Fréttablaðið - 11.11.2015, Blaðsíða 20

Gengi dollarans hefur styrkst mikið
að undanförnu og er að nálgast gengi
evrunnar. Það hefur ekki gerst í yfir
þrettán ár. Dollarinn hefur á árinu
styrkst um nærri 10 prósent gagn-
vart flestum öðrum stærstu gjald-
miðlum heimsins, þeirra á meðal
eru japanska jenið, breska pundið
og svissneski frankinn. Ástæða þess
er að efnahagsástandið er mun betra
í Bandaríkjunum en í mörgum Evr-
ópulöndum og Japan.
Sérfræðingar óttast að dollarinn
sé að verða of sterkur. Í dag fæst
evran fyrir 1,07 dollara og því er ljóst
að dollarinn þarf að styrkjast veru-
lega til að ná jöfnu gengi og evran.
Styrkingin hefur þó þróast hratt, í
fyrra fékkst evran á 1,24 dollara.
Hátt gengi dollarans er gott fyrir
innflutning til landsins, þar sem
vörur verða ódýrari fyrir almenna
neytendur, og fyrir Bandaríkja-
menn á ferðalagi. Hins vegar hefur
það neikvæð áhrif á afkomu stærri
bandarískra fyrirtækja sem starfa
á alþjóðamarkaði. Auk þess getur
þetta dregið úr fjölda ferðamanna
sem koma til Bandaríkjanna. Hluta-
bréf í ferðaskrifstofunni Priceline
lækkuðu til að mynda um 10 prósent
á mánudaginn eftir að tilkynnt var
að afkoma yrði undir áætlun á árinu.
Forstjóri fyrirtækisins sagði í samtali
við CNN Money að dregið hefði úr
ferðamannastraumi vegna styrking-
ar dollarans og það hefði haft áhrif
á starfsemina. Styrking dollarans
hefur einnig haft neikvæð áhrif á
afkomu Coca-Cola, IBM, Caterpillar
og Procter & Gamble á árinu.
Talið er líklegt að Janet Yellen,
seðlabankastjóri Bandaríkjanna,
muni hækka stýrivexti á næsta
vaxtaákvörðunarfundi í desember.
Sérfræðingar telja þó að hún muni
þurfa að íhuga stöðuna vandlega í
ljósi styrkingar dollarans. – sg
Gengi bandaríkjadals er
að nálgast gengi evrunnar
Hagnaður Porsche fyrir skatt á
fyrstu níu mánuðum ársins var
helmingi lægri en á sama tímabili
á síðasta ári. Hagnaðurinn nam
1,19 milljörðum evra, jafnvirði
167 milljarða íslenskra króna. For-
svarsmenn Porsche greindu frá því
í síðasta mánuði að afkoman yrði
undir væntingum vegna áhrifa af
dísilsvindli Volkswagen, en Porsche
er í eigu Volkswagen Group.
Fyrirtækið áætlar nú að hagnaður
ársins muni nema milli 800 og 1.800
milljóna evra, eða milli 113 og 253
milljarða íslenskra króna. Það er
veruleg lækkun milli ára, en hagnað-
ur Porsche nam þremur milljörðum
evra, eða 424 milljörðum íslenskra
króna, árið 2014.
Porsche á 30,8 prósent af hlutafé
Volkswagen. Hlutabréfaverð
VW  þess hefur lækkað um helm-
ing síðan greint var frá svindlinu
í byrjun september sem hefur því
haft veruleg áhrif á stöðu Porsche
sem og VW. Í síðasta mánuði greindi
Volkswagen frá fyrsta tapi á árs-
fjórðungi í yfir fimmtán ár. – sg
Hagnaður Porsche
helmingast frá síðasta ári
Janet Yellen er seðlabankastjóri Banda-
ríkjanna. FréttaBlaðið/EPa
Porsche á yfir 30 prósent af hlutabréfum Volkswagen. FréttaBlaðið/Valgarður gíslason
Hagnaður Vogabakka sem við-
skiptafélagarnir Árni Hauksson
og Hallbjörn Karlsson eiga nam
rúmlega 2,7 milljónum evra á
síðasta ári eða sem samsvarar um
387 milljónum íslenskra króna.
Þetta er töluvert minni hagnaður
en árið áður þegar hann nam tæp-
lega 8,4 milljónum evra. Þetta má
lesa út úr ársreikningi sem birtur
hefur verið í ársreikningaskrá.
Eignir Vogabakka nema tæplega
34 milljónum evra, eða rétt undir
4,8 milljörðum íslenskra króna.
Eigið fé nemur 25,6 milljónum
evra. Það samsvarar um 3,6 millj-
örðum króna.  
Þeir Árni og Hallbjörn eru
kunnir kaupsýslumenn. Þeir
leiddu báðir fjárfestahóp sem
keypti hlut í Högum árið 2011 og
voru jafnframt í fjárfestahópi sem
keypti samtals 5 prósenta hlut í
Símanum í sumar. Mjög stór hluti
eigna Árna og Hallbjörns er þó
erlendis, að því er fram kemur í
ársreikningnum. – jhh
Félag Árna og Hallbjörns
á 3,6 milljarða króna
Árni Hauksson Hallbjörn Karlsson
Áætlanir tveggja hópa um að kaupa
upp hluti í VÍS með það að mark-
miði að ná inn manni í stjórn gengu
eftir á hluthafafundi félagsins í gær.
Annars vegar var um að ræða
félagið Óskabein ehf. sem hefur
keypt ríflega fimm prósenta hlut
í VÍS síðastliðinn mánuð og hins
vegar hjónin Guðmund Þórðarson
og Svanhildi Nönnu Vigfúsdóttur,
fyrrum eigendur Skeljungs.
Guðmundur og Svanhildur boð-
uðu til hluthafafundarins þann 17.
október eftir að hafa eignast 5,05
prósenta hlut í VÍS. Að lágmarki
þarf fimm prósenta eignarhlut í
VÍS til að boða til hluthafafundar.
Hjónin voru bæði í framboði en
Svanhildur dró framboð sitt óvænt
til baka í gærmorgun þar sem hjón-
in töldu sig ekki bæði eiga mögu-
leika á að ná stjórnarkjöri.
Guðmundur og Norðmaðurinn
Jostein Sørvoll, fulltrúi Óskabeins,
náðu báðir kjöri í stjórn. Sørvoll
hefur áratuga reynslu af trygginga-
rekstri í heimalandinu og víðar en
hann er stjórnarformaður norska
tryggingarfélagsins Protector For-
sikring.
Með þeim í stjórninni verða
Bjarni Brynjólfsson, Helga Jóns-
dóttir og Herdís Fjeldsted. Helga
og Herdís voru sjálfkjörnar eftir
að Svanhildur dró framboð sitt til
baka.
Afkoma VÍS hefur verið undir
væntingum markaðsaðila. Hluta-
bréf í tryggingafyrirtækinu hafa
fallið um 6,5 prósent frá því upp-
gjör félagsins á þriðja ársfjórðungi
var kynnt þann 29. október. Hagn-
aður VÍS nam tveimur milljörðum
á fyrstu níu mánuðum ársins
samanborið við 900 milljóna króna
hagnað á sama tímabili í fyrra.
Framlegð af tryggingarekstri var
hins vegar neikvæð um 468 millj-
ónir samanborið við 20 milljóna
króna jákvæða framlegð á síðasta
ári.
Andri Gunnarsson, lögmaður,
og einn eigenda Óskabeins og
nýkjörinn varamaður í stjórn VÍS,
segir bæði vátryggingar- og fjár-
festingarhluta VÍS hafa valdið
vonbrigðum á síðasta ársfjórðungi.
Hann segir aðra hluthafa hafa tekið
jákvætt í hugmyndir sem Óskabein
hafi kynnt um umbætur í rekstri
félagsins. „Rekstrarkostnaður er
eitthvað sem þarf að horfa til. Nú er
VÍS að innleiða nýtt tölvukerfi sem
gefur mikil tækifæri í skilvirkni og
rekstrar hagræðingu,“ segir hann.
Þá þurfi að keppa að því að hagn-
aður verði af vátryggingastarfsemi
félagsins.
Andri býst ekki við að stjórnar-
kjöri fylgi breytingar á æðstu
stjórnendum VÍS. „Þetta endur-
speglar sannarlega einhverjar
áherslubreytingar en maður finnur
það á hluthöfum að menn eru mjög
spenntir að vinna með núverandi
stjórnendum til þess að efla félagið
enn frekar,“ segir Andri við Mark-
aðinn
Meðal annarra hluthafa í Óska-
beini eru Gestur B. Gestsson, eig-
andi Sparnaðar, Fannar Ólafsson,
eigandi Íshesta og hluthafi KEA-
hótela, Sigurður Gísli Björnsson,
eigandi Sæmark sjávarafurða.
ingvar@frettabladid.is
Vill efla félagið með
núverandi stjórnendum
Áætlanir tveggja hópa um að kaupa hluti í VÍS til að ná inn manni í stjórn gengu
eftir. Hóparnir telja rými til að bæta afkomu félagsins sem hefur valdið vonbrigðum.
ljósmyndari Fréttablaðsins kom að lokuðum dyrum fyrir hluthafafund Vís síð-
degis í gær. Fulltrúar félagsins vildu ekki leyfa neinar myndatökur á fundinum.
FréttaBlaðið/anton BrinK
Þetta endurspeglar
sannarlega ein-
hverjar áherslubreytingar
en maður finnur það á hlut-
höfum að menn eru mjög
spenntir að vinna með nú-
verandi stjórnendum til að
efla félagið enn frekar.
Andri Gunnarsson lögmaður,
Fulltrúar peningastefnunefndar
Seðlabanka Íslands mæta á fund efna-
hags- og viðskiptanefndar Alþingis í
dag. Fundurinn fer fram samkvæmt
lögum um Seðlabanka Íslands. Þau
gera ráð fyrir að peningastefnu-
nefndin gefi Alþingi skýrslu um störf
sín tvisvar á ári og efni hennar sé
rætt í nefndinni. Seðlabanki Íslands
hækkaði vexti um 0,25 prósentustig í
síðustu viku og hefur samtals hækkað
vexti um 1,25 prósentustig það sem af
er ári. Hækkunin kom flestum á óvart.
Til að mynda höfðu greiningardeildir
bankanna búist við óbreyttum vöxt-
um. Viðbrögð markaðarins urðu þau
að gengi hlutabréfa tók dýfu og vextir
á skuldabréfamarkaði hækkuðu um
0,25 til 0,4 prósentustig.
Peningastefnunefnd rökstyður
hækkunina þannig að sterkari króna
og hagstæðari alþjóðleg verðlagsþró-
un hafi gefið svigrúm til að hækka
vexti hægar en áður var talið nauð-
synlegt. „Það breytir hins vegar ekki
því að þörf er á auknu aðhaldi pen-
ingastefnunnar á næstu misserum
í ljósi vaxandi innlends verðbólgu-
þrýstings. Hve mikið og hve hratt það
gerist ræðst af framvindunni og því
hvernig greiðist úr þeirri óvissu sem
nú er til staðar í efnahagsmálum,“
segir peningastefnunefnd.
Már Guðmundsson seðlabanka-
stjóri, Þórarinn G. Pétursson aðal-
hagfræðingur og Katrín Ólafsdóttir,
lektor í hagfræði við Háskólann í
Reykjavík, mæta á fundinn. Öll eiga
þau sæti í peningastefnunefnd. – jhh
Seðlabankinn gefur þinginu skýrslu
Már guðmundsson seðlabankastjóri mun mæta á fundinn. FréttaBlaðið/gVa
1 1 . n ó v e m b e r 2 0 1 5 m I Ð v I K U D A G U r4 markaðurinn
1
2
-1
1
-2
0
1
5

1
5
:5
4
F
B
0
4
8
s
_
P
0
3
2
K
.p
1
.p
d
f
F
B
0
4
8
s
_
P
0
2
9
K
.p
1
.p
d
f
F
B
0
4
8
s
_
P
0
1
7
K
.p
1
.p
d
f
F
B
0
4
8
s
_
P
0
2
0
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
1
6
E
E
-C
7
7
4
1
6
E
E
-C
6
3
8
1
6
E
E
-C
4
F
C
1
6
E
E
-C
3
C
0
2
7
5
X
4
0
0
.0
0
1
6
A

F
B
0
4
8
s
_
1
0
_
1
1
_
2
0
1
C
M
Y
K