Húnavaka - 01.05.1990, Page 125

HUNAVAKA
123
---. Par sem þess er óskað að Búnaðarfélag íslands afsali sér erfða-
rétti til safnmuna þinna annarra en þeirra, sem þegar eru komnir
í skápa í skrifstofuhúsnæði Búnaðarfélags íslands í Reykjavík.
Þessi ósk er fram borin vegna stofnunar heimilisiðnaðarsafns á
vegum Sambands austur húnvetnskra kvenna við Kvennaskólann
á Blönduósi---og skulu munir þessir ganga til þessa safns.
Stjórn Búnaðarfélags íslands fellst á þessa hugmynd þína-.“
Undir bréfið ritar stjórn Búnaðarfélagsins, þeir Asgeir Bjarnason,
Einar Ólafsson og Hjörtur E. Pórarinsson.17)
Þarna náðist mjög góður árangur. Munir Halldóru eru að vísu
ekki nema lítill hluti allra muna safnsins og engir sérstaklega dýr-
mætir, ef undan er skilið safn hennar af vefnaðarsýnum. En safnið
var í burðarliðnum og það voru ekki allir, sem höíðu trú á því að
það kæmist upp. Þess vegna var mikils um vert að geta tengt nafn
Halldóru við safnið en hún var þekkt kona bæði innanlands og meðal
heimilisiðnaðarfólks á Norðurlöndum og Vestur-íslendinga. Sem og
sýndi sig á hundrað ára afmæli hennar.
Áfram var unnið að uppbyggingu safnsins, bæði að innréttingum
svo og að safna munum. Heimilisiðnaðarfélag íslands og Samband
austur húnvetnskra kvenna héldu Halldóru veislu í Kvennaskólanum
á hundrað ára afmæli hennar 14. október 1973. Vitað var að margir
áhrifamenn og konur myndu koma í afmælið. Þess vegna ákvað nefnd-
in á fundi sínum 7. október að koma upp sýningu á helstu munum
safnsins í hálfköruðu húsinu. Sýningin tókst vel. Með henni sannaði
safnið raunverulega gildi sitt. Veislugestir undruðust mjög hvað gert
hafði verið og til þess að sýna stuðning við safnið og heiðra Halldóru
færðu menn safninu gjafir. Alls urðu gjafirnar yfir 300 þús. krónur
sem var allmikill peningur þá. Mest munaði um framlag Búnaðarfé-
lagsins 100 þús kr. og Heimilisiðnaðarfélags íslands 50 þús. kr. Alls
voru það 16 aðilar sem gáfu fé til safnsins í afmælisveislunni.18)
Áfram var haldið við uppbygginguna og á fundi 27. apríl 1977
er bókað, að safnið hafi verið opið til sýnis afmælisdagana 3. og
4. júlí sumarið áður en þá var haldið upp á 100 ára afmæli Blönduóss.
Þar kemur einnig fram að skápur undir þjóðbúninga sé kominn á
sinn stað og hafi kvenfélögin í sýslunni sameinast um að gefa hann.19)
Síðasti fundur heimilisiðnaðarsafnsnefndar var haldinn 19.
nóvember 1977. Þar kom fram að safnið haföi verið opið sumarið
áður og tvær konur annast um það. Ekki hafði verið tekið gjald