Ægir - 01.04.2014, Page 25

25
„Verum vinir en göngum ekki í
hjónaband!“ sagði Kolbeinn
Árnason, framkvæmdastjóri
Lands sambands íslenskra út­
vegsmanna – LÍÚ, við Henrik
Bendixen, sérfræðing hjá
sendinefnd Evrópusambands­
ins í Reykjavík, á opnum fundi
um Ísland og sjávarútvegs­
stefnu ESB í Víkinni, sjó­
minjasafni í Reykjavík, 22. maí
síðastliðinn. Þeir voru þar
frummælendur ásamt Gunnari
Haraldssyni, forstöðumanni
Hagfræðistofnunar HÍ og
Bjarna Má Magnússyni, lektor í
Háskólanum í Reykjavík. Þóra
Arnórsdóttir fjölmiðlamaður
stýrði samkomunni sem var
fjölsótt.
Fjárfestum haldið frá dönskum
útvegi með „lagatrixi“
Bjarni Már og Gunnar skrifuðu
hvor sinn kafla um sjávarút-
vegsmál í Evrópuskýrslurnar
tvær sem gefnar voru út með
skömmu millibili síðastliðinn
vetur. Innlegg frummælend-
anna fjögurra voru því að
mestu leyti fyrirsjáanleg og svör
þeirra við fyrirspurnum
sömuleiðis í samræmi við stöðu
og aðkomu hvers og eins að
málefni dagsins. Gunnar átti
upptökin að hjónabandssamlík-
ingunni þegar hann lét þau orð
falla að Íslendingar væru alltof
uppteknir af mögulegum
undanþágum í umræðum um
ESB og aðildarsamning. Ekki
væri gott vegarnesti við bónorð
að segja við væntanlegan
maka: „Ég skal giftast þér ef
þessum og hinum skilyrðunum
er fullnægt!“
Bjarni Már og Gunnar sögðu
að vissulega yrðu Íslendingar
að beygja sig undir sameigin-
lega sjávarútvegsstefnu ESB ef
til aðildar kæmi en sá fyrrnefndi
nefndi að til dæmis Danir beittu
ákveðnu „lagatrixi“ til að halda
útlendingum frá fjárfestingum í
sjávarútvegi sínum. Erlendir
fjárfestar ættu því erfitt með að
kaupa sig inn í dönsk sjávarút-
vegsfyrirtæki.
Ólíku saman að jafna
Kolbeinn sagði að íslenskur
sjávarútvegur væri í grund-
vallaratriðum önnur og gjörólík
stærð í samfélaginu og hagkerf-
inu en sjávarútvegur ESB-ríkja.
Hér væru sjávarútvegsfyrirtæk-
in burðarásar og atvinnugreinin
stöndug og sterk en í ESB nyti
sjávarútvegur opinbers stuðn-
ings til að geta þrifist. Hann
sagði efnislega að íslenska fisk-
veiðistjórnarkerfið og hinn
markaðsdrifni sjávarútvegur
ættu ekki samleið með ESB og
tók sem dæmi að hér tæki það
stjórnvöld fáeina daga að
ákveða aflamark einstakra fisk-
tegunda á grundvelli vísinda-
legrar ráðgjafar. Hliðstætt ferli
tæki marga mánuði innan ESB
með pólitísku möndli.
Henrik Bendixen kvaðst ekki
sjá nein sérstök vandamál fyrir
íslenskan sjávarútveg í tengsl-
um við hugsanlega aðild að ESB
og spurði hvað væri til dæmis
að því að útlendingar ættu
meirihluta í fiskiðjuveri á Íslandi
með tilheyrandi störfum og
starfsemi. Hann sagðist heldur
ekki skilja þau sjónarmið í um-
ræðunni hérlendis að ESB-aðild
myndi stuðla að ofveiði fiski-
stofna við Ísland. ESB myndi
aldrei knýja Íslendinga til að
heimila veiðar umfram það sem
þeir sjálfir vildu ákveða á eigin
miðum.
Mikill áhugi var á málefninu en fyrir fundinum stóð Evrópustofa.
Vinir, já – hjónaband, nei
S
já
v
a
rú
tv
eg
u
r og
E
S
B