Húnavaka - 01.05.1994, Side 83

HUNAVAKA
81
bréf kom fyrir biskup þótti honum það stórort og sér allt of nærri
skrifað. Fékk Gísli ekki vígslu að svo komnu og voru nú ærnar deil-
ur og dylgjur um þetta fram til alþingis. Fluttist Gísli óvígður að
Auðkúlu en fékk loks vígslu sumarið 1708.
Séra Gísli átti lengi í stappi við erfmgja séra Illuga um álög á Auð-
kúlustað. Dæmdi Jóhann Gottrup sýslumaður sumarið 1726 á
Svínavatni Einar Illugason til að borga séra Gísla 50 ríkisdali og 6
skildinga í ofanílag á stað og kirkju og sér í málskostnað. Hafði Ein-
ar haustið áður verið dæmdur til mikillar sektar (127 ríkisdali) til
Gottrups en Einar fullnægði ekki dómum þessum og stökk af landi
burt vegabréfslaus. Það var ekki fyrr en á héraðsþingi á Svínavatni
vorið 1732 að Bjarni sýslumaður Halldórsson dæmdi að virða
skyldi fasteignir Einars þar nyrðra, 20 hundruð á Svínavatni og
jörðina Asa 20 hundruð, er lagt hafði verið löghald á 1728 og
leggja þær út þeim tveim kröfuhöfum, Gottrup og séra Gísla, eftir
tiltölu.
Vorið 1734 þegar séra Gísli var á 57. aldursári var hann á Svína-
vatni kosinn til prófasts en hann afsakaði sig. Segir biskup að hann
sé kunnur að góðu forstandi og vel efnaður og þess vegna vel fær
til að vera prófastur en elli hans og óhraustleika telur biskup gilda
afsökun.
Séra Gísli andaðist á Auðkúlu vorið 1747 á 70. aldursári sínu.
Hann var fæddur árið 1677 og voru foreldrar hans Einar Þorsteins-
son biskup á Hólum og Ingibjörg Gísladóttir prests á Bergsstöðum,
Brynjólfssonar prests á Bergsstöðum, þess er kom við sögu Finn-
boga Gíslasonar. Hann var 1699 á Reynistað hjá Nikulási klaustur-
haldara, bróður sfnum, og var síðar kallaður til djákna þar á staðn-
um. Hann hafði vonarbréf fyrir Rafnseyri áður en hann vígðist að
Auðkúlu.
Séra Gísli var kvæntur Kristínu Eiríksdóttur frá Fagranesi eins og
fýrr sagði. Séra Eiríkur Guðmundsson, faðir Kristínar, fluttist árið
1717 vestur að Auðkúlu þar sem hann dvaldist til æviloka 1733.
Séra Gísla og Kristínu varð ekki barna auðið.
Sama ár og séra Gísli andaðist fékk séra Hannes Sigurðsson
brauðið. Hann var fæddur árið 1708. Foreldrar hans voru Sigurður
lögréttumaður Hannesson að Brekku í Þingi og kona hans Guðrún
Jónsdóttir. Hann var vígður til Þingeyraklaustursprestakalls árið
1735 fyrir tilstilli Jóhanns Gottrups sýslumanns en Hannes hafði