Dagblaðið Vísir - DV - 02.11.2009, Blaðsíða 15
fréttir 2. nóvember 2009 mánudagur 15
Skattar Skelfa orkuriSana
Óttast uppsagnir Forsvarsmenn
stóriðjunnar óttast afleiðingar
fyrirhugaðrar skattlagningar.
Ekki lengur varin
Ólafur Teitur Guðnason, upplýs-
ingafulltrúi Alcan á Íslandi, segir
óljóst hvort fyrirtækið sé varið gegn
fyrirhugaðri skattlagningu. Hann
óttast að fótunum verði kippt undan
fyrirtækinu. „Við erum áhyggjufull.
Lengi vel vorum við klárlega varin
gegn svona löguðu en erum líklega
ekki lengur. Við erum því ekki með
eins sterka vörn og við vorum með
áður og því ekki ljóst hvort við séum
í skjóli. Það er þungt yfir okkur núna
því okkur sýnist þetta geta kostað
okkur 1-2 milljarða á ári. Það eru
ekkert mörg fyrirtæki sem þola það.
Slíkt myndi að minnsta kosti stroka
út hagnað fyrirtækisins á þessu ári
og menn sætta sig líklega ekki við
það,“ segir Ólafur Teitur.
„Í samningi okkar eru ákvæði al-
menns eðlis um að ekki megi kippa
fótunum undan fyrirtækinu og gæti
verið að slíkt ákvæði eigi við. Það er
því hreinlega vandséð hvernig við
getum mætt þessu og þetta kem-
ur eins og þruma úr heiðskíru lofti.
Við vonumst að sjálfsögðu til þess
að hætt verði við þessa skatta. Við
erum að borga nú þegar mjög mik-
ið, eða 1.800 milljónir í fyrra, og við
erum því svo sannarlega að leggja
okkar af mörkum nú þegar.“
Stóriðja til staðar
Væntanleg stóriðja
Hugsanleg stóriðja
Aflþynnuverksmiðja
Aflþynnuverksmiðja
Álver / orkufrekur iðnaður
Álver
Gagnaver
Koltrefjaverksmiðja
Íslensk stóriðja
Ríkisstjórn Íslands hefur boðað endurskoðun
á áformum sínum um að leggja á nýjan orku-,
auðlinda- og umhverfisskatt. Talsmenn stóriðju-
fyrirtækja óttast leggist fyrirhugaður orku- og
auðlindaskattur á fyrirtækin. Þeir eru sammála um
að komi til skattlagningarinnar þurfi að bregðast
við með niðurskurði og hugsanlegum fjöldaupp-
sögnum. Kortið sýnir þá stóriðju sem nú er í gangi
á Íslandi, ásamt væntanlegri stóriðju þar sem
samkomulag af einhverju tagi liggur fyrir og svo
hugsanlega stóriðju þar sem fyrirtæki hafa lýst vilja
sínum og verkefni eru í skoðun.