Húnavaka - 01.05.1990, Page 27

HUNAVAKA
25
var allt tilbúið til ákvarðanatöku og þetta vissi Eiður. Sighvatur var
miklu sanngjarnari og sagði að það ætti að endurreisa Hólastað.
Síðan lagði ráðherra þetta plagg fram en það var ekkert undirskrif-
að. Ég setti nöfnin undir það og fjölfaldaði það til þess að hafa það
til þarna á staðnum. Ég haíði það fyrir sið á þessum árum að senda
afrit af öllum gögnum bæði bréfum og öðru sem barst, suður í ráðu-
neytið meðan enginn skólastjóri var. Þetta var 6. febrúar en þann
8. fóru þeir allir frá, en þá var myndað nýtt ráðuneyti undir forystu
Gunnars Thoroddsen.
Þessi tillaga Braga lá á borðinu hjá Pálma á Akri þegar hann
tók við sem landbúnaðarráðherra. Ég tel það hafa skipt sköpum með
framhaldið að bæði landbúnaðarráðherrann og fjármálaráðherrann,
sem var Ragnar Arnalds, voru báðir úr kjördæminu. Það var 20.
mars sem Pálmi lagði fram í ríkisstjórninni tillögu um endurreisn
Hóla og síðar var sett í lánsfjárlög framlag til hitaveitunnar. Ef ég
hefði dregið að undirbúa hitaveituna eins og Eiður vildi er öruggt
að ekkert hefði orðið afframkvæmdum á þessu ári og óvíst hvenær.
Stofnað var sérstakt fyrirtæki, Hitaveita Hjaltadals. Ég lenti í því
að verða formaður í bygginganefndum beggja fyrirtækjanna. Við
buðum þessi verkefni út, bæði byggingu Hólalax og hitaveitufram-
kvæmdirnar.
Áformað var að leggja hitaveituna að Hólalaxi í einum áfanga.
Stígandi hf. á Blönduósi tók að sér byggingu eldisstöðvarinnar og
gekk það mjög vel í alla staði. Grétar Guðmundsson stjórnaði þessu
fyrir norðan en Hilmar Kristjánsson var framkvæmdastjóri Stíganda
þá eins og nú. Það gekk ekki eins vel með hitaveituna. Það voru
menn á Akranesi sem áttu lægsta tilboðið þar, ekki beint verktakar
en þrír einstaklingar sem tóku þetta að sér.
Strax í ágúst var ákveðið að vígja 7. nóvember bæði Hólalax og
hitaveituna. Framkvæmdir við Hólalax gengu vel, farið var að undir-
búa kerin, búið að kreista og allt stóðst áætlun. Þegar komið var
að mánaðamótum október og nóvember var hitaveitan ekki búin
og stóð mjög tæpt að hún kláraðist, en það hafðist með naumindum
morguninn 7. nóvember. Við vorum töluvert taugaóstyrkir fram á
síðustu stundu um að eitthvað færi úrskeiðis. Það var búið að efna
til mikillar veislu. Báðir ráðherrarnir komu og þegar Ragnar Arnalds
fjármálaráðherra, sem vígði hitaveituna, skrúfaði frá krana stóð buna
af heitu vatni út úr honum. Pálmi landbúnaðarráðherra vígði svo
laxeldisstöðina.