Húnavaka - 01.05.1988, Blaðsíða 227

HUNAVAKA
225
Kristín Indriðadóttir, Jaðri Skagaströnd, lést 25. október. Hún var
fædd 16. júlí 1906 að Breiðabólstað í Þingi. Foreldrar hennar voru
hjónin Margrét Friðriksdóttir og Indriði Jósepsson sem lengst af
bjuggu á Blönduósi. Kristín var næst elst sex
systkina. Hún ólst upp á heimili foreldra
sinna á Blönduósi en dvaldi einnig mikið á
Breiðabólstað hjá Ingibjörgu Jóhannsdóttur
frænku sinni og manni hennar Helga Jóns-
syni. Ung að árum fór Kristín að vinna fyrir
sér sem kaupakona í sveit og við heimilisstörf
á Blönduósi.
Þann 15. maí 1930 giftist Kristin Haraldi
Jónssyni sem fæddur var að Gilsstöðum í
Vatnsdal. Heimili þeirra stóð fyrst á
Hvammstanga, síðan á Drangsnesi í
Strandasýslu en þaðan lá leiðin til Skagastrandar með stuttri viðdvöl á
Blönduósi. Á Skagaströnd átti Kristín heima á fimmta áratug. Árið
1947 fékk Haraldur lömunarveikina og varð að mestu óvinnufær.
Kristin varð því, auk þess að hugsa um heimilið, að vinna fyrir fjöl-
skyldunni. Haraldur fór til Akureyrar, er hann hafði verið nokkur ár
óvinnufær og fékk þar starf við sitt hæfi. Þau Kristín og Haraldur slitu
samvistum þegar hann hafði verið á Akureyri um skeið. Þau eignuðust
fjögur börn sem öll eru á lífi. Þau eru: Bragi Arnar, Sunnuhlið
Vatnsdal. Maki hans er Indíana Sigfúsdóttir. Helga, búsett í Borgar-
nesi. Hennar maki var Guðlaugur Guðmannsson sem er látinn. Mar-
grét, býr á Skagaströnd. Maki hennar er Sigurður Björnsson. Isleifur, á
heima í Grindavík, hann er kvæntur Pálínu Ólafsdóttur.
Kristín vann lengst af í fiskvinnu eftir að hún flutti til Skaga-
strandar. Hún þótti dugleg til vinnu og ósérhlífin. Hún var mikil
tilfinningamanneskja en gat verið nokkuð hrjúf á yfirborðinu eins og
þeir eru oft sem hafa ríkar tilfinningar. Hún var vinur vina sinna og
fljót til hjálpar ef einhver átti erfitt. Hún var hreinskiptin og enginn
veifiskati í skoðunum.
Kristín dvaldi um tveggja ára skeið í Hnitbjörgum, íbúðum aldr-
aðra á Blönduósi en hún festi ekki yndi á Blönduósi og flutti aftur til
Skagastrandar. Síðustu æviárin voru henni um margt erfið, heilsuleysi
hrjáði hana og heyrnarleysi bagaði hana.
Útför Kristínar var gerð frá Hólaneskirkju 31. október.
Sr. Ægir Fr. Sigurgeirsson.
15