónleikum sínum á
ATP í fyrra.
ATP fer fram 2.-4. júlí og er
miðasala hafin. Hátíðin í ár verður
sú þriðja í röðinni. Frekari upplýs-
ingar um ATP má finna á atpfesti-
val.com/events/atpiceland2015.
Sögufræg Public Enemy heldur sína fyrstu tónleika á Íslandi í sumar.
Public Enemy heldur
tónleika á Ásbrú
Á sjöunda þúsund manns sóttu
Stockfish - evrópska kvikmynda-
hátíð í Reykjavík, sem lauk 1.
mars. Í tilkynningu frá skipuleggj-
endum segir að hátíðin, sem kennd
er við skreið, hafi heppnast afar vel
og gestum þakkaðar frábærar við-
tökur. Bíó Paradís hafi iðað af lífi
þá tíu daga sem hátíðin stóð yfir.
Fjöldi erlendra gesta sótti hátíð-
ina og þá bæði fólk úr kvikmynda-
geiranum; leikstjórar, framleið-
endur og leikarar m.a. og erlendir
blaðamenn. Má þar nefna Sverri
Guðnason leikara, leikstjórana Jens
Östberg og Rachid Bouchareb og
leikkonuna Brendu Blethyn.
FOXES hlaut Sprettfiskinn
Sigurður Sverrir Pálsson kvik-
myndatökumaður var heiðraður á
hátíðinni og verðlaun voru veitt í
stuttmyndakeppni hátíðarinnar,
Sprettfiski. Þau hlaut stuttmyndin
FOXES sem framleidd er af Evu
Sigurðardóttur og Askja Films og
leikstýrt af Mikel Gurrea. Myndin
fjallar um ungan fasteignasala í
Lundúnum sem þarf að sjá um tíu
ára son á meðan hann er að reyna
að ljúka stórri sölu, eins og segir í
tilkynningu. Samskipti feðganna
eru stirð og auk þess eltir þá dul-
arfullur refur. „Næmni höfundar
fyrir persónusköpun er áþreifanleg,
um leið og leikstjórn er sannfær-
andi og örugg. Í einfaldri sögu er
dregin upp mynd af raunveruleika
sem ófáir munu kannast við,“ segir
í umsögn dómnefndar um myndina.
Fjórar kvikmyndir sem voru á
dagskrá Stockfish verða sýndar
áfram í Bíó Paradís en þær eru
argentínska kvikmyndin Relatos
salvajes, What We Do in the Sha-
dows sem hlaut áhorfendaverðlaun
hátíðarinnar, The Trip to Italy og
Flugparken. Sverrir Guðnason fer
með aðalhlutverkið í þeirri síðast-
nefndu.
Vel heppnuð Skreiðarhátíð
Heiðraður Sigurður Sverrir Páls-
son kvikmyndatökumaður var
heiðraður á Stockfish.
Besta leikkona í
aðalhlutverki
www.laugarasbio.is
Sími: 553-2075
SÝNINGARTÍMA MÁ NÁLGAST Á
LAUGARASBIO.IS, MIDI.IS OG
EINNIG Á SÍÐUNNI HÉR VIÐ HLIÐINA Á
- bara lúxus
ÖRYGGISVÖRUR
VERKTAKANS
KÍKTU Í KEMI OG SKOÐAÐU ÚRVALIÐ!
– Þekking og þjónusta í 20 ár
Kemi • Tunguhálsi 10 • 110 Reykjavík
www.kemi.is • Sími: 415 4000
Opið: Mánudag - fimmtudags: Frá kl. 8.00-17.30.
Föstudaga: Frá kl. 8.00-17.00.