Dagblaðið Vísir - DV - 16.11.2009, Page 2

2 mánudagur 16. nóvember 2009 fréttir
Mótframboð Einars Skúlasonar gegn
Óskari Bergssyni í efsta sæti fram-
boðslista Framsóknarflokksins eykur
spennuna fyrir borgarstjórnarkosn-
ingarnar og jafnframt óvissuna um
myndun meirihluta eftir kosning-
arnar næsta vor.
Einar segir stuðninginn við sig svo
víðtækan að ekki verði framhjá hon-
um horft. „Það hófst ferli á flokks-
þinginu í janúar þar sem þúsund
manns gerðu ákveðnar breytingar á
flokknum. Það eimir enn af þessum
kröfum um breytingar. Ég er hluti af
þessu breytingaferli,“ segir Einar sem
lítur á sig sem frjálslyndan framsókn-
armann. „Ég legg áherslu á fólkið í
borginni og þá sérstaklega á börn og
unglinga. Það þarf að passa upp á að
viðkvæmustu hóparnir þurfi ekki að
bera þyngstu byrðarnar.“
Óskar Bergsson segir að mót-
framboð Einars hafi komið sér á
óvart. „Flokknum hér í borginni
hefur vegnað vel eftir að ég tók við
við, en það var við erfiðar aðstæður.
Virki hópurinn innan borgarstjórn-
arflokksins hefur ekki verið jafnstór
í háa herrans tíð. Meirihlutasam-
starfið gengur líka vel. Framsóknar-
flokkurinn mælist nú með mann inni
á kjörtímabili sem hefur ekki gerst
árum saman.
Framsókn í lykilhlutverk
Framboð Einars Skúlasonar gegn
Óskari kann að hafa víðtækari afleið-
ingar en ætla má við fyrstu sýn. Fyrr-
verandi samherjar Óskars í minni-
hluta borgarstjórnar telja að hann
hafi rækilega snúið baki við þeim og
brotið brýr að baki sér í samskiptum
við fulltrúa VG og Samfylkingar.
Á það er einnig bent að Einar
Skúlason sé gamall samverkamaður
Dags B. Eggertssonar í háskólapólit-
íkinni og Einar hafi yfirleitt sterkari
taugar til meirihlutamyndunar með
VG og Samfylkingu en Óskar.
Frambjóðendur úr mörgum
flokkum, sem DV ræddi við um helg-
ina, telja einnig möguleika á að Ein-
ar Skúlason laði fylgi til Famsókn-
arflokksins frá öðrum flokkum, nái
hann efsta sætinu á kjörfundi flokks-
ins í höfuðborginni laugardaginn
28. nóvember næstkomandi. Krafan
um endurnýjun eftir bankahrunið er
enn sterk meðal kjósenda. Það er tal-
ið koma honum til góða að vera nýtt
andlit meðal borgarfulltrúa en nú-
verandi borgarfulltrúar sækjast nær
allir eftir efstu sætum á framboðslist-
um flokkanna í borgartjórnarkosn-
ingunum næsta vor.
Óskar í ólgusjó
Fleiri spjót standa á Óskari Bergs-
syni, eina borgarfulltrúa Framsókn-
arflokksins. Pólitískir andstæðingar
saka hann um að hafa beitt áhrifum
sínum til þess að koma byggingarfyr-
irtækinu Eykt hf. að í miðju útboðs-
ferli sem Reykjavíkurborg efndi til
um uppsteypu á brunareitnum svo-
nefnda á horni Lækjargötu og Aust-
urstrætis. Tengsl hans við verktaka-
fyrirtækið frá fyrri tíð eru þekkt þar
sem hann var meðal annars bygg-
ingarstjóri. Eykt lagði fram 5 milljón-
ir króna til Framsóknarflokksins árið
2006, sem var stærsta einstaka fram-
lagið frá fyrirtækjum til flokksins síð-
asta árið áður en ný lög tóku gildi 1.
janúar 2007 um fjármál stjórnmála-
flokka.
Þá hefur Gestur Guðjónsson, sem
meðal annars hefur verið formað-
ur kjördæmissambands Framsókn-
arflokksins í Reykjavík, sagt sig frá
trúnaðarstörfum fyrir flokkinn eftir
deilur við Óskar. Gestur sendi borg-
armálaflokki Framsóknarflokks-
ins, liðlega 30 manns, bréf fyrir um
nokkrum vikum þar sem hann lýsti
því að hann væri hættur störfum fyr-
ir flokkinn af ótta við róg og baktal
manna á vegum Óskars.
Fréttablaðið komst yfir bréfið og
birti brot úr því í lok október. Gestur
staðfestir við DV að hafa sent bréfið
og segist standa við efni þess. Hann
hafi aftur á móti ekki sagt skilið við
Framsóknarflokkinn þótt kastast hafi
í kekki með honum og Óskari.
Óskar hafði farið þess á leit að
Gestur léti af störfum sem formaður
kjördæmasambandsins þegar hann
lýsti andstöðu við að ráða starfs-
mann á vegum Framsóknarflokksins
fram að kosningum. Óskar hefði vilj-
að hafa mann sem hann „geti treyst
að framkvæmi hlutina eins og hann
vilji, enda kosningavetur fram und-
an“ eins og segir í bréfi Gests. Gest-
ur segir ennfremur að hann hafi að-
eins átt tveggja kosta völ, „að taka
slaginn á kjördæmaþingi og lifa með
þeim rógi og baktali sem ég hef orðið
að upplifa af skósveinum Óskars þar
sem mér yrði kennt um allt sem afl-
aga færi í kosningabaráttunni... eða
að þakka fyrir mig og leyfa þeim að
eiga sviðið sem það vildu“.
Óskar hefur meðal annars svarað
röksemdum Gests á þá leið að hann
vilji deila áhrifum og virkja sem flesta
til verka innan flokksins.
Slagur um efstu sætin
Á fundi kjördæmisráðs Framsóknar-
flokksins fyrir nokkru var meðal ann-
ars samþykkt að jafnræði kynjanna
á framboðslista skuli tryggt með því
að í efstu 6 sætum listans séu að lág-
marki 3 af öðru kyninu en 6 af 12 efstu
sætunum. Kjörnefnd hefur heimild
til að breyta röð frambjóðenda til að
fullnægja þessu ákvæði.
Ákvæðið þykir mörgum býsna
rúmt, enda getur það leitt til þess að
til dæmis 3 karlar geti skipað efstu
þjú sæti listans.
Reyndar stefnir í harða baráttu
um annað sæti listans, en frestur til
þess að tilkynna framboð fyrir kjör-
fundinn í lok mánaðarins rann út
síðastliðinn laugardag. Listi fram-
bjóðenda hefur ekki verið birtur, sen
samkvæmt heimildum DV gefa þrjár
konur kost á sér í annað sætið. Þær
eru Valgerður Sveinsdóttir, Guðrún
Valdimarsdóttir og Salvör Gissurar-
dóttir. Hallur Magnússon og Guð-
laugur Gylfi Sverrisson sækjast eftir
þriðja sætinu en báðir eru þeir nánir
samstarfsmenn Óskars.
Allir fram sem einn
Sjálfstæðisflokkurinn í Reykjavíkur
hefur ákveðið að halda prófkjör laug-
ardaginn 23. janúar næstkomandi og
rennur frestur til að tilkynna þátttöku
út 15. desember.
Þar verður mjög tekist á um efstu
sætin á eftir Hönnu Birnu Kristjáns-
dóttur sem þykir hafa styrkt stöðu
sína sem borgarstjóri. Auk hennar er
ljóst að borgarfulltrúarnir Gísli Mart-
einn Baldursson, Kjartan Magnús-
son, Þorbjörg Helga Vigfúsdóttir,
Jórunn Frímannsdóttir og Júlíus Víf-
ill Ingvarsson gefa kost á sér í efstu
sæti. Óvíst er hvort Vilhjálmur. Þ.
Vilhjálmsson gefi kost á sér en hann
hefur opinberlega ekki svarað af-
dráttarlaust af eða á.
Margir aðrir út borgarstjórnar-
hópi og meðal varaborgarfulltrúa
ætla einnig að gefa kost á sér í próf-
kjörinu í janúar. Má þar nefna Sif
Sigfúsdóttur, Áslaugu Friðriksdóttur,
Mörtu Guðjónsdóttur, Árna Helga-
son, Fanneyju Birnu Jónsdóttur og
fleiri.
Málum ráðið á miðvikudag
Sama er uppi á teningnum í Samfylk-
ingunni sem heldur einnig prófkjör í
janúar. Flestir ef ekki allir núverandi
borgarfulltrúar flokksins ætla að gefa
kost á sér áfram í prófkjöri. Það á við
um Dag B. Eggertsson, Björk Vil-
helmsdóttur, Oddnýju Sturludóttur
og Sigrúnu Elsu Smáradóttur. Aðal-
fundur fulltrúaráðs Samfylkingar-
innar í Reykjavík hefur verið boðað-
ur á miðvikudag í þessari viku, en
þar verður ákveðinn framboðsfrestur
Slagurinn hafinn um borgina
JÓhAnn hAukSSon
blaðamaður skrifar: johannh@dv.is
Mótframboð Einars Skúlasonar í efsta sæti Framsóknarflokksins fyrir borgarstjórn-
arkosningarnar kom Óskari Bergssyni í opna skjöldu. Sigurvegarinn á kjörfundi
flokksins í lok mánaðarins getur ráðið úrslitum um það hvort núverandi meirihluti
heldur velli eða hvort efnt verði til nýs R-lista samstarfs.
Borgarstjórinn Hanna Birna Kristjáns-
dóttir borgarstjóri nýtur víðtæks stuðn-
ings innan Sjálfstæðisflokksins meðal
annars Kjartans Gunnarssonar, Davíðs
Oddssonar og Björns Bjarnasonar.
Framboð Einars Skúlasonar gegn Óskari kann að hafa
víðtækari afleiðingar en ætla má við fyrstu sýn. Fyrrverandi
samherjar Óskars í minnihluta borgarstjórnar telja að hann hafi
rækilega snúið baki við þeim og brotið brýr að baki sér í samskipt-
um við fulltrúa VG og Samfylkingar.
Borgarstjórn Úti er um friðinn
sem skapast hefur um borgarmál-
in undanfarin tvö til þrjú misseri.