Dagblaðið Vísir - DV - 16.10.2009, Page 40

40 föstudagur 16. október 2009 helgarblað
Árni Grétar fæddist á Akranesi og ólst
þar upp. Hann bjó í Hafnarfirði á vet-
urna á námsárunum og flutti þangað
1957 og var þar búsettur síðan.
Árni Grétar lauk stúdentsprófi frá
VÍ 1955, embættispróf í lögfræði frá
HÍ 1961, öðlaðist hdl.-réttindi 1962
og hrl.-réttindi 1967.
Árni Grétar starfrækti eigin lög-
fræðiskrifstofu í Hafnarfirði á árun-
um 1961- 2007. Hann var jafnframt
umboðsmaður Sjóvátryggingafélags
Íslands í Hafnarfirði 1962-89 og Sjó-
vá-Almennra trygginga í Hafnarfirði
1989-95.
Árni Grétar var varabæjarfulltrúi í
Hafnarfirði 1962-66, bæjarfulltrúi þar
1966-90, sat í bæjarráði 1970-82 og
1986-90 og var forseti bæjarstjórnar
1982-86. Hann var formaður fræðslu-
ráðs Hafnarfjarðar 1962-70 og sat
jafnframt í hafnarstjórn og hitaveitu-
nefnd. Þá sat hann í stjórn Lands-
virkjunar, Sparisjóðs Hafnarfjarðar,
St. Jósefsspítala, markaðsskrifstofu
iðnaðarráðuneytisins og Landsvirkj-
unar (síðar Fjárfestingastofunnar)
í stjórn Íslenskra aðalverktaka og
stjórnarformaður 1994-96, í stjórn
Bláa lónsins og Heilsufélags Bláa
lónsins og var fulltrúi Íslands á alls-
herjarþingi SÞ 1979.
Árni Grétar var formaður stúd-
entaráðs HÍ og fulltrúi stúdenta í há-
skólaráði, var ritstjóri stúdentablaðs
um skeið, sat í stjórn Þórs, félags
ungra sjálfstæðismanna á Akranesi
1950-57, var formaður Stefnis, félags
ungra sjálfstæðismanna í Hafnarfirði
1958-62, formaður SUS 1964-67, í
stjórn kjördæmisráðs sjálfstæðisfé-
lagana í Reykjaneskjördæmi 1960-
66, í miðstjórn Sjálfstæðisflokksins
1964-67, formaður Fulltrúaráðs sjálf-
stæðisfélaganna í Hafnarfirði 1978-
80 og var ritstjóri Hamars í mörg ár.
Árni Grétar var formaður Taflfé-
lags Hafnarfjarðar 1956-57. Hann var
skákmeistari Taflfélags Hafnarfjarð-
ar 1954, hraðskákmeistari Akraness
1954-56, var í sveit Íslands á heims-
meistaramóti stúdenta í Reykjavík
1957 og í Búlgaríu 1958.
Árni Grétar sendi frá sér ljóða-
bækurnar Leikur að orðum, 1982;
Skiptir það máli,1990, Septemberrós,
1997 og Fiðluleikarinn,. 2007..
Fjölskylda
Árni Grétar kvæntist 9.6. 1957 Sigríði
Oliversdóttur, f. 18.6. 1935, húsmóð-
ur. Foreldrar hennar: Oliver Guð-
mundsson frá Ólafsvík, f. 10.1. 1908,
d. 29.8. 1982, prentari og tónskáld í
Reykjavík, og f.k.h., Lovísa Edvards-
dóttir frá Hellissandi, f. 29.5. 1913, d.
26.3. 1983, húsmóðir.
Börn Árna Grétars og Sigríðar
eru Lovísa, f. 29.9. 1959, húsmóð-
ir í Hafnarfirði, gift Viðari Péturs-
syni framkvæmdastjóra, og eru börn
þeirra Sigríður Erla, Pétur, Davíð og
Finnur Árni; Finnur, f. 12.9. 1961,
rekstrarhagfræðingur í Hafnarfirði,
kvæntur Önnu Maríu Urbancic við-
skiptafræðingi og eru börn þeirra
Árni Grétar, Ebba Katrín, Oliver Páll
og Viktor Pétur; Ingibjörg, f. 21.11.
1972, lögfræðingurí Hafnarfirði en
maður hennar er Jónas Þór Guð-
mundsson hrl. í Hafnarfirði og eru
börn þeirra Guðmundur Már, Lovísa
Margrét og Stefán Árni..
Systkini Árna Grétars: Anna, f.
11.6. 1940, fyrrv. ritari í fjármálaráðu-
neytinu, gift Trausta Þorsteinssyni;
Trausti, f. 14.4. 1947, rafvirki, kvænt-
ur Guðrúnu Stellu Gunnarsdóttur.
Foreldrar Árna Grétars: Finnur
Árnason, f. 5.2. 1905, d. 24.5. 1980,
trésmíðameistari og verkstjóri á
Akranesi og síðar í Hafnarfirði, og
k.h., Eygló Gamalíelsdóttir, f. 23.9.
1910, d.2.7. 1995, húsmóðir.
Ætt
Bræður Finns voru Aðalsteinn múr-
arameistari, Jón alþm. og Lárus mál-
arameistari, allir á Akranesi. Finnur
var sonur Árna, trésmíðameistara á
Akranesi Árnasonar. Móðir Árna tré-
smíðameistara var Sigríður Jóhann-
esdóttir Hansen, sjómanns í Hafn-
arfirði Péturssonar Hansen, beykis í
Reykjavík.
Móðir Finns var Margrét Finns-
dóttir, Gíslasonar, sjómanns á Sýru-
parti á Akranesi Gíslasonar en lang-
afi hans var Hans Klingenberg, b. á
Krossi á Akranesi. Móðir Margétar
var Sesselía Bjarnadóttir, í Akrakoti í
Innri-Akraneshreppi Ólafssonar.
Bræður Eyglóar voru Kristján,
póstafgreiðslumaður í Hafnarfirði,
og Lárus, fyrrv. starfsmaður Rafveitu
Hafnarfjarðar, en þeir bræður voru
báðir meðal stofnenda Fimleikafé-
lags Hafnarfjarðar, FH, sem nú fagn-
ar áttatíu ára afmæli sínu. Hálfsystir
Eyglóar var Ingibjörg Sigurðardótt-
ir frá Árdal í Andakílshreppi. Eygló
er dóttir Gamalíels, sjómanns og
verkamanns í Hafnarfirði Jónssonar,
verkamanns í Hafnarfirði Þorsteins-
sonar, b. að Haugi í Gaulverjabæj-
arhreppi Felixsonar. Móðir Gamalí-
els var Ásdís Gamalíelsdóttir, á Gafli
í Flóa Gestssonar, b. á Hæli í Gnúp-
verjahreppi Gamalíelssonar.
Móðir Eyglóar var Sigurbjörg
Björnsdóttir, vinnumanns í Þingnesi,
Jónssonar, Árnasonar. Móðir Sigur-
bjargar var Þóra Jónsdóttir, b. á Graf-
arkoti í Reykholtsdal, Sveinssonar.
Móðir Þóru var Guðrún Bjarnadótt-
ir, b. að Vatnshorni í Skorradal, Her-
mannssonar.
Jarðarförin fer fram frá Hafnar-
fjarðarkirkju miðvikudaginn 21.10.
kl. 15.00.
minning
Árni Grétar Finnsson
hrl. og fyrrv. forseti bæjarstjórnar hafnarfjarðar
Gunnlaugur fæddist á Litla-Ósi í Mið-
firði í Vestur-Húnavatnssýslu og ólst
þar upp við öll hefðbundin sveitastörf
þess tíma. Hann stundaði nám við
Héraðsskólann að Reykjum í Hrúta-
firði og var í vegavinnu um skeið.
Gunnlaugur stundaði búskap á
Útiblikastöðum í Miðfirði um skeið
en flutti með konu sinni í Hveragerði
1955. Þar festu þau kaup á húsi í Hvera-
hlíðinni og áttu þar heima næstu fimm
áratugina. Þau fluttu í þjónustuíbúð
dvalar- og hjúkrunarheimilisins Áss í
Hveragerði 2001 og voru þar búsett til
2007 er þau fluttu á dvalar- og hjúkr-
unarheimilið Grund.
Gunnlaugur sinnti ýmsum almenn-
um störfum í Hveragerði fyrstu árin en
hóf síðan störf hjá Heilsu-
hæli NLFÍ í Hveragerði
(Heilsustofnun NLFÍ) og
starfaði þar um langt ára-
bil.
Fjölskylda
Gunnlaugur kvæntist 5.8.
1953 Úrsúlu Elfriede Ósk-
arsdóttur, f. 30.4. 1922,
d. 21.10. 2008, húsmóð-
ur. Hún var dóttir Karls
Júlíusar Óskars Hafner, f.
1890, d. 1981, og Emmu Margretar
Ellu Hafner, f. 1894, d. 1993.
Börn Gunnlaugs og Úrsúlu eru
Kolbrún Emma Gunnlaugsdóttir, f.
25.8. 1954, leikskólakennari í Hafn-
arfirði en maður hennar er Sverrir
Andrésson stýrimaður og eru börn
þeirra Gunnlaugur Reynir, f. 1979,
Sigrún, f. 1981 og Elfar Smári, f.
1988; Ingibjörg Jóhanna Gunnlaugs-
dóttir, f. 11.5. 1956, framkvæmda-
stjóri í Kópavogi en mað-
ur hennar er Brynjólfur
Jónsson skógfræðingur
og eru börn þeirra Úlfar
Freyr, f. 1982, Eiríkur, f.
1983, Birkir Þór, f. 1989
og Birta Rós, f. 1992; Karl
Óskar Gunnlaugsson, f.
12.9. 1960, bifvélavirkja-
meistari í Hveragerði og
eru börn hans og Lilju
Guðnadóttur Sandra,
f. 1989, og Karen Sif, f.
1992.
Systkini Gunnlaugs: Hildur, f.
1916, d. 1988; Jón, f. 1917, d. 1990;
Þorvaldur, f. 1919; Ingibjörg, f. 1933.
Foreldrar Gunnlaugs voru Björn
Jónsson, f. 1887, d. 1966, bóndi og
söðlasmiður á Litla-Ósi í Miðfirði,
og k.h., Jóhanna Gunnlaugsdóttir, f.
1887, d. 1982, húsfreyja.
Útför Gunnlaugs fór fram frá
Kópavogskirkju í gær.
andlát
Gunnlaugur Björnsson
starfsmaður heilsuhælis nlfÍ Í hveragerði
fæddur 17. október 1930
Jón
Haraldsson
arkitekt
Jón Haraldsson fæddist í Reykja-
vík, sonur Haraldar Björnssonar
leikara og Júlíönu Friðriksdóttur
hjúkrunarkonu. Bróðir Harald-
ar var Jón, skólastjóri á Sauðár-
króki, faðir Stefáns arkitekts, föð-
ur Stefáns Arnar arkitekts. Móðir
Haraldar og Jóns
var Þorbjörg
Stefáns-
dóttir, syst-
ir Stefáns
skólameist-
ara, afa
Guðrúnar
Jónsdóttur
arkitekts.
Jón lauk tann-
læknaprófi frá HÍ 1956, prófum
í arkitektúr frá Norges Tekniske
Hogskole í Þrándheimi 1960
og stundaði framhaldsnám við
skipulag borga og bæja hjá Olli
Kivinen við Háskólann í Hels-
inki. Hann vann við tannlækn-
ingar 1956 og 1957, var arkitekt
í Kaupmannahöfn 1961-62 en
starfrækti síðan eigin teiknistofu
í Reykjavík. Meðal verka Jóns má
nefna Apótekið á Dalvík, ein-
býlishúsið Fitjar á Kjalarnesi og
Stykkishólmskirkju. Hann fékk
fyrstu verðlaun í samkeppni
um skipulag Hafnarfjarðar 1962
en bók um það skipulag kom
út 1964. Jón var í hópi þekktari
íslenskra arkitekta á sinni tið,
hafði ákveðnar skoðanir á skipu-
lagsmálum og var óhræddur að
láta þær í ljós. Hann lést 28. maí
1989.
fæddur 16. október 1887
Stefán frá
Hvítadal
skáld
Stefán fæddist á Hólmavík, son-
ur Sigurðar Sigurðssonar kirkju-
smiðs og Guðrúnar Jónsdóttur.
Stefán ólst upp á Stóra-Fjarðar-
horni við Kollafjörð og í Hvíta-
dal í Saurbæ. Hann lærði prent
á ísafirði og í
Reykjavík,
var í Noregi
1912-1915,
m.a. á
heilsu-
hælum
sökum
tæring-
ar, stofn-
aði heimili
á Ballará, var á Krossi
á Skarðsströnd en bóndi í Bessa-
tungu í Saurbæ frá 1925 og til
æviloka 1933.
Stefán gerðist ungur kaþ-
ólskrar trúar og hafði kaþólsk
áhrif á þá Stein Steinar og Hall-
dór Laxness. Ljóðabækur hans:
Sóngvar förumannsins, Óður
einyrkjans, Heilög kirkja, Hels-
ingjar, og Anno Domini.
Söngvar förumannsins eru
tímamótaverk í íslenskri ljóðlist
sem gera höfund sinn að einu
fremsta skáldi nýrómantísku
stefnunnar, og ásamt Davíð Stef-
ánssyni, (Svartar fjaðrir, 1919),
að helsta boðbera hinnar kraft-
miklu og rómantísku aldamóta-
kynslóðar. Ýmis höfuðskáld hafa
skrifað um Stefán og dásamað
skáldskap hans, s.s. Tómas Guð-
mundsson sem gaf út heildar-
ljóðasafn hans, meistari Þór-
bergur sem brallaði með honum
í Unuhúsi og víðar, Halldór
Laxness í bókinni Af skáldum í
Sjömeistarasögu, Hannes Pét-
ursson í Eimreiðinni 1972.
merkir
Íslendingar
f. 3.8. 1934, d. 11.10. 2009,
f. 18.5. 1922, d. 5.10. 2009
Eftirmæli
Ingvar Viktorsson sat í bæjarstjórn
Hafnarfjarðar með Árna Grétari í
tólf ár. Hann segir þá hafa eldað
grátt silfur í pólitík, verandi hvor í
sínum flokknum, en þar fyrir utan
hafi þeir verið miklir félagar.
„Árni var ákaflega góður drengur og
við áttum góðar stundir saman. Þrátt
fyrir að hann væri svakalega harður
í stjórnmálabaráttunni sætti hann
sig við málin þegar niðurstaða var
komin í þau.
Árni gat verið tveir persónuleikar.
Hann gat verið grimmur í pólitíkinni,
en svo þegar við settumst niður í
kaffi fór hann með ljóð fyrir mig.
Hugljúf og falleg ljóð. Hann var mikill
ljóðaunnandi og samdi náttúrlega
ljóðabækur og þær eru sko ekki í
harðari kantinum. Þau eru mjög
mjúk og falleg ljóðin hans, mikið um
ástina og það fallega í lífinu. Hann
gat því verið eins og dr. Jekyll og mr.
Hyde, jafnvel á sama bæjarstjórnar-
fundinum.“
Ingvar segir líka hafa vottað fyrir
stríðni hjá Árna. Til dæmis þegar
Ingvar kom ungur maður inn í bæjar-
pólitíkina í Hafnarfirði fyrir Alþýðu-
flokkinn sagði Árni honum fyrir fyrsta
fundinn að hann yrði að geyma öll
gögn. „Ég náttúrlega hlustaði á hinn
aldna foringja Sjálfstæðisflokksins.
En svo eftir þriðja eða fjórða fund
þegar ég sagði við hann að þetta
stefndi í mikinn pappírsbunka hló
hann og sagði: „Blessaður vertu, ég
hendi þessu um leið og ég er kominn
út af fundi.“
Lúðvík Geirsson, bæjarstjóri
Hafnarfjarðar, kynntist Árna í
gegnum bæjarmálin.
„Árni var mér mjög eftirminnilegur
vegna þess að hann var mjög
hæglátur en fylginn sér. Og hann var
foringi á sinn sérstaka hátt í sínu liði.
Fyrir utan argaþras stjórnmálanna
átti hann sinn heim sem var ljóð-
listin. Hann var mikið ljóðskáld og
eftir hann liggja mjög góðar bækur
með miklum perlum. Það eru ekki
allir sem geta blandað þessu tvennu
svona vel saman.“
Lúðvík segir Árna hafa gert Hafnar-
fjarðarbæ mikið gagn. „Hann markaði
hér sín spor með skýrum hætti, enda
var hann viðloðandi bæjarmálin í á
fjórða áratug. Það eru ekki allir sem
halda það út með þeim mikla sóma
sem Árni gerði. Og ég fékk oft góð
ráð og ábendingar frá honum þegar
við mættumst úti á götu. Hann hafði
hugann við bæjarmálin alla tíð.“