Húnavaka - 01.05.1994, Page 35

HÚNAVAKA
33
og traustur, búmabur góður, bráMaginn í höndum og liefur verið farscell í
félagsmálum.
Eg innti Þórð Jyrst eftir ætt og uppruna.
Eg er fæddur á Grund 27. júní 1913. Foreldrar mínir voru Þor-
steinn Þorsteinsson og Ragnhildur Sveinsdóttir sem bjuggu hér.
Mig langar til að nefna hér nokkra menn sem voru forfeður mín-
ir. Eg er fjórði maður í föðurætt frá Eiríki Jónssyni í Bolholti í
Hrunamannahreppi og frá Oddi í Miklabæ. Ég er einnig fjórði
maður frájóni Jónssyni „haddú" á Snæringsstöðum í móðurætt og
Þórði í Ljótshólum.
Eiríkur Jónsson í Bolholti var giftur Kristínu Þorsteinsdóttur og
þau bjuggu í Bolholti 1760 — 1783. Frá þeim er hin fjölmenna Bol-
holtsætt rakin. Sonur þeirra, Helgi, er fæddur 1767. Hann er
langafi minn og ég efast um að nokkrir séu nú lifandi sem eru jafn
stutt frá honum komnir og við systkinin sem eftir erum.
Mig langar til að láta fljóta hér sögu af því hvernig þau Eiríkur og
Kristín í Bolholti heitbundust. Sagan er á þá leið að Stefán Bjarna-
son frá Víkingslæk hitti Kiistínu við kirkju og bað hennar. Hún
sagði hreint og beint að sér hefði lengi leikið hugur á öðrum pilti
en vissi þó ekki hvort sá hinn sami renndi hug til sín. Það sagðist
hún skyldi vera búin að vita næsta sunnudag, „ég læt hann ganga
fyrir, ef hann vill, en að honum frágengnum tek ég engum öðrum
fremur en þér. Ef þú vilt bíða fullnaðarsvars um vikutíma máttu
finna mig aftur á sunnudaginn kemur.“ Stefán sagðist láta sér það
lynda en vildi þó vita hver hinn væri. Hún sagði honum hispurs-
laust að það væri Eiríkur í Bolliold og þótti þá Stefáni það ekkert
tiltökumál því Eiríkur þótti fyrir öðrum mönnum ungum þar um
sveitir bæði að greind og dugnaði. Auk þess var hann snyrtimaður
hinn mesti og orðlagður til allra verka. I vikunni fór Ki istín sjálf að
finna Eirík og sagði honum viðtal þeirra Stefáns. Hann varð glaður
við, sagðist lengi hafa haft hug á að biðja hennar en því eigi fram-
kvæmt að hann kynni að fá afsvar. Þau trúlofuðust og það sagði
Kristín Stefáni næsta sunnudag en benti Stefáni jafnframt á Guð-
rúnu systur Eiríks sem mestu myndarstúlku og þar var honum vel
tekið.
Þau Kristín og Eiríkur eignuðust 12 börn ájafnmörgum árum og
komust þau öll upp sem var fátítt á þeim tíma. Bolholt var rýr jörð.