Húnavaka - 01.05.1994, Blaðsíða 216

214
HUNAVAKA
Friðrik Gunnar Indriðason,
Blönduósi
Fæddur 20. júlí 1916 — Dáinn 20. nóvember 1993
Friðrik Gunnar Indriðason, fyrrverandi húsvörður, var fæddur á
Blönduósi. Voru foreldrar hans Indriði Jósefsson ættaður frá
Helgavatni í Vatnsdal og kona hans Margrét Friðriksdóttir frá
Bergsstöðum á Vatnsnesi.
Höfðu þau hjón flust til Blönduóss árið
1914 og eignast sex börn. Friðrik var
yngstur þeirra systkina er öll eru nú látin
nema Ingibjörg sem dvelur á Sjúkrahúsi
Suðurlands á Selfossi.
Friðrik ólst upp í foreldrahúsum og fór
snemrna að vinna fyrir sér eins og títt var
um börn þessara tíma, er einkenndust
svo oft af skorti og fátækt. Framan af æfí
sinni vann hann við ýmis verkamanna-
störf svo sem múrverk. Hann var fyrr á
árum vinnumaður á Breiðabólstað og
Hvammi í Vatnsdal og um nokkurra ára
skeið var hann bílstjóri.
Aiið 1940 kynntist hann eftirlifandi konu sinni, Þórunni Sigur-
jónsdóttur frá Litla-Búrfelli, og hófu þau búskap þá um vorið.
Eignuðust þau sex börn en þau eru: Brynhildur en maður hennar
er Sigtryggur Ellertsson, Guðrún gift Sigmundi Magnússyni,
Indíana gift Fritz Berndsen, Sigríður gift Steindóri Jónssyni, Sigur-
laug ógift og Björn kvæntur Guðrúnu Tryggvadóttur. Þau eru öll
búsett í Reykjavík, nema Björn er býr á Blönduósi.
Eitt barnabarna þeirra, Arnar Þór, bjó ásamt móður sinni Sigur-
laugu hjá þeim í átta ár og reyndist Friðrik honum sem besti faðir.
Arið 1964 réðist Friðrik sem húsvörður við Grunnskólann á
Blönduósi. Vann hann Mð það starf allt til ársins 1986. Það haust
flutti hann að Hnitbjörgum þar sem hann bjó til dauðadags. Hann
varð bráðkvaddur á heimili sínu.
Með Friðriki Indriðasyni er horfinn á braut minnisstæður per-