Húnavaka - 01.05.1980, Blaðsíða 27

HÚNAVAKA
25
Það er af sonum Ingimundar að segja að þegar þeir koma heim um
kveldið finna þeir Ingimund dauðan í öndvegi sínu. Leituðu þeir
bræður síðan föðurhefnda, eltu Hrolleif allt norður í Skagafjörð, en
náðu honum eigi í þeirri ferð. Nokkru síðar fengu þeir vegið hann
heima í Ási.
Ádráttur
Ekki er vitað með vissu á hvern hátt veiðar hafa verið stundaðar í
Vatnsdalsá frá landnámsöld og fram á þessa öld. Líkur er þó hægt að
leiða að því að veitt hafi verið með netum af einhverri gerð, en engar
tölur eru til um aflabrögð.
Vitað er að veitt var á stöng í Vatnsdalsá árið 1913 eða 1914. Þar var
að verki enskur maður Mr. Fortesque, sem síðar tók alla stangaveiði í
ánni á leigu.
Ádráttur var áður fyrr stundaður í Vatnsdalsá. T.d. var ádráttur
stundaður frá Sveinsstöðum og Hnausum. Oft var samvinna milli
bæjanna um verkið. Var þá farið með netið fram undir Hnausastreng
og lagt þar yfir ána. Síðan var dregið niður ána og eftir að Hnausabrú
var reist var jafnan bugað upp sunnan við brúna.
Það var fremur þungt að draga netið, enda leir mikill í botni
árinnar. Að jafnaði voru tveir menn hvoru megin og a.m.k. einn var á
bát út á ánni til þess að losa netið, ef það festist.
Þegar bugað var að mátti gæta þess vel að hvergi kæmi smuga, enda
var laxinn þá fljótur að synda burt. Jafnan fóru menn út með netinu
til þess að halda því uppi þegar dregið var að landi. Bjarni Jónasson á
Eyjólfsstöðum bjó eitt sinn í Skólahúsinu. Var hann þá oft við ádrátt
með Sveinsstaðamönnum upp á hlut. Eitt sinn þegar hann hélt netinu
uppi tók stór lax sig upp úr þvögunni og stökk. Bjarni vildi síður láta
laxinn sleppa og greip því til hans og náði honum í fang sér, en svo var
kraftur mikill á laxinum að Bjarni féll við það aftur yfir sig. Ekki
sleppti hann þó taki sínu á laxinum og sat með hann í fanginu og flaut
vatnið upp að höku. Sammála voru allir um að þennan lax fengi
Bjarni af óskiptu.
Víða annars staðar var einnig dregið á í ánni. Um aflabrögð er ekki
mikið unnt að segja, enda fáar skýrslur til frá þeim tíma.
Þá var einnig nokkuð algengt að verið væri með lagnet í ánni.
L