Húnavaka - 01.05.1990, Side 34

32
HUNAVAKA
Jú. Það var árið 1973 að við endurbyggðum Undirfellsrétt. Við
Ólafur í Kárdalstungu hönnuðum hana aðallega og Unnar Jónsson
hjá Teiknistofu landbúnaðarins teiknaði hana svo endanlega. Sú hug-
mynd sem ég hafði glímt við var að reyna að létta dráttinn, því
að mjög margt fé var í sveitinni þá og í réttina kom margt fé úr
nágrannahreppunum. Gamla réttin var ákaflega erfið í umgengni.
Dyrnar á dilkunum voru ekki manngengar og sérlega vont að vinna
í henni. Fyrir kom að réttin tók þrjá daga. Þess vegna kom ég með
þá hugmynd að hafa þennan kjarna, það er hring í miðri réttinni.
Kjarninn er til mikils hagræðis við dráttinn, því að fé leitar í hring
eftir dyrum sínum, svo að maður þarf miklu minna að ferðast um
réttina til að finna kindur. Hvergi hef ég komið í rétt sem betra
hefur verið að vinna í.
Einnig gættum við þess að smíða almenninginn þannig að gott
væri að opna dilksdyrnar, sem voru úr pípum og krossviði, og sérstak-
lega að hægt væri með annarri hendinni að opna og loka með góðu
móti. Notaðar voru einfaldar smellur, sem sums staðar eru í garðhlið-
um, ákaflega grannar, fyrirferðarlitlar og ódýrar. Þetta hefur tekist
það vel að engin hefur bilað enn á 14 árum. Við létum dilksdyrnar
líka opnast inn í almenninginn. Það var reginmunur frá því sem
áður var og minni hætta á að missa fé úr réttinni inn í dilkana.
Gamla búðin á Blönduósi er nú sumarhús á Hofi
Pú fluttir til gamalt hús og endurbyggðir sem sumarhús. Hvaða hús er
þetta?
Tengdafaðir minn, Agúst, keypti lítið hús á Blönduósi. Það var
þegar Höephnersverslun lagðist af og þetta mun hafa verið 1929.
Húsið var rifið alveg spýtu fyrir spýtu og sennilega verið merkt
saman. Það var síðan reist aftur hérna á Hofi sunnan við íbúðarhúsið
og notað sem geymsla. Eins fór með það og annað að eftir 40 ár
var það farið að fúna að neðan og ég sá að ef ekkert yrði aðgert
myndi það fjúka einn góðan veðurdag. Ég skrifaði því hreppsnefnd
Blönduósshrepps og bauð að gefa þeim húsið í tilefni af 100 ára
afmæli staðarins, sem var árið 1976. Þá var Jón ísberg oddviti, hann
tók þessu vel en fékk ekki meirihlutasamþykkt í hreppsnefndinni fyrir
\