Húnavaka - 01.05.1994, Side 81

HUNAVAKA
79
Séra Þórður var á Undornfelli veturinn 1669-70 og vildi hann
ekki fara þaðan burt á fardögum eða standa upp af jörðinni fyrir
séra Magnúsi Sigurðssyni er fengið hafði brauðið. Bauð þá biskup
séra Þorláki sumarið 1671 að taka út staðinn því að þá hafði séra
Magnús fengið veitingabréf fyrir brauðinu. Móðir þessa Magnúsar
var Steinvör Magnúsdóttir, dóttir Agnesar Eiríksdóttur frá Auð-
kúlu.
Þetta mál var þó ekki þar með úr sögunni þó að séra Þórður færi
seinna frá Undornfelli. A prestastefnu sem haldin var á Flugumýri
sumarið 1674 viðurkenndi séra Þórður reyndar að hann hefði játað
á sig hórdómsbrot á Giljárprestastefnunni en það hefði ekki verið
af sínu sjálfræði heldur hefði hann verið fenginn til þess af ein-
hverjum vondum mönnum, verkfærum djöfulsins. Var hann
dæmdur til að færa sönnur á þetta eða sverja sáttareið að sakleysi
sínu og skyldi ltann gera það fyrir prófastinum í Húnavatnssýslu
innan tveggja mánaða. Þennan eið vann Þórður ekki. Síðla vetur-
inn 1675 ritaði biskup Þorláki og skipaði honum að gera Þórði
þijár áminningar en lesa þó ekki yfír honum bannfæringu fyrr en
þeir hefðu ráðgast um það nánar. Um vorið ítrekaði biskup um
það hvort þessar áminningar hefðu verið gerðar því að biskupinn
ætlaði að halda prestastefnu á Flugumýri um þetta mál. Þessu bréfi
svaraði séra Þorlákur þegar og sá biskup á því að hann hefði ekki
sinnt að neinu hinu fyrra bréfi biskups að veita séra Þórði áminn-
ingar, „hvers ég hefði þó ekki ætlað eða getið til yðar“, segir biskup
í bréfi til prófasts. Hafði séra Þorlákur ritað biskupi að hann treysti
sér ekki til að elta Þórð þrisvar sinnum en biskup kvaðst ekki geta
vorkennt honum það. „Þér hafið sjálfum mér og yður það ómak
bakað. Hefðuð þér gert það strax í fyrstunni klárt um þá hefði það
ekki þurft lengra að rekast.“ Biður biskup hann svo að koma til
prestastefnu á Flugumýri þá um vorið svo þetta mál geti nú út-
kljáðst „því mér þykir það nógu lengi hafa yfir staðið mér og yður
svo og öðrum til ómælis".
Prófastur hlýddi ekki boði biskups og kom ekki á prestastefnuna,
mun hafa fyrst við bréfið. Ekki er að sjá að biskup hafi tekið þessu
mjög illa því að um haustið er séra Þorlákur staddur í embættiser-
indum og lofar biskup þar séra Þorláki að taka syni hans, Halldór
og Illuga, í skóla ef þeir reynist hæfir til skólanna. Hafa þeir því lik-
lega komið í skólann þá strax um haustið.