Húnavaka - 01.05.1994, Page 32

30
HUNAVAKA
að aftur fyrr en 1990. Það hefði mátt líða lengra á milli suðurferða
að skammlausu. Svo hef ég komist lengst austur í Reykjadal hérna
að norðan, nokkrum sinnum farið til Akureyrar og einu sinni til
Siglufjarðar. En líklega var skennntilegasta ferðalagið og eftir-
minnilegasta þegar ég fór ríðandi vestur í Húnavatnssýslu, fór
hérna yfir Skagann og inn að vestan og til Blönduóss, þaðan fram í
Svínadal og svo vestur fyrir framan Svínadalsfjall sem kallað er og
kom niður í Vatnsdalinn að Marðarnúpi og fór svo aftur út Vatns-
dal og út á Ása og til Blönduóss. Þaðan fórum við út að Eyjarkoti og
gistum þar og svo fórum við daginn eftir upp Norðurárdal, yfir
Þverárfjall og austur í Skefilsstaði. Þá var verið að vígja braggann
sem kvenfélagið byggði þar. Þetta var 1945 og var virkilega
skemmtilegur túr. Það var ágætisveður alla dagana. Þetta var bara
skemmtiferð. Ég var að hitta fólkið mitt. Foreldrar mínir áttu þá
heima á Auðkúlu. Ai'ni sem bjó í Neðra-Nesi, kom með mér til
Blönduóss en þaðan fór hann til Reykjavíkur. Þetta var allt skipu-
lagt fyrirfram. Ég átti að vera kominn til Blönduóss þegar hann
kæmi aftur í vikulokin. Þetta var vikuferð, rétt skreið það þó. Við
fórum á fímmtudagsmorgni og ég kom heim á sunnudagskvöld. Ég
var með 5 hesta en Arni 2, hann skildi sína hesta eftir á Syðri-Ey
þegar við fórum inneftir og ég lánaði honum hest á Blönduós og
eins frá Blönduósi og úteftir aftur.
Ég á nú ættir mínar í Húnavatnssýslu en yfirleitt ekki nema fjar-
skylda ættingja í Skagafjarðarsýslu. Ég hélt nú lengi vel að ég ætti
enga ættingja þar. En svo komst ég að því, þegar ég fór að lesa
Skagfirskar æviskrár að þeir eru ntiklu fleiri en ég vissi um en það
er náttúrulega langt fram komið. Og þótt ég hafi búið lengst af í
Skagafjarðarsýslu þá viðurkenni ég aldrei að ég sé Skagfirðingur.

MIKIL BÚ í ERFIÐU ÁRFERÐI
Arið 1523 voru mikil bii á norðlensku munkaldaustrunum þrátt fyrir hart árferði.
A Þingeyrum voru 56 nautgripir og 390 sauðkindur. Á Reynistað í Skagaftrði voru
114 nautgripir, 33 hross og 520 sauðkindur.
Úr annálum.