Húnavaka - 01.05.1994, Síða 56

54
HUNAVAKA
umönnun. Samstarfíð við Rafmagnsveitur ríkisins hefur alla tíð
verið eins og best er hægt að hugsa sér varðandi stöðina og þeir
hafa oft gert okkur greiða.
Karlakór Bólstaðarhlíðarhrepps
Ég hef alltaf haft gaman af söng og söng mikið fyrir sjálfan mig
hér í gamla daga þegar ég var að vinna, ekki síst þegar ég var að
vinna á vélum.
Það var 1957, þá var brúin á Blöndu komin fyrir nokkru síðan, að
við töluðum um það nokkrir Svíndælingar að gaman væri að fara í
Karlakór Bólstaðarhlíðarhrepps, og þeir vildu gjarnan fá okkur til
prufu. Við fórum hérna fjórir, Grímur í Ljótshólum, Guðmundur
og Sigvaldi á Rútsstöðum og ég. Þetta gekk nú alla vega því vegirn-
ir voru slæmir, engin brú komin á Sléttá og töluverðir erfiðleikar
að komast þessa leið. Þetta eru yfir 20 kílómetrar og venjulega æf-
ing einu sinni í viku.
Ég man eftir því að þegar fyrsta Kaffikvöldið var haldið sem við
fórum á var töluvert mikill snjór og við vorum að tala um að þetta
væri erfitt fyrir okkur að komast. Við heyrðum á þeim uppfrá að
þeim væri sama þó að við kæmumst ekki, þeir mundu halda sínu
striki. En það var þrái í okkur líka og við lögðum á stað. Þá áttum
við nýja jeppa, bæði ég og Rútsstaðabræður. Strax við Auðkúlu var
skafl sem margur hefði sagt að væri alveg ófær en við fórum í skafl-
inn og höfðum þann háttinn á að annar renndi í skaflinn og hinn
var tilbúinn með taug til að draga hann til baka. Svona hjökkuðum
við í skaflinum þangað til við vorum komnir í gegn og að Iokum
komumst við uppeftir. Þetta er sýnishorn af því að það gat verið dá-
lítið erfitt. Okkur gekk lítið betur til baka því þá var fennt í slóðina.
Við Auðkúlu var allt orðið fullt aftur. Þá fann ég leið sunnan við
skaflinn eftir svelli og fór varlega. Það var ekki mjög hált. Þá kemur
Sigvaldi á rokhvelli fram hjá mér og ætlaði að verða heldur fljótari
en ég. En það endaði með að hann keyrði beint ofan í dý sem var
þarna og stóð þar á endann. Þá komu þeir sem í bílnum voru út og
skellihlóu. Svona var nú skapið í okkur og við vorum ekkert hrædd-
ir við þó að einhverjir erfiðleikar væru.