Morgunblaðið - 18.03.2015, Blaðsíða 25

UMRÆÐAN 25
MORGUNBLAÐIÐ MIÐVIKUDAGUR 18. MARS 2015
„Þingræði þýðir það
einfaldlega að sá
meirihluti sem situr á
þinginu ræður hverjir
verða ráðherrar.“
Þetta sagði formaður
fjárlaganefndar, Vig-
dís Hauksdóttir, orð-
rétt í Kastljósþætti að
kvöldi mánudagsins
16. mars. Ég trúði því
ekki að hún hefði lýst
þingræði svona fyrr en
hún hafði sagt mér það þrem sinnum
í upptöku á Kastljósþættinum, sem
ég sótti í sarp RÚV. Hér lýsir for-
maður fjárlaganefndar skoðun sinni
á hvað þingræði er. Formaður
nefndar, sem á 27 ára ferli mínum
sem þingmaður – þar af í fjögur ár
sem formaður fjárlaganefndar – hef-
ur aldrei í eitt einasta skipti öll þessi
27 ár tekið við tillögum
frá ráðherrum ríkis-
stjórnar án þess að
breyta þeim tillögum –
stundum mjög mikið,
stundum minna. Þing-
maðurinn telur sig með
réttu eiga að vera einn
af helstu oddvitum
fjárveitingavaldsins,
eins og það er skilgreint
í þingræðisríki. Svo
segir hún núna að sam-
kvæmt sínum skilningi
sé hlutverk þingræðis
það eitt, að meirihluti
Alþingis ráði hverjir verði ráð-
herrar. Síðan ráði þeir.
Hjálpið okkur hinum!
Vigdís Hauksdóttir hefur getið
sér orð fyrir framgöngu og orðaval á
Alþingi Íslendinga jafnt sem utan
þess. Svona er talað ef munnurinn
talar hratt en hugsunin talar hægt.
Góðviljaðir menn í Framsóknar-
flokknum – en þeir eru margir –
ættu að reyna að veita svolitla að-
stoð. Ekki bara vegna þingmannsins
heldur miklu frekar vegna okkar
hinna sem þurfum að hlusta á svona
lagað. Annaðhvort þarf að þjálfa
þingmanninn í að láta hugsunina
tala hraðar – eða láta munninn tala
hægar. Nema góðviljaðir framsókn-
armenn telji að það sé vonlaust. Þá
verðum við hin bara að þola þetta.
Enginn getur þá neitt við því gert.
Þá er það bara svona!
Eftir Sighvat
Björgvinsson » Þingmaðurinn telur
sig með réttu eiga að
vera einn af helstu odd-
vitum fjárveitinga-
valdsins.
Höfundur er fyrrv. alþingismaður og
ráðherra.
Sighvatur
Björgvinsson
Þegar hugsunin talar hægt –
en munnurinn talar hratt
Bæjarstjórn Garða-
bæjar hefur boðað til
íbúafundar í dag um
byggingu fjölnota
knatthúss í bænum.
Mikil umræða hefur
verið um málið að und-
anförnu innan bæj-
arins og hefur sitt
sýnst hverjum um fyr-
irhugað hús og stað-
setningu þess. Um-
ræðan er ekki ný af
nálinni og hafa hugmyndir um bygg-
ingu fjölnota knatthúss verið ítrekað
til umræðu frá því fyrir aldamót.
Frá því í mars 2013 hefur knatt-
spyrnudeild Stjörnunnar unnið að
því að meta kostnað og staðsetningu
slíks mannvirkis og hefur komist að
þeirri niðurstöðu að húsinu yrði best
komið fyrir á núverandi æfinga-
svæði félagsins við Ásgarð, auk þess
sem knattspyrnudeild og aðalstjórn
hafa ítrekað ályktað að knatthús
skuli byggja á Ásgarðssvæðinu. Ný-
leg skoðanakönnun sýnir að um 61%
íbúa kýs Ásgarð en liðlega 13%
Vetrarmýri sem heppilega staðsetn-
ingu hússins.
Bæjarstjórn skipaði starfshóp til
að fjalla um málið og réð arkitekta
til að meta kosti og galla mögulegra
staðsetninga hússins í Garðabæ.
Niðurstaða vinnu arkitektanna birt-
ist nýlega á vef Garðabæjar og er
heppilegasta staðsetning mannvirk-
isins talin vera í Vetrarmýri, vestan
við golfvöll GKG.
Hvaða hagsmunir ráða?
Því ber að fagna að bæjarstjórn
hafi loks tekið málið föstum tökum
og hafið undirbúning að byggingu
fjölnota knatthúss. Þó er það svo að
miðað við samskipti undirritaðs við
bæjaryfirvöld og niðurstöðu fyrr-
nefndrar skýrslu, telur undirritaður
að allt líti út fyrir að niðurstaða bæj-
arstjórnar verði sú að húsið byggist í
Vetrarmýri. Fari svo, er ekki hægt
annað en að spyrja þeirrar spurn-
ingar hvort sjónarmið Stjörnunnar
og foreldra barna og unglinga sem
stunda knattspyrnu hjá Stjörnunni
vegi ekki þyngst við slíka ákvörðun?
Þegar fyrir liggur afstaða Stjörn-
unnar og íbúa hlýtur bæjarstjórn að
leggja málið upp sem svo: Mann-
virkið rís í Ásgarði, nema gegn því
mæli svo sterk rök að frágangssök
teljist.
Það viðurkennist að allar þær
staðsetningar sem nefndar hafa ver-
ið í umræðunni hafa sína kosti og
galla. Staðsetning á Ásgarðssvæði
hefur áhrif á útivistarsvæði barna í
Flataskóla, sem og óveruleg áhrif á
útsýni íbúa á Stekkjarflöt yfir
íþróttasvæði Stjörnunnar. Með því
að grafa mannvirkið niður um 2-3
metra og með réttri staðsetningu
hússins á svæðinu mun slíkt óhag-
ræði minnka verulega. Slíkt hús nýt-
ist skólastarfi einnig vel. Staðsetn-
ing hússins í Vetrarmýri hefur hins
vegar aðra og veigameiri ókosti að
mati undirritaðs.
Hvar er miðja Garðabæjar?
Undirritaður telur reyndar að ef
húsið byggist í Vetrarmýri muni það
hafa veruleg áhrif til hins verra fyrir
Ásgarðssvæðið sem heild, enda fær-
ist miðja knattspyrnuiðkunar
Stjörnunnar þá yfir í Vetrarmýri yf-
ir vetrartímann og Garðabær missir
enn einu sinni af því að geta byggt
miðlægan kjarna í bænum. Hvað
segja forsvarsmenn þeirra þjónustu-
fyrirtækja sem eru og verða með
starfsemi á og í kringum nýtt Garða-
torg við slíkum hugmyndum? Þá má
einnig spyrja: hvers vegna myndi
bæjarstjórn Garðabæjar kjósa að
byggja slíkt mannvirki á gríðarlega
verðmætri lóð þar sem verið er að
undirbúa blandaða byggð, þegar
íþróttafélag bæjarins hefur óskað
eftir því að húsið byggist á lóð sem
þegar er nýtt undir íþrótta-
starfsemi?
Þá má einnig nefna að sérfræð-
ingar í umferðarmálum hafa bent á
að miðað við land-
fræðilega dreifingu for-
eldra barna og unglinga
sem stunda knatt-
spyrnu hjá Stjörnunni,
muni bygging hússins í
Vetrarmýri auka veru-
lega umferð um Garða-
bæ, sem gengur þvert
gegn ríkjandi sjón-
armiðum. Og hvar eru
nú sjónarmiðin um að
gera eigi börnum og
unglingum auðveldara
að ganga eða hjóla á æf-
ingar, sem aftur dregur úr keyrslu
foreldra og þar með bílaumferð al-
mennt?
Þau rök sem nefnd hafa verið um
að bygging slíks húss á Ásgarðs-
svæði auki umferð um svæðið með
þeim hætti að núverandi gatnagerð
þoli hana ekki, eru misskilningur að
mati undirritaðs. Umferð vegna
barna- og unglinga sem sækja æf-
ingar í slíku knatthúsi byrjar ekki að
neinu marki fyrr en skólastarfi á
svæðinu lýkur hvern dag. Einhverjir
hafa nefnt að bílastæðavandamál
komi í veg fyrir byggingu hússins á
Ásgarðssvæðinu. Vissulega er hörg-
ull á bílastæðum í kringum skóla á
Ásgarðssvæði og í kringum æfinga-
svæði Stjörnunnar þegar knattleikir
eiga sér stað. Bygging slíks húss býr
hins vegar ekki til skort á bílastæð-
um heldur mun þeim fjölga. Þá er
hægt með einföldum hætti að byggja
ný bílastæði vestan Garðaskóla og
bílastæðum mun einnig fjölga við
Flataskóla gangi hugmyndir Stjörn-
unnar fram.
Hagsmunir heildar
Á Ásgarðssvæði er miðja íþrótta-
iðkunar Garðabæjar. Þar er félags-
heimili Stjörnunnar, sundlaug bæj-
arins, aðstaða blakíþróttarinnar,
körfuknattleiksaðstaða, fimleika-
aðstaða o.fl. Samlegðaráhrif alls
þessa eru mjög mikilvæg og ákvörð-
un um að staðsetja húsið í jaðri
byggðarinnar með það fyrir augum
að það þjóni betur framtíðarbyggð
en ekki byggð dagsins í dag, getur
að mati undirritaðs reynst afar af-
drifarík. Þar verða hagsmunir heild-
arinnar að ráða en sérhagsmunir að
víkja.
Eftir Baldvin Björn
Haraldsson
Baldvin Björn
Haraldsson
»Hlýtur bæjarstjórn
að leggja málið upp
sem svo: Mannvirkið rís
í Ásgarði, nema gegn
því mæli svo sterk rök
að frágangssök teljist.
Höfundur er íbúi í Garðabæ og
stuðningsmaður Stjörnunnar.
Knatthús í Garðabæ
Ökufærni er lykilatriðið
þegar ungmenni hefja akstur.
Hvar fær ungmennið þitt kennslu?
Hluti námsins fer fram í fullkomnum ökuhermi
Áhersla lögð á færni nemenda og öryggi þeirra í umferðinni
Allt kennsluefni innifalið
Ökukennsla www.bilprof.is
Upplýsingar og innritun í síma 567 0300 • Opið 10-17 alla daga.
Hringdu
núna
og bóka
ðu
ökuskól
ann
ÖKUSKÓLINN Í MJÓDD
– yfir 40 ár í fagmennsku.
Þekking og reynsla í fyrrirúmi
56 10 000
TAXI
BSR
Góð þjónusta
yfir 90 ár