Dagblaðið Vísir - DV - 16.11.2009, Blaðsíða 17
fréttir 16. nóvember 2009 mánudagur 17
Kúamykja til
kyndingar
Verksmiðja sem breytir kúa-
mykju í orku var opnuð í Hol-
landi fyrir helgi. Mykja frá kúm á
nærliggjandi býlum, ásamt gróðri
og matarleifum úr matvælaiðn-
aði, er látin gerjast og lífrænt gas
sem myndast við gerjunarferlið
er nýtt til að knýja hverfil verk-
smiðjunnar.
Hitanum sem myndast verður
dreift til um 1.100 heimila í Lee-
uwarden, sem er í norðurhluta
landsins, segir í tilkynningu frá
verksmiðjunni.
Fyrirtæki í Evrópu og víðar
hafa fjárfest í verksmiðjum sem
framleiða lífrænt gas.
Sögulegur fundur Obama og forsætisráðherra Mjanmar:
Krafðist lausnar Suu Kyi
Barack Obama Bandaríkjaforseti hvatti
stjórnvöld Mjanmar til að sleppa úr
haldi Aung San Suu Kyi, leiðtoga lýð-
ræðisafla í landinu. Obama setti fram
kröfu sína á sögulegum fundi með
Thein Sein, forsætisráðherra Mjan-
mar.
Fundurinn átti sér stað um helg-
ina í Singapúr þar sem leiðtogar As-
ean, sambands suðaustur-Asíuríkja,
hittust.
Talsmaður Hvíta hússins, Robert
Gibbs, skýrði fréttamönnum frá því að
Barack Obama hefði tekið málið „beint
upp við ríkisstjórn [Mjanmar]“ og gaf í
skyn að Obama hefði átt beinar sam-
ræður við Thein Sein. Samkvæmt öðr-
um fréttum tók Bandaríkjaforseti ekki
í hönd mjanmarska forsætisráðherr-
ans.
Barack Obama mun vera fyrsti for-
seti Bandaríkjanna síðan 1966, í valda-
tíð Lyndons Johnson, sem er staddur í
sama herbergi og leiðtogi frá Mjanmar,
sem áður hét Búrma.
Einnig er um fyrsta fund bandarísks
forseta og leiðtoga Asean, en sam-
bandið var stofnað fyrir fjörutíu árum
þegar Vietnam-stríðið stóð sem hæst.
Aðild Mjanmar að fundinum var
tilkomin vegna samkomulags Asean
og Bandaríkjastjórnar og er talinn
liður í að koma á pólitískum endur-
bótum og bættum mannréttindum í
landinu.
Barack Obama Bandaríkjaforseti
tók nýlega upp samband við herfor-
ingjastjórnina í Mjanmar, en hyggst
þó ekki hvika frá refsiaðgerðum
gagnvart landinu fyrr en raunveru-
leg teikn sjást um framfarir á sviði
stjórnmála og mannréttinda.
Haldist í hendur Barack Obama (annar f. h.) mun ekki hafa tekið í hönd Thein Sein (annar f. v). Mynd: AFP
Frakkar skemmta sér nú konung-
lega á kostnað Nicolas Sarkozy, for-
seta landsins, sem hefur orðið að-
hlátursefni vegna fullyrðingar hans
um að hann hafi hjálpað til við að
brjóta niður Berlínarmúrinn fyrir
tuttugu árum.
Sarkozy er, að mati landa hans,
umhugað um að vera í sviðsljós-
inu miðju og eftir að í ljós kom að
ljósmynd á Facebook-síðu forset-
ans, sem sýnir hann með hamar
við múrinn, var tekin eftir að múr-
inn féll hefur háðið í hans garð náð
nýjum hæðum.
Ekk er langt síðan hann gerði sig
að athlægi með því að fullyrða að
hann hefði á eigin spýtur bjargað
Evrópu undan alheims fjármála-
kreppu.
Bítillinn Sarkozy
Nicolas Sarkozy var dáraður í síð-
ustu viku vegna löngunar hans eft-
ir sviðsljósinu í röð breyttra ljós-
mynda sem sýndu hann meðal
annars fara fyrir Frökkum þegar
þeir sigruðu á heimsmeistaramót-
inu í knattspyrnu árið 1998 og ráð-
ast til atlögu við Bastilluna í frönsku
byltingunni 1789.
Einnig hefur hann verið sýndur
sitja við hlið Winstons Churchill,
forsætisráðherra Breta, á Yalta-
ráðstefnunni í kjölfar síðari heims-
styrjaldarinnar árið 1945. Á einni
ljósmyndinn er hann meðlim-
ur hljómsveitarinnar The Beatles.
Sarkozy „uppgötvar“ einnig Amer-
íku, finnur upp pensillínið og vinn-
ur til verðlauna á ólympíuleikun-
um. Síðast en ekki síst gekk hann á
tunglinu.
Háir hælar og vúdú-dúkka
Ekki hafa öll viðbrögð við ljósmynd-
inni af Sarkozy við Berlínarmúr-
inn einkennst af glensi. Þeir sem
heimsótt hafa Facebook-síðu for-
setans hafa sakað forsetaembætt-
ið um ritskoðun og kvartað yfir því
að neikvæðum athugasemdum um
framferði forsetans hafi verið eytt.
Haft var eftir talsmanni forsetans
að einungis hefðu verið fjarlægðar
athugasemdir af „hatursfullum og
dónalegum“ toga.
Nicolas Sarkozy ætti að vera
orðinn vanur því að vera tilefni
háðungar. Hann er afar meðvitað-
ur um hæð sína og gengur í skóm
með háum hælum sem hefur gert
hann berskjaldaðan fyrir rætnum
ummælum af hálfu andstæðinga
hans á vinstri vængnum. Hann hef-
ur oftar en einu sinni hótað lögsókn
þegar honum finnst of langt geng-
ið. Sem dæmi um slíkt má nefna
vúdú-dúkkuna sem gerð var í hans
mynd og seldist grimmt í verslun-
um Parísar á síðasta ári.
Bling-bling-forsetinn
Smekkur Frakklandsforseta á dýr-
um úrum, sólgleraugum og skart-
gripum öfluðu honum í árdaga
forsetaferilsins nafngiftina „le
president bling-bling“ eða bling-
bling-forsetinn. Í seinni tíð hafa
grínistar hins vegar í auknum
mæli beint sjónum að einræðis-
tilburðum hans og er hann gjarna
sýndur sem Napóleón eða Louis
fjórtándi, Frakklandskonungur.
Heldur betur hljóp á snærið
hjá skopmyndateiknurum þeg-
ar Sarkozy og Carla Bruni gengu í
hjónaband á síðasta ári og snérist
grínið mikuð um hæðarmuninn á
skötuhjúunum, enda er hin fyrr-
verandi fyrirsæta mun hærri en
forsetinn smávaxni.
Sem fyrr segir er Sarkozy afar
meðvitaður um takmarkaða hæð
sína og hafa ljósmyndir af hon-
um, standandi á tánum við hlið
Baracks Obama, Bandaríkjafor-
seta, orðið tilefni glens, sem og
örvæntingarfull tilraun hans til að
virðast hærri þegar hann var um-
kringdur lágvöxnum verksmiðju-
verkamönnum fyrir ekki margt
löngu.
Lítill drengur á litlum stól
Sjónvarpsfréttamaður einn var
látinn taka pokann eftir að hann
sagði Sarkozy haga sér eins og „lítill
drengur“ og í kjölfarið hefur sjón-
varpsþáttur sem þekktur er fyrir
kaldhæðni í garð stjórnmálamanna
sýnt forsetann sem barn sem til-
hneigingu hefur til að taka æðis-
köst.
Í einu atriði sem fjallaði um þá
hótun Sarkozys að yfirgefa G20-
ráðstefnuna, ef restin af heims-
byggðinni styddi ekki tillögur hans,
voru sæti leiðtoganna sýnd um-
hverfis stórt borð og sæti forsetans
var barnastóll í hásæti.
Frakklandsforseti hefur lofað
„að segja skilið við“ gamla, slæma
siði fortíðarinnar og tekið nýjum
samskiptamáta fagnandi. Hann á
þúsundir „vina“ á Facebook, en þar
er einmitt að finna fyrrnefnda ljós-
mynd af honum við Berlínarmúr-
inn.
Að sögn Alain Auffray, frétta-
manns sem fjallaði um fall múrs-
ins, er frásögn Sarkozys af eigin
þætti í falli múrsins „fullkominn
higarburður“, og ljósmyndin tekin
10. nóvember 1989, degi síðar en
Sarkozy heldur fram.
Málið hefur orðið hið vand-
ræðalegasta fyrir Nicolas Sarkozy,
og til að flækja málin enn frekar
hafa ýmsir embættismenn stutt
fullyrðingar Sarkozys.
KOLBeinn þOrSteinSSOn
blaðamaður skrifar: kolbeinn@dv.is
Frakklandsforseti hefur orðið aðhlátursefni vegna frásagnar af eigin þætti í falli Berlínarmúrsins fyrir
tuttugu árum. Grínið í hans garð hefur náð áður óþekktum hæðum vegna löngunar hans til að vera í
sviðsljósinu miðju og virðist hann vera ótæmandi uppspretta fyrir skopmyndateiknara og grínara.
Múrbrjóturinn
Sarkozy
Smekkur Frakklands-
forseta á dýrum úrum,
sólgleraugum og skart-
gripum öfluðu honum í
árdaga forsetaferilsins
nafngiftina „le presid-
ent bling-bling“ eða
bling-bling-forsetinn.
Við múrinn Sarkozy er talinn hafa gert sinn hlut stærri en tilefni er til.
napóleón Bónaparte Sarkozy hefur
gjarna verið líkt við Bónaparte vegna
einræðistilburða sinna.
Háir hælar Hæð Frakk-
landsforseta er honum
mikið áhyggjuefni.