Dagblaðið Vísir - DV - 16.11.2009, Blaðsíða 29
á mánudegi
Hvað veistu?
1. Ferð fjármálastjóra KSÍ á súlustað hefur verið fyrirferðarmikil í fjölmiðl-
um. Hvar er umrædd búlla?
2. Ungfrú Ísland borðaði gull í Abú Dabí á dögunum. Hvað heitir stúlkan?
3. Fyrsta íslenska jólamyndin, Desember, var frumsýnd á dögunum. Hver
er leikstjóri hennar?
garðar og dísella
í langHoltskirkju
Listafélag Langholtskirkju stend-
ur fyrir „söngveislu“, eins og það er
orðað í fréttatilkynningu, með Dís-
ellu Lárusdóttur sópran og Garðari
Thór Cortes tenór í Langholtskirkju í
kvöld klukkan 20. Meðleikari verður
Krystyna Cortes. Garðar og Dís-
ella ættu að vera í góðri æfingu í að
harmónera raddir sínar þar sem þau
hafa síðustu vikur sungið saman í
Ástardrykknum í Íslensku óperunni.
Efnisskrá tónleikanna samanstend-
ur af erlendum og íslenskum söng-
lögum, aríum og dúettum. Miðaverð
er 3.500 krónur, miðasala á midi.is.
lokakaflinn
kemur á laug-
ardaginn
Nú er orðið opinbert að Loft-
kastalinn sem hrundi, þriðja
og síðasta bókin í þríleik Stiegs
Larsson, kenndum við Millenni-
um-tímaritið, kemur út næsta
laugardag.
Margir bíða væntanlega eftir
þessari bók en gríðarlangur bið-
listi varð til hjá Bjarti, sem gefur
bækur Larssons út, áður en önn-
ur bókin, Stúlkan sem lék sér að
eldinum, kom út. Í tilkynningu
frá Bjarti segir að ekki séu hins
vegar tök á slíku forskoti að þessu
sinni.
sýning soffíu
Sýning á verkum Soffíu Sæmunds-
dóttur myndlistarmanns var opnuð
í Artóteki, 1. hæð Borgarbókasafns
Reykjavíkur, síðastliðinn fimmtu-
dag. Á sýningunni eru olíumálverk á
tré og striga og einþrykk á pappír. Á
vegg verður sýnt myndbandið Mál-
arinn við höfnina... sem er innsýn í
myndheim Soffíu. Listakonan lærði
myndlist við grafíkdeild Myndlista-
og handíðaskóla Íslands 1987-1991
og lauk mastersgráðu í málun frá
Mills College í Oakland í Kaliforníu
árið 2003. Sýningin stendur til 13.
desember.
Sena stimplar sig inn í bókaútgáfu-
bransanum þetta haustið með út-
gáfu þriggja bóka sem komnar eru í
verslanir. Þetta er nýmæli hjá afþrey-
ingarfyrirtækinu sem hingað til hefur
einbeitt sér að tónlist, kvikmyndum
og tölvuleikjum. Bækurnar fjalla þó
allar um tónlist og tónlistarmenn.
Fyrst ber að nefna Söknuð, ævi-
sögu hins dáða tónlistarmanns Vil-
hjálms Vilhjálmssonar, eftir Jón
„góða“ Ólafsson. Þegar Vilhjálmur
lést í bílslysi í Lúxemborg um pásk-
ana 1978 var hann aðeins þrjátíu og
tveggja ára gamall. Lög hans höfðu
smogið svo kyrfilega að hjartarót-
um þjóðarinnar að fólki fannst sem
það hefði misst nákominn ættingja
við fráfall hans. Allir þekkja umsvifa-
laust vörumerki hans, hina hreinu
og björtu rödd, og flestir geta raulað
Söknuð, Skýið og Lítinn dreng. Færri
vita hins vegar að Vilhjálmur var for-
fallinn lesandi vísindaskáldsagna,
var með próf í dáleiðslu, lagði stund
á rússnesku og svahílí og tók virk-
an þátt í alþjóðlegri réttindabaráttu
flugmanna. Jón segir nú í fyrsta sinn
alla sögu Vilhjálms á líflegan hátt og
með innsæi tónlistarmannsins.
Gylfi Ægisson er fyrir löngu orð-
inn þjóðareign fyrir lagasmíðar sín-
ar og listamannsstörf. Sólmundur
Hólm Sólmundarson hefur nú rit-
að ævisögu Gylfa, sem fengið hefur
titilinn Sjúddirarí rei, en hann hef-
ur þurft að klífa marga brekkuna og
oft var útlitið svart. Sterk listræn þörf
og einlæg trú á samfylgd Jesú á lífs-
göngunni hafa aftur á móti haldið
honum á brautinni.
Þá er væntanleg bókin 100 bestu
plötur Íslandssögunnar eftir Jón-
atan Garðarsson tónlistarspekúl-
ant og Arnar Eggert Thoroddsen
blaðamann. Þeir félagar segja frá
því hvernig og hvers vegna plöturn-
ar sem skipta okkur mestu máli urðu
til. Hvað var í gangi þegar þær voru
í smíðum og af hverju eru þessar
hundrað plötur þjóðinni svo hug-
leiknar?
kristjanh@dv.is
Sena gefur út bækur í fyrsta sinn:
Villi, Gylfi og 100 bestu
Viðfangsefnin verða ekki mikið
stærri en í 2012, endalok heimsins.
Myndin segir sögu þess hvernig auk-
in sólarvirkni og sólargos leiða til
þess að möndull jarðar fer að hitna
og bráðna. Það leiðir aftur til þess að
jarðskorpan fer á hreyfingu og pólar
jarðarinnar breyta um staðsetningu.
Niðurstaðan er ólýsanlegar náttúru-
hamfarir.
Sögu myndarinnar er skipt að
mestu leyti í tvo parta. Annars vegar
fylgjumst við með vísindamannin-
um Adrian Helmsley sem er leikinn af
Chiwetel Ejiofor. Hann er einn af þeim
sem uppgötva hvað sé um það bil að
fara að gerast og starfar sem ráðgjafi
í bandarísku ríkisstjórninni eftir það.
Hins vegar fylgjumst við svo með hin-
um misheppnaða rithöfundi Jackson
Curtis sem er leikinn af John Cus-
ack. Vitandi hvað muni gerast hefur
bandaríkjastjórn látið byggja nokkrar
arkir til þess að reyna að koma í veg
fyrir eyðingu mannkynsins. Fyrir til-
viljun kemst Jackson að því og reynir
að bjarga fjölskyldu sinni.
Það er ekki hægt að segja annað
en að útlit 2012 sé ótrúlegt. Það er
ekkert minna en magnað og átakan-
legt að horfa á heiminn eins og við
þekkjum hann gjörsamlega leggjast í
eyði. Hamfarirnar eru svo miklar og
gríðarlegar að maður á hreinlega erf-
itt með að ná utan um það á köflum.
Til þess að búa til spennu er Jack-
son á flótta undan hamförunum með
fjölskyldu sína og í leiðinni verða til
einhverjir ótrúlegustu bíla- og flug-
vélasenur sem sést hafa. Ekki endi-
lega á góðan hátt heldur eru þær svo
súrrelískar og yfirgengilegar að mað-
ur missir trúna á þeim.
Það er líka einkenni myndarinn-
ar þegar upp er staðið. Hún er bara
of amerísk eins og við var að búast.
Of klisjukennd, of væmin og of mikið
hamfaraklám. Er ekki nóg að heim-
urinn sé að farast? Þarf að keyra það
og allt í kring í algjöran yfirgír með
því?
2012 er þó ekki alslæm mynd.
Hún er bara eins og flestar stórmynd-
ir eru nú til dags. Fullt af geðveikum
tæknibrellum en frekar slappt hand-
rit. Hún á sína spretti og Woddy
Harrelson lyftir henni á örlítið hærra
plan með aukahlutverki sínu. Sama
er að segja um Chiwetel Ejiofor sem
er nokkuð sannfærandi. Afhverju
Danny Glover var valinn í hlutverk
forseta skil ég ekki alveg. Höfðu þess-
ir menn ekki heyrt frasann „Over like
Danny Glover“?
Sjónrænt er 2012 eitthvað það
magnaðasta sem þú munt sjá í ár
og fyrir útlitið eitt á hún skilið tvær
stjörnur. En hún skilur ekki mikið
meira eftir sig. Og plís Hollywood,
það er ekki bara nóg að vera með
góða hugmynd en matreiða hana svo
illa. Það er eins og að borða hráan
kjúkling.
Ásgeir Jónsson
Hamfaraklám
John Cusack og Woody Harrelson Eiga
fína spretti saman í myndinni 2012.
fókus 16. nóvember 2009 mánudagur 29
Svö: 1. í Zürich í Sviss - 2. Guðrún Dögg Rúnarsdóttir - 3. Hilmar Oddsson
Villi Vill Ævisaga þessa dáða tónlistar-
manns er komin út.
MYND LJósMYNDasafN ReYkJaVíkuR
2012
Leikstjórn: Roland Emmerich
aðalhlutverk: John Cusack, Amanda
Peet, Chiwetel Ejiofor, Danny Glover,
Thandie Newton, Oliver Platt, Thomas
McCarthy og Woody Harrelson.
kvikmyndir
Bless bless heimur
Eyðileggingin er algjör.