Morgunblaðið - 13.06.2015, Blaðsíða 11

finnst gaman að vera ófullkominn, ég
er fullkomlega sáttur við minn ófull-
komleika.“
Ódæll og erfiður í æsku
Snorri kom nýlega heim frá Pól-
landi þar sem hann var með „work-
shop“ fyrir vandræðaunglinga og
kvenfanga.
„Það var mjög spennandi að
vinna með þessum krökkum af því að
ég þekki þetta sjálfur, ég var fremur
ódæll og erfiður í æsku. Vonandi hef
ég plantað einhverjum jákvæðum
fræjum hjá þeim, og hjá kvenföng-
unum sem ég fékk að hitta. Þetta
voru konur sem hafa fengið lífstíðar-
dóm og þær munu aldrei fá að vera
frjálsar framar. Ég sagði þeim frá
verkunum mínum og hvernig ég fann
farveg fyrir óþekkt mína í listinni.
Þegar ég horfði á þessa fanga þá
hugsaði ég hvað ég hefði verið hepp-
inn að hafa valið listina, þær voru að
meirihluta fíklar og alkóhólistar og
auk þess með hegðunarvandamál og
ADHD, rétt eins og ég var,“ segir
Snorri og bætir við að hann hafi
kynnst skúlptúristanum Pawel
Althamer í þessari ferð, því Pawel
tók þátt í verkefninu með honum.
„Pawel hefur reist skúlptúr af
mér í Varsjá, en hann er stórt nafn
og mjög þekktur, hann tók þátt í
Tvíæringnum árið 2013, með risa-
innsetningu. Við eigum eftir að vinna
meira saman, enda náðum við mjög
vel saman.“
Finnur öryggistilfinningu
þegar hann ferðast
Snorri hefur lifað skemmtilegu
lífi og hann hefur verið á þvælingi og
ferðalögum undanfarin ár.
„Ég var í tvö sumur í París þar
sem Myriam Bat Yosef, fyrrverandi
kona Errós og barnsmóðir, lánaði
mér vinnustofu. Ég vann líka um
tíma í Noregi og í Þýskalandi. Þetta
gerist oft af sjálfu sér, fólk hefur
boðið mér. Til dæmis þegar ég kom
heim eftir að hafa verið í Þýskalandi,
þá missti ég vinnustofuna hér heima
og auglýsti eftir vinnustofu á Face-
book. Þá fékk ég skilaboð frá íslensk-
um félaga mínum í Los Angeles og
hann bauð mér vinnustofu þar. Ég
þáði það og fór út. Eftir það var mér
boðið til Danmerkur, þangað sem ég
fer í haust. Ég er mjög þakklátur
fyrir að vera staddur í þessum far-
vegi og ég ætla að njóta þess. Ég er
ekki fjölskyldumaður og því bindur
mig ekkert, ég læt lífið leiða mig og
ég finn öryggistilfinningu þegar ég
ferðast. Þegar mig vantar pening þá
kemur alltaf eitthvað upp í hend-
urnar á mér, ég fæ pöntun á mál-
verki eða eitthvað annað. Þetta er
tenging og flæði. Ég elska lífið og er
þakklátur, en ég tel það vera lykilinn
að því að fá meira. Vanþakklæti og
óánægja stoppar fólk, því þá er það
ekki móttækilegt fyrir gjöfunum
sem lífið gefur því. Þetta er ekkert
flókið, að smæla framan í heiminn,
þá smælar hann framan í þig, en það
eru fáir sem ná að tileinka sér þetta.
Óttinn stýrir manninum of oft og
stærsta fangelsið er hræðslan við álit
annarra,“ segir Snorri sem segist
mjög snemma hafa komist að því að
honum er nákvæmlega sama hvað
öðrum finnst um hann eða það sem
hann gerir.
„Annaðhvort líkar fólki vel við
mig eða ekki, það er ekki mitt vanda-
mál hvað fólki finnst. Ég veiti mér
frelsi til að gera það sem mér sýn-
ist.“
Vinir og fólk, það
er mesti auðurinn
Snorri segist hafa ákveðið að
vera á listamannalaunum hjá lista-
gyðjunni, hann ætlar að treysta því
að hann lifi á list sinni.
„Eftir að ég tók þessa ákvörðun
hefur það gengið upp. Ég vil ekki
vera á bótum. Maður kallar á það
sem maður gefur frá sér og maður
hittir allt það fólk sem maður þarf að
hitta. Mitt höfuðáhugamál er fólk, og
það sést í minni myndlist, ég hef gert
videóportrett og unnið mikið með
fólk. Ég hef hitt mjög mikið af
áhugaverðu fólki á leið minni um líf-
ið, og það er mikið ríkidæmi. Vinir og
fólk, það er mesti auðurinn. Ég hef
verið svo heppinn að hafa kynnst
mörgum frábærum listamönnum, ég
bjó til dæmis um tíma í Antwerpen í
Belgíu hjá Þorvaldi Þorsteins og
Helenu, og samtöl við Þorvald og
aðra hafa gefið mér mjög mikið.“
Snorri segir að flestir vinir hans
séu konur, af því hann kunni betur
við mjúku orkuna.
„Mér hundleiðist karlmennsku-
orka, hún er svo frumstæð og hallær-
isleg. Ég fór í hugleiðsluhelgi fyrir
nokkrum árum og þá var mér gefin
mantra: sleppa, treysta. Ég hef ekki
lent í neinni angistarhugsun frá því
ég tileinkaði mér þetta. Og kannski
er því að þakka að ég er í þessu góða
flæði núna,“ segir Snorri og bætir
við að hann viti ekkert hvar hann
endi þetta ferðalag.
„Ég veit ekki hvar ég mun búa í
vetur og það er dásamlegt, að vera í
þessu trausti. Sumir vinir mínir eru
pirraðir út í mig og finnst ég ekki
nógu ábyrgur. Kannski öfundast
þeir út í frelsið sem ég hef. Ég fer til
Varsjár í júlí og verð þar í mánuð, áð-
ur en ég fer til Danmerkur og svo er
planið að fara til Súrínam í Suður-
Ameríku í október og taka þátt í
listahátíð þar. Ég er líka til í að fara
aftur til Kaliforníu og Mexíkó, ég
kunni vel við mig þar. Stjórnleysið í
Mexíkó er fallegt, vissulega stundum
villimannslegt, en það er líka fal-
legt.“
Í stúdíói Snorranna í L.A. Snorrarnir þrír, Einar Snorri, Eið-
ur Snorri og Snorri sjálfur Ásmundsson þegar hann dvaldi þar.
Sprell Mynd af Snorra tekin í Altadena þar sem hann kom sér
fyrir með hönd á hjarta í árlegri jólaskreytingu bæjarins.
Mexíkó Snorri og systkinin Sara Glaxia og José Hernandés
Tafola á Avocado-búgarði fjölskyldunnar í Sierra Madre.
List Þekkja má andlit Snorra á
skúlptúr Pawels sem nú er í Varsjá.
Vanþakklæti og
óánægja stoppar fólk,
þá er það ekki móttæki-
legt fyrir gjöfunum sem
lífið gefur því.
DAGLEGT LÍF 11
MORGUNBLAÐIÐ LAUGARDAGUR 13. JÚNÍ 2015
Tækniskóli Íslands verður næstu
tvær vikurnar undirlagður af fjöl-
breyttum námskeiðum fyrir ungt
fólk, 12 til 16 ára. Boðið er upp á sex
vikulöng námskeið, sem haldin eru
annars vegar vikuna 15.-19. júní og
hins vegar 22.-26. júní.
Þeim sem áhuga hafa á fötum og
saumaskap stendur til boða nám-
skeið sem gengur út á að endurhanna
eigin flíkur og/eða sauma einfaldan
fatnað. Einnig saumanámskeið þar
sem áherslan er á að sauma flíkur,
taka mál og breyta sniðum úr blöðum
samkvæmt því.
Á málmsuðunámskeiðinu fá þátt-
takendur einnig þjálfun í rafsuðu
með því að sjóða saman smíðisgrip,
þátttakendur á námskeiðinu í
rafrásarföndri fá þjálfun í vönduðum
vinnubrögðum og gera nokkur verk-
efni sem tengjast rafmagni. Leitin að
andlitum er myndlistarnámskeið og á
námskeiðunum Tæknibrellur og 3D
kynnast þátttakendur upptöku
myndefnis í stúdíói Margmiðlunar-
skólans og hvernig vinna á mynd-
efnið í After Effects-forritinu.
Nánari upplýsingar á vefsíðu skól-
ans, www.tskoli.is
Tækniskóli unga fólksins – Sumarnámskeið í júnímánuði
Endurhanna flíkur, leita að and-
litum og kynnast tæknibrellum
Sex ólík námskeið Námskeið fyrir 12 til 16 ára unglinga með ýmis áhugamál.