Húnavaka - 01.05.1990, Side 231

HUNAVAKA
229
mundssyni. Og Hildur Hansína háskólanemi. Öll eru systkinin hú-
sett í Reykjavík. Barnabörnin eru orðin sex.
Heimilið á Hjaltabakka var fjölmennt ekki síst á sumrin því oft
voru börn og unglingar þar til sumardvalar, sum mörg sumur. Gesta-
gangur var mikill á Hjaltabakka en Helga haíði gaman af að taka
á móti gestum og var höfðingi heim að sækja og hún var afbragðs
matreiðslukona.
Helga gekk að hverju verki af dugnaði og myndarskap en auk
starfa heima fyrir vann hún um tíma hjá fyrirtækinu Pólarprjón á
Blönduósi. Hún saumaði alla tíð mikið fyrir sjálfa sig og aðra og
var ætíð tilbúin að rétta hjálparhönd. Helga var dugleg til vinnu
og fórnfús. Hún var jafnlynd og glaðlynd og talaði vel um fólk.
Árið 1981 brugðu Helga og Jón búi og fluttu til Reykjavíkur en
reistu sér sumarhús á Hjaltabakka þar sem þeim þótti gott að dvelja.
Síðasta árið átti Helga við vanheilsu að stríða en útfór hennar fór
fram frá Blönduósskirkju þann 26. ágúst.
Ægir Fr. Sigurgeirsson.
Ósk Skarphéðinsdóttir,
Blönduósi
Fædd 18. september 1902 - Dáin 22. ágúst 1989
Ósk var fædd í Mörk á Laxárdal. Foreldrar hennar voru hjónin
Halldóra Jónsdóttir og Skarphéðinn Einarsson, Andréssonar, skálds
í Bólu. Þau hjón bjuggu í Mörk í rúman áratug en fluttust þá að
Ytri-Tungukoti. Skarphéðinn var
,,hómópati“ með ríka hæfileika til að
græða og lækna. Þegar ekki voru fag-
menntaðir menn fyrir hendi lögðu lcik-
menn sig fram við að bjarga þegar á
þurfti að halda. Skarphéðinn var talinn
fjölkunnugur, í bestu merkingu orðsins,
og fer sögum af því enn í dag.
Ósk ólst upp sem einkabarn til 14 ára
aldurs, er systir hennar Ingibjörg fæddist.
Tvo vetur stundaði hún nám við Kvenna-
skólann á Blönduósi. Nokkrum árum síð-