Húnavaka - 01.05.1994, Page 217

HUNAVAKA
215
sónuleiki. Hann var greindur maður með heilsteyptar skoðanir um
málefni líðandi stundar. Hann var jafnaðarmaður er tók málstað
þeirra er minnst báru úr býtum í kapphlaupinu um hin svokölluðu
lífsgæði. Friðrik var traustur maður og vinsæll, barngóður og söng-
elskur.
Eins og áður er sagt gegndi hann húsvörslu við grunnskólann.
Honum fylgdi ætíð hressandi blær glaðværðar og góðvildar. Hann
var því vinsæll á þessum vettvangi starfs síns, jafnt af kennurum og
nemendum.
Friðrik var mikill tilfinningamaður, eins og flestir þeir er einhver
spor skilja eftir sig í minningu samferðamanna. Hann var glaður í
góðum hópi vina og unni mjög heimabyggð sinni enda átti hann
heimili sitt á Blönduósi alla æfi.
Utför hans var gerð frá Blönduósskirkju 27. nóvember.
Arni Sigurdsson.
Þorgerður Björk Guðlaugsdóttir,
Ásholti, Skagaströnd
Fœdd 24. júní 1937 - Dáin 21. desember 1993
Þorgerður er fædd í Vatnahverfi í Engihlíðarhreppi. Foreldrar
hennar voru Ingibjörg Karlsdóttir, sem lifir dóttur sína, og Guð-
laugur Guðlaugsson sem er látinn. Mæðgurnar, Ingibjörg og Þor-
gerður, fóru frá Vatnahverfi strax eftir fæðingu hennar. Þær voru
til heimilis á nokkrum bæjum næstu misserin en þegar Þorgerður
var á þriðja ári fóru þær að Efri-Mýrum og voru þar til heimilis í
þrjú ár og þar leið þeim vel. Þaðan lá svo leiðin að Neðri-Lækjardal
þar sem Þorgerður ólst upp hjá móður sinni og fóstra, Guðmundi
Jakobssyni, sem er látinn fyrir nokkrum árum, og bræðrunum,
Jakobi og Ellert.
Heimilið í Neðri-Lækjardal var ekki ríkt af veraldarauði fremur
en mörg önnur heimili á þeirri tíð en hjartahlýja, hress og góður
blær einkenndi heimilislífið, þangað var gott að koma og þar var
gott að vera. Árið 1963 hóf Þorgerður að búa sjálf í Neðri-Lækjar-