Húnavaka - 01.05.1990, Qupperneq 213

HÚNAVAKA
211
ína var stálminnug og mundi vel liðna atburði. Ég minnist þess,
að eftir að hún flutti suður og kom í heimsókn til okkar, rifjuðum
við upp nöfn kúa í fjósinu frá tíma hennar hér. Hún mundi hvað
kýrnar hétu, hvenær þær hefðu borið, hvernig kálfurinn var á litinn,
hvort hann var naut eða kvíga, og hvort honum var slátrað eða
settur á.
Skólaganga ínu var stutt eins og þá tíðkaðist. Hún var samt víðles-
in og skrifaði vel læsilega hönd. í Ársriti Húnvetningafélagsins í
Reykjavík 1981 og 1982 hafa birst tvær ferðasögur eftir hana frá
árunum 1920 og 1921.
Onnur er um ferð frá Grímstungu í Vatnsdal að Sauðanesi, 45
km leið í marsmánuði. Gekk hún á einum degi þessa leið íklædd
peysuíotum og á skinnskóm og síðari hluta leiðarinnar í vondu veðri.
í hinni seinni segir frá þegar hún sótti geitur fram að Stóradal
og rak til Blönduóss í dimmviðri og þokusudda, blaut og hrakin.
Launin voru 75 aurar sem þótti þá mikill peningur og hún lagði
inn á bók.
Pessar sögur lýsa vel þeim erfiðleikum sem fólk þurfti að berjast
við og það þó ekki nema fyrir 60 árun síðan.
ína var ekki allra en hún var góður vinur vina sinna og tryggðar-
tröll. Ég man að eitt sinn er Ásta var ekki heima og ína sá um
heimilið, bar gesti að garði. Einn þeirra óð inn í stofu, sem var
nýlega teppalögð, á óhreinum skóm. ína tók til við að þrífa óhrein-
indin með tusku. Þegar gesturinn varð var við mistök sín vildi hann
gera gott úr þessu og tók utan um ínu. En ína snerist ill við og
sló hann á vangann með votri tuskunni. Trúmennska hennar til
þeirra sem hún var hjá var einstök og náði til allrar fjölskyldunnar.
Eftir að ína flutti suður kom hún á hverju sumri hingað norður
að heimsækja frændfólk og vini, að undanskildum síðustu tveimur
árunum sem hún treysti sér ekki.
Hún var búin að sækja um dvöl á Hnitbjörgum, dvalarheimili
aldraða á Blönduósi, og vonaðist til að geta eytt þar síðustu elliárun-
um.
Á síðastliðnum jólum fengum við á Torfalæk jólakort og bréf frá
ínu. Þar var að finna sama hlýhug og sömu tryggð sem einkenndi
allar hennar jólakveðjur.
Hún var jarðsett á Blönduósi 25. febrúar.
T°rfi Jónsson.