Húnavaka - 01.05.1994, Side 165

HELGI ÞORÐARSON:
Ameríka
(Framhald úr síðustu Húnavöku)
Mjög margt fólk mun hafa farið frá íslandi til Ameríku vorið 1900.
Ur Norðurárdal í Mýrasýslu fóru átta manns. Frá Fornahvammi fór
fernt. Auk mín voru það Davíð gamli, sonur hans Daníel og Helga
gamla, fóstra Daníels. Þá fóru tvær systur frá Hvassafelli, Helga og
Ragnhildur Andrésdætur og var Ragnhildur unnusta mín. Vorið
áður fóru þaðan bróðir þeirra, systir og hennar maður til Ameríku.
Ragnhildi kynntist ég sumarið áður. Hún var þá kaupakona í
Fornahvammi.
Lagt var af stað 13. júní til Borgarness og næsta dag var farið á
mód skipi til Reykjavíkur. Þar vorum við í þrjá daga um kjurt og
biðum eftir fari til Englands. Þann 20. júní stigum við um borð í
póstskipið Láru er fara átti til Leeth í Englandi. I Færeyjum var
komið við í þrem höfnum. Við fórum í land og þótti fallegt þar.
Ferðin til Leeth gekk vel og komum við þangað 26. júní en ekki var
stansað þar nema um sex tíma. Þaðan vorum við látin fara í járn-
brautarlest og til Liverpool komum við næsta morgun. Við munum
hafa verið um 85 Islendingar er þar komu saman og voru allir á
leið til Ameríku. Okkur var öllum boðið inn á hótel og var matur á
borðum er við komum þangað. Þar var Kanadastjórn búin að taka
við okkur og var vel við okkur gert á allan hátt. Okkur var þó tekinn
vari fyrir því að fara ekki langt frá hótelinu, meðan við dvöldum í
Liverpool, því hætta var á að við villtumst. Samt fórum við að skoða
okkur um í borginni strax næsta dag því margt var að sjá og margt
langaði okkur til að kaupa en efni voru lítil.
Meðan \ið dvöldum í Liverpool bar svo við að einn okkar Islend-
inganna drakk sig fullan. Hann átti konu í hópnum, er hann í
óreglu sinni seldi nokkrum gyðingum, sem hann átti verslun við.
Eitt sinn er við sátum að máltíð mætti hann ekki við borðið eða
hans kona og var þá gerð leit að þeim. Nokkrir höfðu séð hann