Morgunblaðið - 22.05.2015, Blaðsíða 39

MENNING 39
MORGUNBLAÐIÐ FÖSTUDAGUR 22. MAÍ 2015
Framlag Íslenska dans-flokksins til Listahátíðarer sýningin Blæði, þarsem sýnd eru verk eftir
Damien Jalet, Sidi Larbi Cherkaoui
og Ernu Ómarsdóttur.
Fyrir hlé voru flutt þrjú stutt verk
sem áttu það sameiginlegt að það
voru fyrst og fremst hreyfingar og
tjáning dansaranna í takt við vel
valda tónlistina sem héldu verk-
unum uppi. Búningar og einföld lýs-
ing dýpkuðu þó heildarmyndina, en
engin eiginleg sviðsmynd var til
staðar. Fyrsta verk kvöldsins var
Les Médusées eftir Damien Jalet
sem upphaflega var samið fyrir Lo-
uvre listasafnið í París og sækir inn-
blástur í gyðjustytturnar í Marly-
garði safnsins. Um er að ræða nokk-
uð einfalt en vel samið verk þar sem
þrír kvendansarar túlka taktbundna
hrynjandi höggmyndarans og dans-
inn fær að njóta sín.
Verkin Sin og The Evocation eru
brot úr verkinu Babel (Words) sem
hafa öðlast sjálfstætt líf og hafa ver-
ið sýnd víða sem sjálfstæð verk. Sin
er lostafullur dúett sem byggist á
sögunni um Adam og Evu. Verkið
hófst á einföldum handahreyfingum
Einars Nikkerud sem náði fullri at-
hygli áhorfenda frá fyrstu mínútu.
Hægt og bítandi stækkaði hreyfi-
formið þegar Þyrí Huld Árnadóttir
kom inn á sviðið. Þau túlkuðu sam-
einaða og sundraða krafta ástfang-
ins pars á hreint ótrúlegan hátt, þar
sem spenna, friður, kraftur og mýkt
hreyfinganna tókust á. Tónlist og
búningar hentuði verkinu ein-
staklega vel og þrátt fyrir stutt verk
með einfaldri umgjörð verður að
segjast að það er langt síðan að svo
vel samið verk sem byggist nær ein-
ungis á hreyfiformi og tjáningu
dansaranna hefur sést á íslensku
sviði.
The Evocation sækir innblástur í
súfisma, sem er líkamleg íhugunar-
aðferð þar sem endurtekning á einu
orði er notuð til þess að nálgast hið
guðlega eða losna undan álögum. Í
síðustu uppfærslu Íslenska dans-
flokksins var einmitt flutt verk eftir
Sögu Sigurðardóttur, sem var byggt
á sama þema, en nálgunin var þó allt
önnur. Líkt og í Sin, þá hófst verkið
á nokkuð mínímaliskan hátt sem sló
tóninn fyrir það sem á eftir kom.
Byggt var ofan á einfalt hreyfiform
en í þetta sinn var það fjöldi dans-
aranna, krafturinn og mýktin í bland
sem myndaði töfrana. Inga Maren
og Hjördís Lilja áttu sviðið í þessu
verki.
Eftir hlé var svo flutt verkið Black
Marrow eftir Ernu Ómarsdóttur og
Damien Jalet. Verkið fjallar um
samband mannsins við náttúruna og
eðlishvatir mannsins sem hafa verið
iðnvæddar. Af miklu er að taka,
dansararnir umbreytast frá stein-
gervingum í manneskjuna eins og
við þekkjum hana og svo yfir í eitt-
hvað allt annað. Framandi verur
sem vísa á óljósan hátt til brengl-
unar mannlegra eðlishvata. Líkt og í
fyrri samstarfsverkum Ernu og Ja-
let, þá var sviðsmynd, búningar og
önnur umgjörð gríðarstór hluti
verksins og mjög vel úr garði gerð.
Sköpuð var furðuveröld á sviðinu
þar sem súrrealískir hlutir áttu sér
stað. Verkið fór frekar hægt af stað,
en mögulega var það nauðsynlegt
fyrir framvinduna. Tónlist verksins
var unnin af tónskáldinu Ben Frost
sem skilaði verki sínu mjög vel, þar
sem tónlistin dýpkaði upplifun
áhorfenda. Það má hrósa honum sér-
staklega fyrir góða notkun á þögn-
um og mínímalískum hljóðheimi þar
sem það átti við. Í verkinu var að
finna mörg gríðarsterk atriði. Þar
má helst nefna kafla þar sem haus-
lausir líkamar sem minntu á kjúk-
linga veltust um á sviðinu og enduðu
í einni kös sem líktist andandi heila
og kaflann um vélina, þar sem mód-
elstellingar og fleygar setningar úr
auglýsingum voru bjagaðar og sett-
ar í nýtt samhengi. Þannig voru
óvæntar skiptingar á milli alvarleika
og gríns ekki langt undan, og aftur
fór Einar á kostum. Hjördís, Elín
Signý og Þyrí Huld áttu einnig mjög
sterkar innkomur, en allir dansarar
kvöldsins eiga hrós skilið fyrir vel
unnin störf. Kaflaskipting var nokk-
uð góð, en þó hefði mátt stytta verk-
ið örlítið og jafnvel taka nokkra
kafla alveg út sem skemmdu fyrir
heildaráhrifunum. Þá ber helst að
nefna lokakaflann, en nokkuð magn-
að atriði sem byggðist á óvæntri
notkun sviðsmyndar hefði slegið
fullkominn botn í sýninguna. Enda
brutust út mikil fagnaðarlæti í saln-
um og ekki var annað að sjá en að
áhorfendur héldu að sýningin væri á
enda, slappur lokakaflinn bætti engu
við og hafði þveröfug áhrif.
Í heild var þó um nokkuð magn-
aða sýningu að ræða, þar sem
óvæntir hlutir voru á hverju strái.
Sýningin Blæði er góð kvöldstund
sem ætti ekki að valda neinum von-
brigðum hvorki leikum né lærðum.
Ljósmynd/Bjarni Grímsson
Gott „Í heild var þó um nokkuð magnaða sýningu að ræða, þar sem óvæntir
hlutir voru á hverju strái,“ segir rýnir um danssýninguna Blæði.
Dansinn tekinn alla leið
Borgarleikhúsið
Blæði: obsidian pieces bbbbm
Frumsýning á Listahátíð í Reykjavík á
Stóra sviði Borgarleikhússins, 19. maí
2015. Les Médusées eftir Damien Jalet.
Dansarar: Halla Þórðardóttir, Hjördís
Lilja Örnólfsdóttir og Inga Maren Rún-
arsdóttir. Tónlist: Winter Family og
Gabriele Miacle. Ljós: Björn Bergsteinn
Guðmundsson. Búningar: Bernharnd
Wilhelm.
Sin eftir Damien Jalet og Sidi Larbi
Cherkaoui. Tónlist: Patrizia Bovi, Maha-
bub Khan, Sattar Khan og Gabriele Mi-
racle. Dansarar: Einar Nikkerud og Þyrí
Huld Árnadóttir. Búningar: Júlíanna
Steingrímsdóttir. Aðstoðarmaður dans-
höfunda: Valgerður Rúnarsdóttir.
The Evocation eftir Damien Jalet og
Sidi Larbi Cherkaoui. Tónlist: Vladimir
Johansson, Sofyann Ben Youssef og
Khaled Barghouti. Dansarar: Cameron
Corbett, Einar Nikkerud, Elín Signý
Weywadt Ragnarsdóttir, Halla Þórð-
ardóttir, Hjördís Lilja Örnólfsdóttir, Inga
Maren Rúnarsdóttir, Sergio Parés Agea
og Þyrí Huld Árnadóttir. Ljós: Björn
Bergsteinn Guðmundsson. Búningar:
Júlíanna Steingrímsdóttir. Aðstoð-
armaður danshöfunda: Valgerður Rún-
arsdóttir.
Black Marrow eftir Ernu Ómarsdóttur
og Damien Jalet. Tónlist: Ben Frost.
Búningar: Júlíanna Steigrímsdóttir.
Sviðsmynd og grímur: Höfundar verks-
ins, Alexandra Mein, Júlíanna Stein-
grímsdóttir, Rebekka Moran og Heimir
Sverrisson. Dansarar: Cameron Cor-
bett, Einar Nikkerud, Elín Signý Wey-
wadt Ragnarsdóttir, Halla Þórðardóttir,
Hjördís Lilja Örnólfsdóttir, Inga Maren
Rúnarsdóttir, Sergio Parés Agea og Þyrí
Huld Árnadóttir. Aðstoðarmaður dans-
höfunda: Sara Black.
MARGRÉT
ÁSKELSDÓTTIR
DANS
Sex nýir höfundar hlutu í gær Ný-
ræktarstyrki Miðstöðvar íslenskra
bókmennta til útgáfu á fimm
verkum sínum, en þetta er í átt-
unda sinn sem styrkirnir eru
veittir. Verkin sem um ræðir eru
skáldsagan Að heiman eftir Arn-
gunni Árnadóttur; ungmennabók-
in Af hverju breytast allir í kring-
um mann þegar maður verður
UNGLINGUR en ég er alltaf sama
krúttið? eftir systrasynina Arnór
Björnsson og Óla Gunnar Gunn-
arsson í ritstjórn Bryndísar Björg-
vinsdóttur; barnabókin Glópagull
og galdraskruddur eftir Kristínu
Rögnu Gunnarsdóttur; smásagna-
safnið Himnaljós eftir Áslaugu
Björt Guðmundardóttur og skáld-
verkið Sirkús eftir Júlíu Margréti
Einarsdóttur.
Nýræktarstyrkjunum er ætlað
að styðja við útgáfu á fyrstu
verkum nýrra höfunda. Umsókn-
um um Nýræktarstyrki hefur
fjölgað verulega frá því þeim var
fyrst úthlutað hjá Bókmennta-
sjóði, forvera Miðstöðvar ís-
lenskra bókmennta, árið 2008, en
þá bárust níu umsóknir og voru
fimm styrkir veittir, hver að upp-
hæð 200.000 kr. Í ár barst 51 um-
sókn frá 45 aðilum og nemur
styrkupphæðin 400.000 kr. á bók.
silja@mbl.is
Fimm styrkir
til sex höfunda
Morgunblaðið/Einar Falur
Gleðistund Höfundarnir tóku við styrkjunum í Gunnarshúsi í gær.
Önnur þröngskífa hljómsveit-
arinnar Vök, Circles, kemur út hér
á landi í dag á vegum Record Re-
cords. Upptökur og upptökustjórn
voru í höndum hljómsveitar-
meðlima og Biggi Veira, oftast
kenndur við hljómsveitina GusGus,
sá um hljóðblöndun og hljómjöfnun.
Vök er nýkomin heim eftir tón-
leikahald á hátíðinni The Great Es-
cape í Brighton og framundan eru
tónleikar í Hörpu 16. júní þar sem
hljómsveitin mun hita upp fyrir Ás-
geir. Vök mun einnig koma fram á
Hróarskelduhátíðinni í sumar og
fleiri hátíðum víða um Evrópu. Vök
lék á Eurosonic-tónlistarhátíðinni í
janúar sl. og er á lista yfir þær
hljómsveitir sem fengu flestar tón-
leikabókanir í kjölfarið.
Ný þröngskífa og
fjöldi sumartónleika
Circles Kápa þröngskífu Vakar, Circles.
Billy Elliot (Stóra sviðið)
Fös 22/5 kl. 19:00 Mið 3/6 kl. 19:00 Fim 11/6 kl. 19:00
Mán 25/5 kl. 13:00 Ath kl
13
Fim 4/6 kl. 19:00 Fös 12/6 kl. 19:00
Mið 27/5 kl. 19:00 Fös 5/6 kl. 19:00 Lau 13/6 kl. 19:00
Fös 29/5 kl. 19:00 Lau 6/6 kl. 19:00 Sun 14/6 kl. 19:00
Lau 30/5 kl. 19:00 Sun 7/6 kl. 19:00
Sun 31/5 kl. 19:00 Mið 10/6 kl. 19:00
Fjölskyldusýning í hæsta gæðaflokki - ósóttar pantanir seldar daglega
Er ekki nóg að elska? (Nýja sviðið)
Fös 22/5 kl. 20:00 Fim 28/5 kl. 20:00 Fös 29/5 kl. 20:00
Nýtt verk eftir Birgi Sigurðsson - síðustu sýningar
Kenneth Máni (Litla sviðið)
Fös 29/5 kl. 20:00 Lau 6/6 kl. 20:00
Síðustu sýningar
Hystory (Litla sviðið)
Sun 31/5 kl. 20:00 auka.
Nýtt verk eftir Kristínu Eiríksdóttur - síðasta sýning
Peggy Pickit sér andlit guðs (Litla sviðið)
Fös 22/5 kl. 20:00 Lau 30/5 kl. 20:00
Síðustu sýningar
Shantala Shivalingappa (Stóra sviðið)
Þri 2/6 kl. 20:00
Sýning á vegum Listahátíðar í Reykjavík
Blæði: obsidian pieces (Stóra sviðið)
Mán 25/5 kl. 20:00 Fim 28/5 kl. 20:00
Íslenski dansflokkurinn - Aðeins þessar sýningar
Billy Elliot –★★★★★ , S.J. Fbl.
leikhusid.is
FJALLA-EYVINDUR OG HALLA – ★★★★ – SV, MBL
HVERFISGATA 19551 1200 LEIKHUSID.IS MIDASALA@LEIKHUSID.IS
Fjalla - Eyvindur og Halla (Stóra sviðið)
Fös 29/5 kl. 19:30 Lokas.
Allra síðasta sýning.
Svartar fjaðrir (Stóra sviðið)
Lau 30/5 kl. 19:30 5.sýn Sun 31/5 kl. 19:30 6.sýn
Ronja Ræningjadóttir (Stóra sviðið)
Lau 6/6 kl. 14:00 Lau 6/6 kl. 17:00
Áhugasýning ársins. María Ólafsdóttir leikur Ronju í Þjóðleikhúsinu.
Ofsi (Kassinn)
Fös 5/6 kl. 19:30 Lau 6/6 kl. 19:30
Aukasýningar komnar í sölu.
MagnusMaria (Stóra sviðið)
Mið 3/6 kl. 20:00
Ópera um rétt kyn eftir Karólínu Eiríksdóttur.
Tjarnargötu 12 | 101 Reykjavík | sími 527 2100 | tjarnarbio.is
Eldhúsið (Salurinn)
Lau 23/5 kl. 14:00
Both Sitting Duet og Body Not Fit For Purpose (Salurinn)
Lau 30/5 kl. 20:00
Endatafl (Salurinn)
Sun 24/5 kl. 20:00 Fim 28/5 kl. 20:00 Fös 29/5 kl. 20:00
Hávamál (Salurinn)
Mið 27/5 kl. 20:00 Sun 31/5 kl. 16:00 Sun 31/5 kl. 20:00