Húnavaka - 01.05.1990, Page 20

18
HÚNAVAKA
fá fólk. Við gáfumst upp á því að hafa blandaðan búskap og fbrguð-
um kúnum 1964. Ég breytti þá fjósinu í lambhús. Einmitt um þetta
leyti kom Halldór Laxness fram með nafnið smjörfjall í grein sem
hann skrifaði. Þá var svo mikil mjólkurframleiðsla og það var einmitt
þetta ár sem smjörfjallið fór að myndast. Þetta orð hefur verið mikið
notað síðan.
Fjárbúskapur og vetrarrúningur
LíkaðiþérJjárbúskaþurinn vel?
Hann var miklu léttari og okkur fannst það skemmtilegri vinna
og þá var þokkalegt verð á dilkakjöti. A þessum árum var dilkakjöt
ílutt út og komst í að 80% af verðinu fckkst við útflutninginn svo
að útflutningsuppbætur urðu aðeins 20%. Á þessum árum var við-
reisnarstjórnin og Ingólfur Jónsson landbúnaðarráðherra og hann
hvatti mjög til aukinnar framleiðslu og stækkunar búa. Hann þekkti
grösugar sveitir sunnanlands og hafði trú á að búskapur gæti eflst
með aukinni framleiðslu en það fór á annan veg og síðan hefur sigið
á ógæfuhliðina með útflutning á kjöti eins og allir vita.
Hvað viltu segja um þá breyttu búskaþarhætti að leggja niður blandaðan
búskaþ?
Við fórum nokkrir bændur í sveitinni í það að hafa fé eingöngu.
Við það fjölgaði mjög fé í upprekstrarfélagi Ás- og Sveinsstaðahrepps.
Þetta varð til þess að það gekk mjög á heiðarnar, kalárin og þessi
viðbót skemmdi mikið og myndaði örtröð við girðingarnar, svo að
ég ætla nú ekki að hæla þessu framtaki mínu að fara í sauðfé. Fyrst
núna hefur þetta breyst. Það er búið að skera töluvert niður, jarðir
hafa farið í eyði og fénu fækkað mikið. Annars hefði farið mjög illa
ef þessi fjárfjöldi hefði verið áfram, þá væri kannski viðkvæmasti
hluti heiðanna auðnin ein. Einnig kom það til að féð var rekið mikið
fyrr á afrétt bæði eftir að vetrarrúningur var tekinn upp og margir
höfðu stækkað svo bú sín að þeir þurftu að losna við féð sem fyrst
úr heimahögum.
Hvenœr tókst þú uþþ velrarrúning?
Það mun hafa verið 1962 sem Stefán Aðalsteinsson beitti sér fyrir
vetrarrúningi á nokkrum stöðum hér á landi. Ég hreifst strax af þess-