Húnavaka - 01.05.1994, Page 92

90
HUNAVAKA
nú sóttu um brauðið var Gísli sonur séra Jóns „í vatninu". Hafði
hann í þijú ár reynt að ná í brauð en sdftsyfirvöld ávallt sniðgengið
hann. Einsetti hann sér nú að sækja mál sitt fastar en hann hafði
áður gert eins og fram kemur í bréfí sem hann ritar mági sínum,
Magnúsi guðfræðingi í Kaupmannahöfn. En það átti ekki fyrir séra
Gísla að liggja að fá brauð föður síns sem hann svo mjög hafði sóst
eftir. Það var á öðrurn sviðurn sem hann átti eftir að ganga sama veg
og faðir hans því að enda þótt hann hefði lært sund á unga aldri og
verið allgóður sundmaður þá drukknaði hann sumarið f853 er
hann var að reyna að bjarga mönnum úr Olfusá.
Auðkúlu hreppti gamall prestur á Reynivöllum í Kjós, séra Sig-
urður Sigurðsson, undarlega skapi farinn og með þeim orðrómi að
ævifylgjn að hann hefði liðsinnt syni sínum að hylma yfir mann-
dráp er hann átti að hafa framið.
Séra Sigurður var fæddur á Skipalóni f 774. Foreldrar lians voru
Sigurður Sigurðsson og kona hans Elín Tómasdóttir ln eppstjóra á
Tjörnum í Eyjafirði, Egilssonar. Hann lærði fyrst hjá séra Þórarni
Jónssyni á Myrká en varð stúdent frá Hólaskóla 1797 með besta
vitnisburði fyrir liprar gáfur og ástundun við námið. Þess er og
einnig getið að hann hafi haldið ágæta prófræðu. Arið eftir að
hann varð stúdent kvæntist hann Rósu Magnúsdóttur í Myrkárdal,
Jónssonar prests á Myrká. Sambúðin varð ekki sem best hjá þeim
hjónum enda var prestur ákaflega sérlundaður. Er hinu erfiða
heimilislífi meðal annars kennt um að hann varð að sleppa aðstoð-
arprestsstöðu með því að hann veiktist af geðveiki. Það lagaðist síð-
ar og hann varð fyrst millibilsprestur á Upsum, Tjörn og Völlum,
prestaköllum í Svarfaðardal, en síðar prestur á Bægisá og Reyni-
völlum áður en hann fékk Auðkúlu 68 ára að aldri.
Rósu konu sína missti séra Sigurður sumarið 1834. Höfðu þau
eignast mörg börn og var séra Magnús á Gilsbakka úr þeim hópi.
Arið 1836 kvæntist séra Signrður Gunnhildi Bjarnadóttur í Kára-
nesi í Kjós, Sigmundssonar. Hún dó í byrjun þorra 1856. Lét hann
þá af prestskap og fluttist að Litladal og hafði jarðaskipti við Andrés
Þorleifsson. Brandsstaðaannáll segir svo frá: „Séra Sigurður á Kúlu
fluttist að Litladal. Tók Arni Pétursson, er hjá honum var ráðsmað-
ur, við búi hans og hafa menn hér um sveitir ekki dæmi þess að
vinnumaður hafi eins fljótt auðgast og hann. Séra Jón Þórðarson